Víkurfréttir - 15.07.2020, Page 24

Það var á 10. mínútu að Adam Ægir
Pálsson kom boltanum í netið, skot Adams
virtist hættulítið en markmaður Þórsara
gerði sig sekan um mistök sem kostaði
mark. Adam Ægir var aftur á ferðinni á
29. mínútu þegar hann boltann gaf fyrir
mark Þórs og þar var Helgi Þór Jónsson
mættur til að afgreiða hann í netið, 2:0
fyrir Keflavík. Skömmu síðar fékk Frans
Elvarsson að líta seinna gula spjaldið sitt í
leiknum fyrir að toga leikmann Þórs niður,
þar með var Frans rekinn í sturtu og Kefl-
víkingar manni færri það sem eftir lifir
leiks. Við þetta jókst pressa Þórsara jafnt
og þétt en án árangurs og Keflavík leiddi
2:0 í hálfleik.
Síðari hálfleikur byrjaði ekki vel fyrir
Keflvíkinga sem fengu dæmda á sig víta-
spyrnu á 48. mínútu sem Þórsarar
skoruðu úr og minnkuðu muninn í
eitt mark. Áfram hélt Þór að pressa
og sókn þeirra þyngdist en Keflvík-
ingar þjöppuðu sér saman og vörðust
vel. Keflvíkingar áttu sín færi þrátt
fyrir að liggja mestmegnis í vörn og
allt sem kom á rammann varði Sindri
Kristinn Ólafsson, markmaður Kefl-
víkinga og þeirra besti maður. Á 82.
mínútu versnaði útlitið fyrir Keflavík
þegar Kian Williams fékk reisu-
passann og Keflvíkingar tveimur
færri síðustu mínúturnar en Þór náði
ekki að nýta sér liðsmuninn og lauk
leiknum 2:1 fyrir Keflavík sem lyfti sér
upp í þriðja sæti Lengjudeildarinnar
með sigrinum.
Lengjudeild karla:
Keflavík sigraði tveimur færri
Það var baráttuglatt lið
Keflvíkinga sem mætti
Þór frá Akureyri á
Nettóvellinum í fimmtu
umferð Lengjudeildar
karla í knattspyrnu.
Keflvíkingar mættu ein-
beittir til leiks og hófu
hann af krafti.
Helgi Þór búinn að koma boltanum í netið.
Keflvíkingar æfðu golfsveifluna.
Adam Ægir lét vaða fyrir utan teig og skoraði fyrsta mark leiksins.
24 // víkurFrÉttir á SuðurNESjuM í 40 ár
Miðvikudagur 15. júlí 2020 // 28. tbl. // 41. árg.