Morgunblaðið - 12.03.2020, Blaðsíða 61

ÍÞRÓTTIR 61
MORGUNBLAÐIÐ FIMMTUDAGUR 12. MARS 2020
Verða áhorfendur á leik Íslands
og Rúmeníu á Laugardalsvell-
inum 26. mars? Fer sá leikur yfir-
leitt fram á þeim tíma?
Á næstu vikum ætti að draga
til úrslita á Íslandsmótunum í
handbolta og körfubolta með til-
heyrandi spennu og skemmtun.
Íslandsmótið í fótbolta á að hefj-
ast síðasta vetrardag, eftir rúma
40 daga.
Evrópukeppnin í fótbolta á
að hefjast í Róm 12. júní.
Ólympíuleikarnir og Ólympíumót
fatlaðra eiga að fara fram í Tókýó
frá júlí og fram í september.
Verður þessu öllu saman
frestað vegna kórónuveirunnar?
Spyr sá sem ekki veit en lík-
urnar aukast dag frá degi. Í gær
var fyrsta leiknum í enska fót-
boltanum frestað, og örugglega
ekki þeim síðasta. Eflaust þarf
að bíða með að ljúka flestum
deildum þar til í sumar eða
haust. Og fresta EM um einn til
tvo mánuði.
Líf og heilsa og almennt ör-
yggi borgaranna hefur forgang.
Þeir sem eru í forystu íþrótta-
hreyfingarinnar, hér á landi og á
alþjóðavísu, skilja það sem betur
fer flestir.
Í stóra samhenginu er sjálf-
sagt að fresta íþróttaviðburðum,
rétt eins og öðrum samkomum.
Ef tvísýnt verður um að halda úr-
slitakeppnirnar innanlands í vor
á að fresta þeim.
Spila í sumar eða haust, eða
þegar það er orðið óhætt sam-
kvæmt lýðheilsuviðmiðum.
Seinka því að hefja næsta tíma-
bil í staðinn.
Íslandsmótið í fótbolta get-
ur byrjað í júní. Því lýkur þá bara
seinna í haust. Við þurfum að
vera með rétta forgangsröð.
BAKVÖRÐUR
Víðir Sigurðsson
vs@mbl.is
HANDBOLTI
Guðmundur Tómas Sigfússon
Víðir Sigurðsson
Einn af leikjum ársins í Olísdeild
karla í handknattleik fór fram í
gærkvöldi þegar ÍR-ingar unnu
magnaðan endurkomusigur á ný-
krýndum bikarmeisturum Eyja-
manna. Leikurinn fór fram á heima-
velli bikarmeistaranna í Vest-
mannaeyjum og lauk honum 31:29
eftir að staðan í hálfleik var 20:12
fyrir ÍBV.
Marga öfluga leikmenn vantaði í
liðin í gær, en þeir Dagur Arnars-
son og Sigurbergur Sveinsson voru
fjarri góðu gamni hjá Eyjamönnum
og í lið gestanna vantaði þá Bergvin
Þór Gíslason og Arnar Frey Guð-
mundsson.
Eyjamenn hófu leikinn af miklum
krafti og tóku forystuna strax í
byrjun, þeir héldu áfram að byggja
ofan á forskot sitt þar til staðan var
20:14 og leikmenn gengu til bún-
ingsherbergja. Hákon Daði
Styrmisson hafði þá nokkrum sinn-
um tætt í sig vörn gestanna og skil-
að knettinum í netið, hann lék sem
leikstjórnandi í leiknum og hóf leik-
inn frábærlega, skoraði 7 mörk á
fyrstu 20 mínútum leiksins.
Markvarslan var lítil sem engin í
fyrri hálfleik beggja megin og
markaskorið eftir því. Það var ljóst
að það lið sem myndi ná að skrúfa
fyrir lekann varnarlega myndi fara
með sigur af hólmi.
ÍR-ingar skrúfuðu rækilega fyrir
lekann og rúmlega það í síðari hálf-
leik, Eyjamenn skoruðu einungis
tvö mörk á fyrstu tíu mínútunum og
níu mörk samtals í öllum seinni
hálfleiknum. Á meðan röðuðu ÍR-
ingar mörkunum á Eyjamenn og þá
sérstaklega af línunni þar sem
Þrándur Gíslason Roth réði ríkjum,
hann skoraði sex mörk. Samtals
unnu ÍR-ingar seinni hálfleikinn
17:9 og síðustu 32 mínúturnar 19:9.
