Morgunblaðið - 12.03.2020, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 12. MARS 2020
Blaðaljósmyndarafélag Íslands efnir
til fyrirlestrar í kvöld með Catalinu
Martin-Chico í húsakynnum Blaða-
mannafélags Íslands, Síðumúla 23.
Hefst fyrirlesturinn kl. 20 og er öll-
um opinn.
Samkvæmt því sem fram kemur í
tilkynningu frá Blaðaljósmyndara-
félaginu er Catalina Martin-Chico
margverðlaunaður blaðaljósmyndari
sem hefur sérhæft sig í að fjalla um
mannúðarmál, með sérstaka áherslu
á stöðu kvenna. Hún er í hópi fárra
ljósmyndara sem myndað hafa í
Jemen og Mið-Austurlöndum und-
anfarin átta ár. Ljósmyndir hennar
hafa birst í alþjóðlegum miðlum á
borð við Le Monde, Geo, Der Spie-
gel, New York Times og ELLE.
Catalina var valin besti kvenkyns
blaðaljósmyndari ársins 2017 af Ca-
non fyrir verkefni sitt um aukna
tíðni fæðinga í hópi skæruliða í Kól-
umbíu eftir að samið var um frið í
landinu. Mynd úr sama verkefni var
líka tilnefnd sem ein af myndum árs-
ins hjá World Press Photo árið 2019.
Á fyrirlestrinum fer Catalina yfir
ferilinn sinn ásamt því að kafa dýpra
í þau verkefni sem hún hefur verið
að sinna. Nánari upplýsingar um
hana er að finna á vefsíðunni
www.catalinamartinchico.com.
Kristinn Magnússon, formaður
Blaðaljósmyndarafélagsins, segir
mikinn feng í því að fá Catalinu til
landsins. Áður hafi verið reynt að fá
hana hingað og nú hafi það loksins
tekist. Hvetur Kristinn þá til að
mæta sem áhuga hafa á frétta-
ljósmyndun, blaðamennsku og
mannúðarmálum.
Verðlaunaljósmyndari með fyrirlestur
 Catalina Martin-Chico er gestur Blaða-
ljósmyndarafélags Íslands á fundi í kvöld
Ljósmynd/ Catalina Martin-Chico
Íran Mynd sem Catalina tók af nýgiftum hjónum í borginni Lali í héraðinu Khuzestan í Íran árið 2016.
Ljósmynd/Jerome Bennet
Ljósmyndari Catalina Martin-Chico.
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Dalvegi 10-14, 201 Kópavogi - Sími: 555-1212 - handverkshusid.is
Opið frá kl. 8 - 18 virka daga og 12 - 16 laugardaga
VILTU LÆRA SILFURSMÍÐI,
TÁLGUN EÐA TRÉRENNSLI?
Fjölmör
stuttnáms
í handve
g
keið
rki.
Skráning og upplýsingar á
www.handverkshusid.is
HA
PPATALA
•
D
AGSINS
ER
•
TIL HAMINGJU – ÞÚ HEFUR FUNDIÐ HAPPATÖLUNA!
Farðu inn ámbl.is/happatala og gefðu upp töluna til að komast í pottinn.
Vinningshafar verða dregnir út í þættinum Ísland vaknar á K100 í fyrramálið.
Að sjálfsögðu hvetjum við þig til að taka þátt alla fimmtudaga og laugardaga
næstu fimm vikurnar, því þú gætir unnið glænýjan Samsung Galaxy S20+.
30
Pósturinn mun fella niður geymslu-
gjöld á pósthúsum til að minnsta
kosti 1. apríl til að koma til móts við
viðskiptavini sem eru í sóttkví eða
einangrun vegna kórónuveirunnar
sem veldur sjúkdómnum COVID-19.
Hefur pósturinn biðlað til þeirra sem
eru í sóttkví eða einangrun að grípa
til viðeigandi ráðstafana vegna póst-
sendinga. Er fólki ráðlagt að hafa
samband við Póstinn eigi það von á
sendingu svo að hægt sé að gæta
fyllstu varúðar við afhendingu send-
inga. „Við ætlum okkur að sjálfsögðu
að halda áfram að koma sendingum
til landsmanna hratt og örugglega.
Raunar trúum við því að þessi leið,
þ.e. heimkeyrsla þar sem einn ein-
staklingur kemur sendingu til skila,
sé með öruggari leiðum til að berjast
gegn útbreiðslunni svo lengi sem
fyllstu varúðar er gætt,“ segir
Sesselía Birgisdóttir, framkvæmda-
stjóri þjónustu- og markaðssviðs
Póstsins. „Það er þess vegna sem við
erum að biðla til landsmanna að láta
okkur vita ef þeir eru í sóttkví eða
einangrun þannig að við getum
brugðist við með viðeigandi hætti og
lagt okkar af mörkum til að hefta út-
breiðslu veirunnar.“
90 smit hafa verið staðfest hér á
landi. Þar af er um að ræða 15 inn-
lend smit auk fjögurra 3. stigs smita.
Þá eru um 600 einstaklingar í
sóttkví. Alþjóðaheilbrigðismála-
stofnunin tilkynnti í gær að út-
breiðsla COVID-19 sjúkdómsins
væri nú skilgreind sem heimsfar-
aldur. Á blaðamannafundi íslenskra
stjórnvalda í gær kom fram að flestir
fengju væg einkenni veirunnar en að
farið væri í aðgerðir til að vernda
eldra fólk og aðra viðkvæma hópa
sem gætu orðið mikið veikir smit-
uðust þeir af veirunni. Mestu máli
skipti því ekki hve margir heldur
hverjir smituðust.
Geymslugjöld felld niður vegna COVID-19
Morgunblaðið/Hari
Pósturinn biðlar til fólks í sóttkví að grípa til viðeigandi ráðstafana.
Rauði krossinn á
Íslandi ákvað í
gær með stuðn-
ingi utanríkis-
ráðuneytisins að
veita tæpar 28
milljónir króna
til aðgerða Al-
þjóða Rauða
krossins í Afríku
og á Mið-Austur-
löndum vegna
öndunarfærasjúkdómsins CO-
VID-19. Miða aðgerðirnar að því að
draga úr áhrifum kórónuveirunnar
sem veldur COVID-19 á heilsufar
og velferð ásamt því að draga úr
neikvæðum félagslegum áhrifum á
einstaklinga og samfélög. Er ein-
blínt á fjölþættar aðgerðir sem
draga úr útbreiðslu og efla við-
brögð stjórnvalda og almennings
þar sem staðfest smit hafa komið
upp.
Veita 28 milljónir
vegna COVID-19
Rauði krossinn
bregst við veirunni.