Morgunblaðið - 12.03.2020, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 12. MARS 2020
Ársfundur 2020
fimmtudaginn 26. mars
- Heildareignir: 269 milljarðar
- Skráðir sjóðfélagar: 49 þúsund
- Hæsta nafnávöxtun 2019: 17,6%
- Hæsta raunávöxtun á ári sl. 10 ár: 5,7%
Ársfundur Almenna lífeyrissjóðsins verður haldinn á Icelandair
Hótel Reykjavík Natura fimmtudaginn 26. mars 2020 kl. 17:15
Dagskrá:
1. Skýrsla stjórnar.
2. Ársreikningur 2019 og tryggingafræðileg athugun á fjárhag samtryggingarsjóðs.
3. Kynning á fjárfestingarstefnu.
4. Tillögur um breytingar á samþykktum sjóðsins.
5. Kosning stjórnar.
6. Kosning endurskoðenda eða endurskoðunarfélags.
7. Ákvörðun um laun stjórnar.
8. Önnur mál.
Framboðum til stjórnar (aðalmenn) skal skila viku fyrir ársfund sjóðsins. Framboðs-
frestur rennur út þann 19. mars 2020.Hægt er að senda inn framboð á netfangið
almenni@almenni.is.
Ársreikningur, tillögur um breytingar á samþykktum og nánari upplýsingar um árs-
fundinn eru á heimasíðu sjóðsins. Sjóðfélagar eru hvattir til að mæta.
Stjórn Almenna lífeyrissjóðsins.
Nánar á:
www.almenni.is
- A.m.k. 1/3 skyldusparnaðar í séreign
- Hagstæð lífeyrisréttindi
- Daglegt gengi ávöxtunarleiða á heimasíðu
- Sjö ávöxtunarleiðir í boði
Almenni í hnotskurn
Arnar Pétursson er hlaupari úr
röðum Breiðabiks og hefur alls 32
sinnum orðið Íslandsmeistari í
hlaupum, frá 1.500 metrum innan-
húss og upp í maraþon. Í bókinni
tekur hann saman fróðleik frá
bestu hlaupurum og hlaupaþjálf-
urum í heimi og yfirfærir það á
hinn almenna íþróttamann.
„Ég hef notað þessar aðferðir
við mína eigin þjálfun og við þjálf-
un hjá mínum hlaupurum með
góðum árangri. Mér finnst gaman
að deila þessum upplýsingum með
öðrum, eins og ég hef gert í fyrir-
lestrum fyrir fyrirtæki og hlaupa-
hópa. En nú geri ég það í Hlaupa-
bókinni, sem ég hafði mikla
ánægju af því að skrifa. Skemmti-
legust í því ferli eru viðbrögð frá
hlaupurum sem hafa stundað
þetta sport í tugi ára. Einnig eru
margir sem hafa sagt mér að þeir
hafi byrjað að hlaupa eftir að hafa
lesið bókina – og þá er til nokkurs
unnið,“ segir Arnar að síðustu.
Góð viðbrögð frá hlaupurum
ARNAR AFREKSMAÐUR ÍSLANDSMEISTARI 32 SINNUM
Morgunblaðið/Árni Sæberg
Hlaup Reykjavíkurmaraþonið er vinsæll viðburður sem margir æfa gagngert fyrir.
Sigurður Bogi Sævarsson
sbs@mbl.is
Nýlega kom út Hlaupabókineftir Arnar Péturssonsem alhliða biblía fyrirhlaupara, byrjendur sem
lengra komna, fólk sem vill leiðbein-
ingar um hvernig það fái sem mest út
úr hverri æfingu. Það er einn af vor-
boðunum á Íslandi að hlaupararnir
eru nú komnir á stjá. Sporlétt fer
fólkið um stíga og brautir í skærlitum
göllum – og fyllir lungun af súrefni.
Lífsgleðin er ráðandi og hlaupunum
fylgir tilfinning vellíðunar sem hrís-
last um allan líkamann.
Gagnabankinn stækkaði
En kapp er best með forsjá og
mikilvægt er að æfingar séu við hæfi
hvers og eins.
„Þegar fólk er að byrja í hlaup-
um skiptir mestu að setja sér hófleg
mörk og hafa fast mynstur í æfing-
um,“ segir Arnar Pétursson. „Ef þú
sem byrjandi í hlaupum lengir æfing-
ar þínar, bæði í tíma og vegalengdum,
um 10% í hverri viku verður aukn-
ingin fljótt mikil með veldisvexti.
