Skessuhorn - 28.10.2020, Blaðsíða 17

3

Gæða Retro græjur
Soundmaster DAB970
Kemur í viðarlit og svörtu
DAB útvarp FM
CD spilari / USB spilari
Bluetooth/spilar frá síma
Klukka með vekjara
litaskjár 2,4”
2x15 wött RMS
Nett en kraftmikil græja
Verð kr. 43.900,-
Soundmaster NR995
Kemur í viðarlit og hvítu
PLötuspilari
DAB útvarp FM
CD spilari / USB spilari
Getur tekið upp stafrænt af
hljómplötum.
Bluetooth/spilar frá síma
2x20 wött RMS
Hljóm-mikil mubla
Verð kr. 99.900,-
Soundmaster PL905
DAB útvarp FM
CD spilari / USB spilari
litaskjár 2,4”
33/45/78 snúninga plötuspilari
Kassettu-spilari
Getur tekið upp stafrænt af hljómplötum
Verð kr. 74.900,- sala@taekniborg.is
Kæri lesandi!
Með þessu tölublaði Skessu-horns fylgir blaðauki helg-aður þeim tímamótum
að fimmtugasta starfsár Brákarhlíð-
ar er að renna sitt skeið. Árið átti
að verða ár viðburða til að minnast
þeirra tímamóta að í byrjun næsta árs
verða rétt 50 ár frá vígsludegi Dval-
arheimilis aldraðra í Borgarnesi. Þótt
svo færi að góð áform urðu ófram-
kvæmanleg vegna óvæntra aðstæðna
þá var útgáfa þessa afmælisblaðs ein
af þeim hugmyndum sem fyrirhugað
var að hrinda í framkvæmd. Ætlun-
in er einnig að halda veglega afmæl-
ishátíð á sjálfan afmælisdaginn þann
31. janúar 2021. Vonandi tekst það;
að því er stefnt.
Vígsludagurinn fyrir fimmtíu
árum var mikil sigurhátíð fyrir
Borgfirðinga og ekki hvað sízt fyrir
frumherjana, félagskonur í Sambandi
borgfirzkra kvenna, að þeirra helzta
baráttumál var í höfn. Á þeirra
vettvangi, sambandsþingi SBK 1957,
var fyrst vakin athygli á þörfinni fyrir
sérstakt heimili í héraði fyrir aldrað
fólk þar sem það gæti átt athvarf og
heimili á sínu ævikvöldi. Það gerði
Steinunn Benediktsdóttir húsfreyja
í Ausu. Kvenfélagskonur svöruðu
kalli tímans og létu verkin tala,
söfnuðu fé til framkvæmda og töluðu
fyrir málinu. Leitað var liðsinnis
sýslunefnda og hreppsnefnda og
þannig eru sveitarfélögin enn
þann dag í dag tryggir bakhjarlar
heimilisins ásamt SBK og skipa
fulltrúa sína í stjórn þess. Í tvígang
var heimilið stækkað til að geta
brugðizt við vaxandi eftirspurn. Svo
á liðnum áratug, fimmta áratugnum
í rekstri heimilisins, var það bæði
stækkað og eldri hlutinn innréttaður
upp á nýtt. Það var gert til þess að
svara breyttum kröfum tímans um
rýmri og betri aðbúnað. Nú hefur
hver heimilismaður sitt einkarými og
heimilið í heild sinni er fullkomlega
í stakk búið til að rækja hlutverk
sitt sem hjúkrunarheimili. Varla
telst ofsagt að vel hafi tekizt til með
uppbyggingu og endurbætur svo eftir
hefur verið tekið.
Þegar nýja álman var vígð árið
2012 fékk heimilið nýtt nafn og heitir
Kveðja frá stjórn
nú fullu nafni Brákarhlíð, hjúkrunar-
og dvalarheimili, en daglega nefnt
Brákarhlíð. Húsakostur heimilisins
er góður. Það eitt er gott og blessað
út af fyrir sig en ekki er minna virði
sá mannauður sem fólginn er í
starfsfólki heimilisins er þar gengur
til starfa dag hvern. Það hefur sýnt
sig undanfarna mánuði þegar hver
dagur er áskorun. Þessi tími hefur
verið öllum erfiður, heimilisfólki,
starfsfólki og aðstandendum.
Dapurlegast er að dýrmætur tími til
samskipta og samveru fer forgörðum
þegar hver dagur sem líður rýrir
möguleikana til að bæta sér það
upp síðar. Þessi veirufaraldur sem
sem nú gengur yfir heimsbyggðina
er óþurftargestur. Af honum stafar
mikill háski. Fram hjá því verður ekki
horft. Öll erum við þolendur með
einhverjum hætti og heilu samfélögin
eru á varðbergi. Brákarhlíð er eins
og önnur hjúkrunarheimili, eðli
máls samkvæmt, í viðkvæmri stöðu
en jafnframt eru þau skjaldborg
um velferð heimilisfólksins. Þar er
starfsfólk Brákarhlíðar allt sannarlega
í framvarðarsveit. Þar ríkir virðing og
umhyggja.
Í lok þessa pistils er rétt að
minnast á vinnustaðinn Brákarhlíð
og mikilvægi hans. Brákarhlíð er
stór vinnustaður og stöðugur í
okkar tiltölulega litla samfélagi.
Yfir 50 ársverk eru innt af hendi
í Brákarhlíð. Alls koma þar að
verki 80-90 einstaklingar. Þannig
eru all margir í hlutastörfum sem
er mörgum hentugt. Ónefnd eru
afleidd störf við framkvæmdir,
viðhald mannvirkja og aðfengin
þjónusta af ýmsum toga.
Heimilismenn eru á sjötta tug auk
nokkurra sem koma til dagdvalar. Já,
Brákarhlíð er sannarlega verðmætur
staður í öllu tilliti.
Stjórn Brákarhlíðar væntir þess
að þessi blaðauki Skessuhorns verði
ykkur, lesendur góðir, til gagns og
ánægju og að þið séuð margs vísari
eftir lesturinn.