Skessuhorn - 03.06.2020, Blaðsíða 6

MIÐVIKUDAGUR 3. júnÍ 20206
Skildi bílinn
eftir
HVALFJSV: Á þriðjudaginn
í síðustu viku var tilkynnt um
yfirgefinn bíl á miðju útsýn-
isplani við Hafnarskóg. Haft
var upp á ökumanninum og
bíllinn síðan fjarlægður með
kranabíl, að sögn lögreglu.
-kgk
Virti ekki
gangbrautarrétt
AKRANES: Ökumað-
ur á Akranesi var sektaður
um 20 þús. krónur fyrir að
virða ekki gangbrautarrétt á
þriðjudaginn í síðustu viku.
Lögregla var við gangbraut-
ina og hafði numið staðar til
að hleypa gangandi vegfar-
anda yfir, þegar bíl úr gagn-
stæðri átt var ekið yfir gang-
brautina. Var viðkomandi
því gripinn glóðvolgur og
sektaður fyrir athæfið. -kgk
Á ferð við
bústað
BORGARBYGGÐ: Sum-
arhúsaeigandi hafði samband
við neyðarlínu síðastliðinn
miðvikudag og greindi frá
því að hann hefði fengið boð
í símann sinn úr öryggiskerfi
sumarbústaðar síns í Borgar-
byggð. Lögregla fór á stað-
inn en sá engin ummerki um
innbrot og engan á ferð. Sést
hafði til bíls við bústaðinn og
hafði lögregla upp á eiganda
hans. Sá kannaðsit við að
hafa verið þarna á ferðinni
og er landeigandi sem kvaðst
hafa verið þarna við eftirlit í
eigin landi. -kgk
Greitt ekið á
nöglunum
DALABYGGÐ: Ökumað-
ur var stöðvaður í Dölum
á miðvikudaginn í síðustu
viku fyrir of hraðan akstur.
Ók hann á 113 km hraða á
klst. þar sem leyfilegur há-
markshraði er 90 km/klst.
Auk þess að aka of hratt
voru nagladekk undir bíln-
um. Bætist sekt vegna nagla-
dekkjanna við hraðasektina.
Umferðarmál voru almennt
mjög áberandi í liðinni viku,
eins og verið hefur undan-
farið. Þar voru hraðaksturs-
mál langmest áberandi, sem
lögregla segir orðin allt of
mörg. -kgk
Ók út af
AKRANES: Ökumaður
missti stjórn á bíl sínum þar
sem hann ók eftir Innnes-
vegi, skammt frá Leyni, laust
eftir miðnætti á fimmtudag-
inn síðasta. Hann slapp ós-
lasaður en bíllinn skemmdist
við útafaksturinn. Ökumað-
urinn ætlaði sjálfur að láta
fjarlægja bílinn. -kgk
Brutu rúðu
SNÆFELLSBÆR: Hringt
var í neyðarlínuna laust fyr-
ir kl. 16:00 á fimmtudag og
tilkynnt um skemmdarverk,
þegar rúða var brotin í húsi
í Ólafsvík. Sást til tveggja
ungra pilta sem stóðu fyrir
utan girðingu og hlupu síð-
an í burtu. Strákarnir fund-
ust og haft var samband við
foreldra þeirra vegna þessa,
að sögn lögreglu. -kgk
Sofnaði
undir stýri
HVALFJ.SV: Umferðarslys
varð þegar ekið var á vegr-
ið við Laxá í Hvalfjarðar-
sveit, skömmu eftir kl. 16:00
á fimmtudaginn. Að sögn
lögreglu er talið að ökumað-
urinn hafi sofnað undir stýri,
með þeim afleiðingum að
hann ók beint á vegriðið og
endaði utan vegar. Maðurinn
kenndi sér eymsla í hand-
leggjum og fótleggjum eft-
ir slysið og var fluttur með
sjúkrabíl á Akranes til að-
hlynningar. Bíllinn er óöku-
hæfur og var fluttur af vett-
vangi með kranabíl. -kgk
Án réttinda
undir áhrifum
AKRANES: Lögregla var
við almennt eftirlit með um-
ferð á Akranesi síðastlið-
inn föstudag, þar sem ástand
ökumanna var kannað. Einn
ökumaður var stöðvaður og
grunaður um ölvun við akst-
ur, sem og akstur undir áhrif-
um ávana- og fíkniefna. Auk
þess að hafa fengið sér of
mikið af einu og öðru til að
geta talist ökuhæfur, reynd-
ist hann ekki hafa réttindi til
að aka bílnum. Var maður-
inn handtekinn og færður á
lögreglustöð. -kgk
Skaginn 3X samdi nýverið við rúss-
nesku sjávarútvegsfyrirtækin Ma-
gadanryba og Yuzhno-Kurilskiy
Rybokombinat. Um er að ræða
ráðgjafasamning sem snýr að þróun
lausna í sjálfvirknivæðingu í fisk-
vinnslu fyrirtækjanna. Breytingar
á vinnumarkaði, auknar kröfur um
skilvirkni og afrakstur ásamt betri
vöru eru meðal þeirra þátta sem
knýja fram aukna sjálfvirkni og nú-
tímavæðingu í geiranum. „Góður
árangur í nýlegum verkefnum okk-
ar í landvinnslu fyrir rússnesku fisk-
vinnslufyrirtækin jSC Gidrostroy
og V.I. Lenin hefur orðið til þess að
við erum nú mikilvægur samstarfs-
aðili margra fyrirtækja bæði í Rúss-
landi og Asíu sem skæjast eftir að
sjálfvirknivæða ferla og þróa nýj-
ar og nútímalegar vinnslu stöðvar,“
segir Arnar Friðrik Albertsson, yf-
irmaður söluhönnunar Skagans
3X.
Einnig hefur Skaginn gert samn-
ing við Hyeseung Fisheries í Suð-
ur-Kóreu, um aðstoð við þróun
nýrrar fiskvinnslu sem stefnt er
að því að verði háþróaðasta land-
vinnslan á því svæði. Í tilkynningu
frá Skaganum 3X kemur fram að
Suður-Kóreumenn fylgi svipuð-
um straumum og Rússar, þar sem
stöðugt fleiri fyrirtæki leggi áherslu
á að bæta og sjálvirknivæða verk-
ferla í framleiðslunni. Aukin sam-
keppni, á innanlands- sem og út-
flutningsmörkuðum, hefur ýtt und-
ir þá þróun. „nýi samningurinn við
Hyeseung Fisheries lofar góðu og
verður spennandi verkefni fyrir sér-
fræðinga okkar í fiskvinnslu,“ seg-
ir Arnar. „Þetta er teymi sem hefur
þróað og innleitt stórar og flókn-
ar heildarlausnir og það verður
ánægjulegt fyrir okkur að taka þátt
í að hanna þessa tímamótavinnslu-
stöð,“ segir hann.
Þegar þessir þrír samningar
breytast í sölusamninga segir Arnar
að uppsafnað virði þeirra verði vel
yfir 40 milljónir evra. Það myndi
samsvara rúmlega sex milljörðum
króna, miðað við gengi gærdags-
ins.
kgk
Arnar Friðrik Albertsson er yfirmaður söluhönnunar hjá Skaganum 3X.
Ljósm. aðsend.
Samið við þrjú fyrirtæki í Rússlandi
og Asíu fyrir sex milljarða
Úr nýlegri fiskvinnslu sem Skaginn 3X setti upp ásamt samstarfsaðilum. Ljósm. úr safni/ Jóhannes Jónsson.