Sigurður Ingiberg Ólafsson náði
sér ekki á strik í byrjun leiks en
hann varði eitt af þeim þrettán skot-
um sem rötuðu á markið, spurning
hvort sjóferðin frá Þorlákshöfn hafi
setið í honum, líkt og öllu ÍR-liðinu í
fyrri hálfleik. Auk þess að bæta
vörn sína í síðari hálfleik lengdu ÍR-
ingar sóknirnar sínar og fækkuðu
töpuðum boltum um helming.
Kristján Orri Jóhannsson spilaði
vel í horninu og nýtti öll sín sex
færi, hann skoraði markið sem vann
leikinn fyrir ÍR á lokakaflanum.
ÍR-ingar eru því eina liðið sem er
með vinninginn í innbyrðisviðureign
gegn ÍBV í deildinni, það er vont
fyrir Eyjamenn sem eru einmitt
jafnir ÍR-ingum að stigum og sitja
nú í 7. sætinu.
Mikilvægur sigur Fram
Framarar eru enn með í barátt-
unni um sæti í úrslitakeppninni eftir
sigur á Stjörnunni, 23:22, í spennu-
þrungnum leik í Safamýri.
Stjarnan var þremur stigum á
undan Fram í áttunda sætinu fyrir
leikinn og hefði gulltryggt sig áfram
með sigri. Nú munar hins vegar að-
eins einu stigi. Stjarnan er með 17
stig og á eftir að mæta FH og Val
en Fram er með 16 stig og á eftir að
mæta Selfossi og FH.
Leikurinn var hnífjafn allan tím-
ann. Framarar voru oftast einu til
tveimur mörkum yfir í fyrri hálfleik
en Stjarnan komst yfir fyrir hlé og
hafði þá eins marks forystu, 11:10. Í
seinni hálfleik var bókstaflega jafnt
á öllum tölum til leiksloka, liðin yfir
til skiptis, en mark Arons Gauta
Óskarssonar reyndist sigurmarkið.
Þorgrímur Smári Ólafsson skor-
aði 8 mörk Fyrir Fram og Aron
Gauti Óskarsson 7 og þá varði Lár-
us Ólafsson 15 skot í marki liðsins.
Tandri Már Konráðsson skoraði 8
mörk fyrir Stjörnuna og Leó Snær
Pétursson 5 og Brynjar Darri Bald-
ursson varði 11 skot.
Valsmenn nálgast deildar-
titilinn og felldu HK
Valsmenn eru með þriggja stiga
forskot á toppnum, eftir sigur á HK,
33:26, en með þeim úrslitum féll
Kópavogsliðið endanlega úr deild-
inni. Valur er með 30 stig en Aftur-
elding, FH, Haukar og Selfoss eiga
þó enn öll von um að ná deildar-
meistaratitlinum af Val í síðustu
tveimur umferðunum. Staðan í hálf-
leik var 13:13 og HK hélt í við Vals-
menn þar til tíu mínútur voru eftir.
Valur breytti þá stöðunni úr 24:22 í
28:22 og tryggði sér sigurinn.
Magnús Óli Magnússon skoraði 7
mörk fyrir Val, Róbert Aron Hos-
tert 5 og Arnór Snær Óskarsson 5
og Daníel Freyr Andrésson varði 17
skot í marki liðsins. Blær Hinriks-
son skoraði 5 mörk fyrir HK, Pétur
Árni Hauksson, Þorgeir Bjarki
Davíðsson og Kristján Ottó Hjálms-
son 4 mörk hver.
Afturelding í annað sætið
Afturelding komst í annað sæti
deildarinnar með því að sigra fallna
Fjölnismenn að Varmá, 25:21, og
eru þremur stigum á eftir Val.
Afturelding á eftir að mæta ÍR og
HK í lokaumferðunum.
Afturelding var lengst af í
nokkru basli með fallna Fjölnis-
menn og var með nauma forystu í
hálfleik, 12:11. Forskotið jókst að-
eins í seinni hálfleik en Mosfell-
ingar náðu ekki að hrista Grafar-
vogsbúa af sér fyrr en á loka-
kaflanum.
Guðmundur Árni Ólafsson skor-
aði 10 mörk fyrir Aftureldingu og
Þorsteinn Gauti Hjálmarsson 4.
Arnór Freyr Stefánsson varði
hvorki fleiri né færri en 22 skot og
var með 52,4 prósent markvörslu.
Goði Ingvar Sveinsson skoraði 5
mörk fyrir Fjölni og Breki Dagsson
4.
Ótrúleg endurkoma ÍR
 Breiðhyltingar voru átta mörkum undir í Eyjum en sigruðu bikarmeistarana
31:29  Framarar galopnuðu keppnina um áttunda sætið í úrslitakeppninni
Morgunblaðið/Sigfús Gunnar
Dauðafæri Sveinn Andri Sveinsson gerir sig líklegan til að skora fyrir ÍR-inga í leiknum í Eyjum.
