Morgunblaðið - 29.02.2020, Blaðsíða 18

ÚR BÆJARLÍFINU
Óli Már Aronsson
Hellu
Fimleikadeild Ungmennafélags-
ins Heklu er með öflugt starf í öllum
aldursflokkum og eru um 140 börn
og unglingar úr héraðinu sem æfa
reglulega. Þau koma frá skólum og
leikskólum á Hellu, Hvolsvelli og
Laugalandi. Hópur þeirra elstu sem
eru frá 12-16 ára hafa náð góðum ár-
angri undanfarið í keppnum og sýn-
ingum. Þau fóru til Svíþjóðar sl.
haust og dvöldu þar í æfingabúðum í
eina viku. Ungmennafélagið Hekla
heldur uppi ötulu starfi í mörgum
íþróttagreinum.
  
Flugbjörgunarsveitin á Hellu
hefur átt annríkt undanfarna mán-
uði, líkt og aðrar björgunarsveitir á
landinu. Farið hefur verið í nokkra
tugi útkalla síðan í október og má
nefna að 35 verkbeiðnum var sinnt
þann 14. febrúar sl. þegar veðrið var
sem verst hér um slóðir. Í fyrradag
var sveitin kölluð út vegna ófærðar
og erfiðleika austan Þjórsár. Öflugt
starf er hjá sveitinni og að sögn Erlu
S. Sigurðardóttur formanns eru
núna 40-50 manns á útkallslista og
um 20 manns í unglingadeild. Sveitin
er vel búin tækjum, á einn snjóbíl og
vöruflutningabíl sem fylgir honum,
fimm snjósleða og Ford 350 sem
fylgir þeim, sexhjól og Toyota Ta-
coma-pallbíl, Unimog-torfærubíl og
einn öflugan og mikið breyttan
GMC, sem er nýttur í sjúkra- og
fólksflutninga. Að lokum má nefna
stjórnstöðvarbíl sem kom frá Flug-
björgunarsveitinni í Reykjavík til
varðveislu og notkunar hjá sveitinni
á Hellu.
  
Fjáröflunarstarf hefur verið
með svipuðum hætti hjá Flugbjörg-
unarsveitinni undanfarin ár og er
fyrsta torfærukeppni sumarsins sem
haldin er í maí sú sem gefur drýgst-
ar tekjur ár hvert. Þar á eftir kemur
sala á neyðarkalli og sala á flug-
eldum auk styrkja frá fyrirtækjum,
félagasamtökum og einstaklingum.
Torfærukeppnin í maí er fyrsta
keppnin um Íslandsmeistaratitilinn
ár hvert og hefur verið haldin síðan
árið 1974. Þá má geta þess að undir
lok síðasta árs var skrifað undir
samning við sálfræðistofu þar sem
félagar geta nýtt sér 1-5 sálfræði-
tíma í boði FBSH.
  
Flugbjörgunarsveitin á Hellu
er stofnuð rétt upp úr miðri síðustu
öld og hefur því starfað í tæp 70 ár.
Ákveðið var að stofna sveitina eftir
að flugvélin Geysir fórst á Bárðar-
bungu haustið 1950. Þá kom í ljós
þörfin á að ávallt væru til staðar öfl-
ugar björgunarsveitir, sem brugðist
gætu við í erfiðum neyðartilfellum.
Sveitin hét fyrst Flugbjörgunarsveit
Rangæinga, en síðar var nafninu
breytt. Fyrirmynd að stofnun sveit-
arinnar var sótt til Reykjavíkur, en
þar hafði þá nýlega verið stofnuð
flugbjörgunarsveit. Flugbjörg-
unarsveitirnar voru strax í byrjun
sérhæfðar í björgun fólks úr flug-
slysum, en hafa ávallt unnið jafn-
hliða að öðrum björgunarstörfum.
Sveitin á Hellu leggur sérstaka
áherslu á þjálfun félaga í hálendis-
og öræfaferðum, enda sinnir hún út-
köllum á hálendinu oft á ári.
  
