Víkurfréttir - 15.07.2020, Blaðsíða 30

Leikurinn gegn KF fór rólega af stað og í raun var fyrri hálfleikur
bragðdaufur í meira lagi. Nánast það eina markverða í fyrri hálfleik
gerðist á 12. mínútu þegar Bergþór Ingi Smárason fékk óvænta send-
ingu inn fyrir vörn KF og afgreiddi boltann í netið, 1:0 fyrir Njarðvík.
Seinni hálfleikur byrjaði með
látum, fyrst fengu Ólafsfirðingar
tækifæri til að jafna þegar Njarð-
víkingar björguðu nánast á mark-
línu. Skömmu síðar var mikill
darraðadans upp við mark KF þar
sem Ólafsfirðingar björguðu líka
á línu eftir skot Sean de Silva en
Atli Freyr Ottesen Pálsson hirti
frákastið og skoraði (49’), 2:0 fyrir
Njarðvík. Njarðvík virtist hafa tök
á leiknum þótt gestirnir reyndu
að bæta í sóknarleik sinn en á 67.
mínútu varð Arnar Helgi Magnús-
son fyrir því óláni að skora í eigið
mark, staðan 2:1 og leikurinn gal-
opinn. Njarðvíkingar höfðu átt
skalla í slá úr hornspyrnu skömmu
fyrir sjálfsmarkið og fengu fljótlega
eftir markið tækifæri til að bæta
við þriðja markinu þegar Bessi Jó-
hannsson, sem var nýkominn inn
á, komst í gott færi en skot hans
rataði ekki á rammann heldur
fór rétt framhjá. Sanngjarn sigur
Njarðvíkinga varð útkoman en
hefði lítið mátt út af bregða til að
ekki færi illa.
2. deild karla:
Njarðvíkingar
aftur á beinu brautina
Bergþór Ingi sallarólegur eftir að hafa skorað fyrsta mark leiksins. Á efri myndinni er boltinn á leið framhjá markveði KF sem getur fátt annað en að baða út öllum öngum.
Ari Már Andrésson með skalla í þverslánna.
30 // víkurFrÉttir á SuðurNESjuM í 40 ár
Miðvikudagur 15. júlí 2020 // 28. tbl. // 41. árg.