Skessuhorn - 03.06.2020, Blaðsíða 26

MIÐVIKUDAGUR 29. MAÍ 201926
Horft yfir liðið ár og litið til þess nýjaSjómannadagurinn
Ágúst jónsson á bátinn jón Beck
SH-289 og gerir út á strandveiðum
frá Grundarfirði. Gústi jóns, eins
og hann er iðulega kallaður, er raf-
virki að mennt og er það hans aðal-
starf. Hann byrjaði ungur á sjó, var
aðeins 18 ára þegar hann hóf sjó-
mannsferilinn.
„Ég fór fyrst á sjóinn árið 1978
er ég réði mig á Fanneyju SH-24
sem var á netum frá Grundarfirði.
Þar fékk maður smjörþefinn af
þessu og líkaði vel,“ segir Gústi.
Síðan lá leiðin á Haffara SH-275
þar sem örlögin gripu í taumana.
„Ég lenti í slysi þarna um borð
en það var í eitt skiptið þegar við
vorum að láta trossuna fara að ég
kipptist með henni og út í sjó,“ rifj-
ar Gústi upp. „Þeir náðu að snúa
bátnum og kippa mér upp en ég var
í nokkrar mínútur í sjónum og var
sannast sagna hætt kominn,“ bæt-
ir hann við. Þetta var árið 1980 og
þarna breyttist viðhorfið til sjó-
mennskunnar. „Eftir þetta hét ég
því að fara aldrei á sjó aftur og taldi
mínum sjómannsferli lokið,“ segir
hann. Gústi fór því í nám og lærði
rafvirkjun og fór að vinna í landi
við iðn sína.
Eitthvað virtist sjórinn þó heilla
því níu árum eftir slysið, eða árið
1989, var rólegt að gera í rafmagn-
inu og því leitaði Gústi á sjóinn aft-
ur. „Ég réði mig í hálft ár á Runólf
SH-135 hjá Runólfi Guðmunds-
syni skipstjóra,“ rifjar Gústi upp.
„Þó að ég hafi ráðið mig í hálft ár
þá varð þetta hálfa ár að fimmtán
árum en þá hafði ég verið á Runólfi
þangað til hann var seldur, var að-
eins á Helga SH og svo á Hring SH
þegar ég fór í land aftur árið 2004,“
bætir hann við.
Á milli þess að vera á sjó og
grípa í rafvirkjun þegar færi gafst
fór Gústi líka á skak á sumrin. „Ég
fór á skak fyrir hina og þessa ef þá
vantaði einhvern til að róa fyrir sig.
Það er veiðiskapur sem mér líkaði
afskaplega vel. Maður varð hálf
þunglyndur á vorin að komast ekki
á skak eftir að ég fór í land.“ Þeg-
ar strandveiðarnar hófust fór hug-
urinn að leita aftur út á sjó enda
skemmtileg stemning sem myndað-
ist. „Ég keypti mér bát í desember
2012 og fór svo á strandveiðarnar
sumarið 2013. Ég skýrði bátinn jón
Beck SH í höfuðið á föður mínum
heitnum og hef fiskað ágætlega.“
útgerðin hefur þó ekki gengið
áfallalaust fyrir sig. „Það hefur allt
bilað í bátnum sem getur bilað,“
segir Gústi. „Ég hef verið í allskyns
brasi og bilanaveseni í gegnum árin
en núna virðist þetta vera farið að
ganga betur. Í fyrrasumar þurfti ég
að láta hífa bátinn fimm sinnum
upp á bryggju til viðgerða. Ég fisk-
aði samt vel og var það besta sum-
arið mitt síðan ég byrjaði á strand-
veiðunum. Þetta sumar byrjar
ágætlega og ég er nokkuð bjartsýnn
á framhaldið,“ segir Gústi á kajan-
um við bát sinn. Hann vill fara að
komast heim í bað eftir langan dag
á veiðum.
tfk
nemendur í Grunnskólanum í Borgarnesi fengu nýver-
ið skemmtilega heimsókn frá Einari Árna Pálssyni, en hann
starfar stóran hluta af árinu á frystitogara, mánuð í senn. Ein-
ar kom með fjölbreytt úrval af djúpsjávarfiskum, skelfiski og
krabbadýrum fyrir krakkana að skoða. Þarna voru m.a. kross-
fiskar, rottufiskur, sæköngulær og lúsífer ásamt fleiri fiskum
sem koma í veiðarfæri togarans sem meðafli.
Flestum þótti þetta afar áhugavert og stóðust ekki freist-
inguna að pota í slímugt yfirborðið á sumum furðufiskunum.
Aðrir létu sér nægja að skoða úr fjarlægð og sumir tóku fyrir
nefið svo að örugglega engin fiskifýla kæmist þar í gegn.
glh
Körin þrifin og báturinn græjaður fyrir næsta túr.
Þrátt fyrir óhapp á sjó leitaði hugurinn sífellt þangað
Ágúst Jónsson við bátinn sinn Jón Beck SH-289.
Verið að landa upp úr bátnum.
Rottufiskur.
Sýndi börnum í Borgarnesi djúpsjávarfiska
Einar sýnir hér nemendum rækju.
Einar heldur hér á lúsífer, djúpsjávarfiski með lítið vasaljós fast við sig.
Sumum nemendunum þótti lyktin
um of.
Undur undirdjúpanna.