Best er því að byrja á því að æfa mest
3-4 sinnum í viku
og fara þá ekki
lengra en 60 mín-
útur í senn, þetta
ætti að gera í
nokkrar vikur í
röð áður en álagið
er aukið.“
Arnar hefur
verið mörgum til
halds og traust við hlaupaæfingar og
gefið góð ráð. Í gegnum samfélags-
miðla fékk hann gjarnan spurningar
varðandi hlaup og oft var óskað svara
um sambærileg efni.
„Þetta varð til þess að ég safnaði
upplýsingum saman og gat því sent
nokkuð ítarleg, stöðluð svör. Gagna-
banki þessi stækkaði og ég sá fljót-
lega að kominn væri grunnur að góðri
bók. Eftir að ég svo lauk háskólanámi
mínu árið 2018 setti ég kraft í að ljúka
bókinni, sem kom út fyrir síðustu jól.
Það má þó ætla að hún komi mörgum
að góðu gagni nú þegar snjó er að
taka upp, daginn að lengja og hlaupa-
tímabilið að hefjast,“ segir Arnar,
sem hefur verið þjálfari margra
hlaupara.
Í bókinni segir Arnar að finna
megi hvernig best sé að forðast
meiðsli sem oft fylgja hlaupum, farið
sé yfir andlega þáttinn og hvernig
gott úthald og þol sé byggt upp. Í
raun og sann opni bókin nýjan heim
fyrir alla og sérstaklega þá sem hafa
eingöngu tengt hlaup við erfiði.
Koma púlsinum af stað
Í hlaupum er grunnatriði að
koma púlsinum aðeins af stað með
hreyfingu. Fyrir byrjendur getur
verið ágætt að fara í hressilegan
göngutúr kannski þrisvar í viku. Slíkt
skilar fljótt árangri og bættu úthaldi.
„Við höfum öll úthaldspúls sem
ræðst af því hversu margar æfingar
við höfum tekið um ævina, þar sem
púlsinn hefur verið hærri en gerist
við venjuleg dagsverk. Þol eða úthald
segir síðan til um hve hratt fólk bætir
árangur. Sértu byrjandi nú er ágætt
að setja sér takmörk og sé stefnan
sett á Reykjavíkurmaraþon í sumar
er fínt að stefna á 10 kílómetra hlaup
enda fer heilt maraþon, sem er 42,2
kílómetrar, mun verr með líkamann
og er meiri áraun en skemmri og hóf-
legri vegalegndir,“ segir Arnar.
Best að hlaupa á grasinu
Í Hlaupabókinni segir höfundur-
inn að séu tvö meginstef; það er
hvernig fólk geti náð sem bestum ár-
angri en á meðan líkunum á
meiðslum er haldið í lágmarki og svo
hvernig hægt er að fá sem mesta
ánægju út úr hlaupunum.
„Með því að fjölga æfingum
skyndilega úr þremur í sjö í viku
aukast líkur á meiðslum og von-
brigðum. Það tvennt getur ráðið því
að áhugi fólks á hlaupum fjari út. Því
þarf að haga æfingum rétt og kunna
sér hóf. Slíkt er uppskrift að ánægju
og árangri,“ segir Arnar, sem finnst
aðstaðan sem hlaupurum á Íslandi er
búin til fyrirmyndar. Þó vanti fleiri
malarstíga og grasbrautir á höfuð-
borgarsvæðinu því slíkt undirlag fari
betur með líkamann en annað.
„Ein af algengustu meiðslum
hlaupara gerast þegar þeir hlaupa of
mikið á malbikinu, svo ég mæli alltaf
með því að fólk sé grasinu við hliðina
á gangstéttum þegar þess er kostur.
Best væri þó ef það væri alltaf 20-30
sentímetra gróin rönd meðfram öll-
um gangstéttum sem hlauparar gætu
notað því slíkt dregur úr hættu á
meiðslum,“ segir Arnar, sem nú æfir
stíft fyrir maraþonið í Rotterdam í
Hollandi sem verður 5. apríl.
Sjá nánar: https://www.in-
stagram.com/arnarpetur/
Úthald, þol og
andlega hliðin
Sprettur! Þúsundir Íslendinga æfa hlaup og geta nú
fundið góð ráð í Hlaupabókinni eftir Arnar Péturs-
son. Hann segir hóf og fast mynstur í æfingum mikil-
vægt og í raun uppskrift að því að vel takist til.
Morgunblaðið/Kristinn Magnússon
Hreyfing Þol eða úthald segir síðan til um hve hratt fólk bætir árangur, segir Arnar Pétursson hér í viðtalinu.
AFP
Maraþon Almeningshlaup í stórborgum heimsins eru heimsviðburðir, svo
sem hlaupið í París, þótt alls óvíst sé um framhaldið, nú á óvissutímum.