Landsmót hestamanna
2020 fer fram á félagssvæði Geysis
á Gaddstaðaflötum við Hellu 6.-11.
júlí. Fyrsta landsmótið var haldið á
Þingvöllum árið 1950 og þar voru um
10 þúsund manns. Síðan voru mótin
haldin á fjögurra ára fresti þar til ár-
ið 1998, en þá var reglum breytt og
mótin fóru fram á tveggja ára fresti
eftir það. Þetta er sjötta landsmótið
sem fer fram á Hellu. Aðsóknarmet
var slegið á Gaddstaðaflötum árið
2008 þar sem hátt í 14.000 gestir,
knapar, starfsmenn og sjálfboða-
liðar komu saman. Landsmót hesta-
manna hefur verið einn stærsti
íþróttaviðburður landsins frá upp-
hafi, enda er Landssamband hesta-
mannafélaga þriðja stærsta sér-
sambandið innan ÍSÍ, með rúmlega
11 þúsund félagsmenn.
„Fótfráir Hellubúar“ nefnist
gönguhópur á Hellu sem gengur á
hverjum morgni um það bil 2,5 km
vegalengd á þeim hraða sem hentar
hverjum og einum. Lagt er af stað
frá mótum Bogatúns og Þrúðvangs
kl. 10:30 og gengið niður að Ytri-
Rangá og meðfram henni og svo til
baka. Einn hvatamanna í hópnum,
Jón Ragnar Björnsson, segir að yfir-
leitt sé fjöldi þeirra sem ganga milli
10 og 20 manns, misjafnt eftir dög-
um. Allir eru hvattir til að mæta í
gönguhópinn. Hópurinn efnir til við-
burða af og til, t.d. var haldið þorra-
blót nýlega, þar sem 19 manns gerðu
sér glaðan dag.
  
Dynskálar 49 er stórt iðnaðar-
húsnæði sem Bjarni R. Sverrisson
byggði. Húsið er 580 fm að stærð og
keyptu Brunavarnir Rangárvalla-
sýslu 320 fm til framtíðarnota fyrir
slökkvistöð. Stjórn BR kom saman
til fundar 20.2. 2020 og undirritaði
verksamning við Ingólf Rögnvalds-
son frá Trésmiðju Ingólfs ehf. um 2.
áfanga við byggingu nýrrar slökkvi-
stöðvar á Hellu. Fyrirtæki Ingólfs
átti lægsta tilboð í verkið samtals
32.585.507 kr. en kostnaðaráætlun
verksins hljóðaði upp á 38.331.646
kr. Um er að ræða fullnaðarfrágang
við framtíðar-slökkvistöð BR á
Hellu. Á neðri hæð hússins verður
tækjasalur auk snyrtiaðstöðu en á
þeirri efri verður starfsmannarými
auk skrifstofuaðstöðu. Heild-
arverklok eru 15. maí 2020.
  