Svo virðist sem Böðvar Böðvarsson,
vinstri bakvörður pólska félagsins
Jagiellonia, verði í íslenska lands-
liðinu sem mætir Rúmeníu í EM-
umspilinu á Laugardalsvellinum 26.
mars. Félag hans óskaði í gær
Böðvari til hamingju með að vera
valinn í íslenska landsliðið á heima-
síðu sinni. Böðvar kom til Jagiel-
lonia frá FH fyrir rúmlega tveimur
árum og hefur spilað 28 leiki með
liðinu í úrvalsdeildinni í Póllandi.
Hann á fimm A-landsleiki að baki,
allt vináttulandsleiki, síðast gegn
Svíum í janúar 2019.
Böðvar í hópnum
gegn Rúmenum?
Ljósmynd/Kamil Swirydowicz
Pólland Böðvar Böðvarsson er leik-
maður Jagiellonia Bialystok.
Thea Imani Sturludóttir, landsliðs-
kona í handknattleik, hefur samið
við danska félagið Aarhus United
um að leika með því frá og með
næsta tímabili. Thea er að ljúka
þriðja tímabili sínu í Noregi; hún lék
fyrst tvö ár með Volda í B-deildinni
en í vetur með Oppsal í úrvalsdeild-
inni þar sem hún hefur skorað 66
mörk í 19 leikjum. Aarhus United er
í sjöunda sæti af fjórtán liðum í Dan-
mörku og hefur áður verið með ís-
lenska landsliðskonu í sínum röðum,
en Birna Berg Haraldsdóttir lék
með liðinu 2017 til 2019.
Thea er á leiðinni
til Árósa
Morgunblaðið/Kristinn Magnússon
Flytur Thea Imani Sturludóttir fer
frá Oppsal til Aarhus United.
KÖRFUKNATTLEIKUR
Úrvalsdeild karla, Dominos-deildin:
Origo-höllin: Valur – KR...................... 19.15
MG-höllin: Stjarnan – Haukar ............ 19.15
Njarðtaksgryfjan: Njarðvík – Fjölnir 19.15
Sauðárkrókur: Tindastóll – ÍR............ 19.15
1. deild karla:
VHE-höllin: Höttur – Skallagrímur ... 19.15
Smárinn: Breiðablik – Snæfell ............ 19.15
HANDKNATTLEIKUR
Úrvalsdeild karla, Olísdeildin:
Kaplakriki: FH – KA............................ 19.30
Hleðsluhöllin: Selfoss – Haukar.......... 19.30
1. deild kvenna, Grill 66-deildin:
Austurberg: ÍR – Valur U ................... 19.30
KNATTSPYRNA
Deildabikar karla, Lengjubikarinn:
Boginn: KA – Magni.................................. 20
Í KVÖLD!
Ari Gunnarsson
var í gær ráðinn
þjálfari kvenna-
liðs Hauka í
körfuknattleik í
stað Ólafar
Helgu Pálsdóttur
sem var sagt upp
störfum á dög-
unum. Ari hefur
áður þjálfað
kvennalið Ham-
ars, KR, Skallagríms og Vals og er
verkefni hans að koma liðinu í úr-
slitakeppni Íslandsmótsins í vor, en
þar eru Haukar í hörðum slag.
Ari með Hauka
til vorsins
Ari
Gunnarsson
Vestmannaeyjar, Olísdeild karla,
miðvikudag 11. mars 2020.
Gangur leiksins: 5:2, 6:5, 9:6,
11:9, 15:10, 17:12, 20:12, 20:14,
21:16, 22:19, 25:23, 26:26, 29:28,
29:31.
Mörk ÍBV: Kristján Örn Krist-
jánsson 8, Hákon Daði Styrmisson
7/1, Kári Kristján Kristjánsson 5/3,
Theódór Sigurbjörnsson 3, Elliði
Snær Viðarsson 3, Friðrik Hólm
Jónsson 2, Gabriel Martínez 1.
Varin skot: Björn Viðar Björnsson
ÍBV – ÍR 29:31
7/1, Petar Jokanovic 3.
Utan vallar: 12 mínútur.
Mörk ÍR: Kristján Orri Jóhannsson
6, Björgvin Þór Hólmgeirsson 6,
Þrándur Gíslason 6, Hafþór Már
Vignisson 5, Sturla Ásgeirsson
4/1, Sveinn Andri Sveinsson 4.
Varin skot: Óðinn Sigurðsson 7/1,
Sigurður Ingiberg Ólafsson 1.
Utan vallar: 4 mínútur.
Dómarar: Bjarni Viggósson og
Jónas Elíasson.
Áhorfendur: 400.