Víkurfréttir - 15.07.2020, Síða 34

3. deild karla:
Reynismenn á markaskónum
Reynir tók á móti Hetti/Huginn
á BLUE-vellinum í dag í 3. deild
karla og þar kom nýjasti liðsmaður
Reynis við sögu. Magnús Sverri
Þorsteinsson gekk frá félaga-
skiptum í Reyni á lokadegi félaga-
skiptagluggans og hann kom þeim
yfir á 10. mínútu með glæsilegu
marki beint úr aukaspyrnu. Fimm
mínútum síðar bætti Magnús
öðru marki við, nú úr vítaspyrnu.
Staðan 2:0 fyrir Reyni í hálfleik.
Magnús Magnússon bætti þriðja
marki Reynismanna við á 76.
mínútu en undir lok leiksins (87’)
minnkaði Birkir Freyr Sigurðsson
muninn með marki í eigið net.
Úrslitin 3:1 fyrir Reyni og gaman
að sjá Magnús Sverri Þorsteinsson
aftur á takkaskónum en Magnús
lék síðast með Keflavík í Inkasso-
deildinni árið 2016.
Lengi lifir í gömlum glæðum:
Magnús senuþjófurinn
á BLUE-vellinum
Magnús hafði þetta að segja eftir leikinn: „Já, það var
gaman að skora tvö mörk í fyrsta byrjunarliðsleiknum
í fjögur ár – gaman að sanna fyrir sjálfum sér að það sé
enn eitthvað í tánum.
Það var ekki ætlunin að fara á völlinn en ég er að njóta
þess að spila fótbolta og ekki skemmir fyrir að skora mörk.
Reynisliðið er sterkt í ár og verður gaman að sjá hvar við
endum í lok tímabils.“
Magnús sýndi að hann hefur
engu gleymt, hér skorar han
n
beint úr aukaspyrnu og á efr
i myndinni reynir markvörðu
r
Hattar/Hugins að ná til knatt
arins ... án árangurs.
Fyrsta mark Magnúsar síðan
2016.
Seinna mark Magnúsar kom úr vítaspyrnu.
VF-myndir: Hilmar Bragi
Miðvikudagur 15. júlí 2020 // 28. tbl. // 41. árg.
34 // víkurFrÉttir á SuðurNESjuM í 40 ár