Ekki er fullfrágengið hvaða
önnur starfsemi verður í húsinu, en
þó hefur fyrirtækið Iceland Igloo
Village leigt um 80 fm fyrir öku-
tækjaleigu sem fyrirtækið hyggst
starfrækja. Þess má geta að þetta er
sama fyrirtæki og hefur verið umtal-
að fyrir uppbyggingu að Leyni í
Landsveit. Það fyrirtæki hefur jafn-
framt fengið úthlutaðar 2 lóðir á
Hellu. Bjarni R. Sverrisson hefur
fengið úthlutaðar 2 lóðir við hlið
Dynskála 49 og er með á teikniborð-
inu 900-1.000 fermetra iðnaðarhús-
næði þar.
Morgunblaðið/Óli Már Aronsson
Fimleikahópur Elsti hópurinn í fimleikadeild Ungmennafélagsins Heklu
með þjálfara sínum, Erlu S. Sigurðardóttur, en um 140 æfa þar reglulega.
Tugir útkalla hjá Flug-
björgunarsveitinni á Hellu
18 FRÉTTIRInnlent
MORGUNBLAÐIÐ LAUGARDAGUR 29. FEBRÚAR 2020
TILBOÐ
1.490 þús.
staðgreitt
FORD Galaxy
Sjálfskiptur
Ekinn 172 þús.
Skoðaður 2021
Nýsmurður
t um olíu á skiptingu
redestein nagladekk
Verð 1.790 þús.
íma 615 8080
7 manna
Diesel
árg. 2011
Nýlega skip
Glæný V
Uppl. í s
Sigtryggur Sigtryggsson
sisi@mbl.is
Vigdísi Hauksdóttur, borgarfulltrúa
Miðflokksins, hefur verið synjað um
að fá afhent trúnaðarmerkt minnis-
blað sem þáverandi borgarlögmaður
ritaði í kjölfar kaupa Reykjavíkur-
borgar á húsinu Hverfisgata 41 árið
2016 á 63 milljónir.
Á fundi borgarráðs sl. fimmtudag
var lagt fram svar Ebbu Schram
borgarlögmanns vegna beiðni Vigdís-
ar. Þar kemur fram að umbeðið
minnisblað sé vinnugagn sem falli
undir undanþáguákvæði upplýsinga-
laga almennings og eðlilegt sé að
trúnaður gildi um efni þess. Úrskurð-
arnefnd upplýsingamála hafi árið
2018 staðfest synjun Reykjavíkur-
borgar á beiðni um afhendingu þess.
Sömuleiðis hafi héraðsdómur
Reykjavíkur komist að sömu niður-
stöðu við rekstur einkamáls fyrir
dómstólnum.
Ebba Schram bendir á að í fundar-
sköpum borgarstjórnar frá 2019 sé
borgarfulltrúum heimilt að kynna sér
gögn sem eru undanþegin upplýs-
ingarétti á skrifstofu borgarstjórnar.
Hún áréttar að umrætt minnisblað sé
ekki til afritunar, birtingar, deilingar
eða dreifingar.
Segir leyndarhyggju algera
Vegna afgreiðslu borgarráðs lagði
Vigdís Hauksdóttir fram eftirfarandi
bókun: „Leyndarhyggjan er algjör
hjá Reykjavíkurborg. Verið er að fela
upplýsingar fyrir almenningi í for-
dæmisgefandi máli hvað varðar
breytingar á skipulagi og uppbygg-
ingu á lóð. Þetta eru afleit vinnu-
brögð og bent er á að stjórnvöld skýla
sér oft á bakvið lagaákvæðið að ekki
þurfi að birta „vinnugögn“.
Borgarráðsfulltrúar Sjálfstæðis-
flokksins bókuðu að enn og aftur
staðfestist að Reykjavíkurborg hefði
farið illa með opinbert fé. Í þessu til-
felli færu 63 milljónir í súginn fyrir
ekkert. „Það er með ólíkindum að
Reykjavíkurborg skuli fara svona
með fjármuni þegar að viðhaldi hefur
ekki verið sinnt og er grunnþjónustu
illa sinnt á ýmsum sviðum.“
Í fundargerð borgarráðs frá því í
fyrradag er ekki að finna frekari
skýringar á því um hvað málið snýst.
Hins vegar er fjallað um kaup
borgarinnar á borgarráðsfundi 10.
nóvember 2016. Samkvæmt fundar-
gerð óskaði umhverfis- og skipulags-
svið eftir að skrifstofa eigna og at-
vinnuþróunar semdi við eigendur að
Hverfisgötu 41 (Sjens ehf.) með það
að markmiði að núverandi hús fengi
að standa áfram á lóðinni og skipulagi
yrði breytt þannig að byggingaréttur
yrði felldur niður. Fyrir lægi sam-
þykkt deiliskipulag sem heimilaði
flutning á húsinu Hverfisgata 41 og
uppbyggingu á lóðinni með bygging-
arrétti fyrir um 800 fermetra. Nú
lægi fyrir samkomulag við eigendur
þar sem gert væri ráð fyrir að greidd-
ar væru samtals kr. 63.000.000, fyrir
útlagðan kostnað og byggingarrétt.
Gert væri ráð fyrir deiliskipulaginu
yrði breytt innan árs.
Beiðni synjað um
að fá minnisblað
borgarlögmanns
 Borgarfulltrúum var boðið að fá að
skoða blaðið á skrifstofu borgarstjórnar
Morgunblaðið/Árni Sæberg
Hverfisgata 41 Minnisblað um
kaupin á húsinu fæst ekki afhent.