Skessuhorn - 28.10.2020, Blaðsíða 27

13
Til hamingju með 50 árin!
ÁSMUNDUR EINAR DAÐASON
FÉLAGS- OG
BARNAMÁLARÁÐHERRA
Í Brákarhlíð er búið að stúka af herbergi á þriðju hæð sem hefur fengið nafnið
Guðnýjarstofa, til minningar
um Guðnýju Baldvinsdóttur frá
Grenjum. Þar eru falleg húsgögn
og aðrir munir frá Guðnýju en
hún var mikill velgjörðarmaður
heimilisins. Guðný ræktaði tengsl
við íbúa Brákarhlíðar meðan hún
bjó í íbúð sinni í Borgarnesi fast
að tíræðu. Eftir að hún flutti
sjálf þangað undi hún hag sínum
vel. Var hún prjónakona góð og
lagði mikið handverk til basara á
heimilinu. Meðal annars tvíþumla
vettlinga sem seldust eins og
heitar lummur.
Í Guðnýjarstofu geta
aðstandendur og heimilismenn
komið saman í ró og næði.
arg
Í ágúst síðastliðinn urðu þær breytingar í eldhúsi Brákarhlíðar að Sylvía Björk Aðalsteinsdóttir
og Ella Stankiewicz tóku við
keflinu af Ómari Bjarka Haukssyni,
kjötiðnaðarmeistara og matráði.
Ómar þurfti af heilsufarsástæðum að
stíga til hliðar hjá Brákarhlíð eftir að
hafa starfað þar í næstum sjö ár og
hafa þær stöllur staðið eldhússvaktina
síðan. „Ég byrjaði að vinna hjá
Brákarhlíð sem aðstoðarkona í
eldhúsi. Þá var ég að vaska upp, ganga
frá og þrífa eftir matinn, ásamt því að
taka til pantanir fyrir heimilin,“ segir
Sylvía Björk í samtali við Skessuhorn.
„Ella var þá búin að starfa hjá
Brákarhlíð í rúm þrjú ár. Hún byrjaði
fyrst sem aðstoðarkona í eldhúsi hjá
Ómari og var svo aukalega í þrifum
áður en hún byrjaði svo að elda fyrir
tveimur árum. Núna stýrum við þessu
tvær saman,“ bætir Sylvía við.
Þaulskipulagður matseðill
Það er margt sem þarf að huga að
þegar matseðill er skipulagður fram
í tímann. Sylvía segir að matseðill
Brákarhlíðar sé áætlaður sex vikur
fram í tímann hverju sinni, og
ákveða þær Ella hann í sameiningu
með Höllu Magnúsdóttur,
forstöðumanni þjónustusviðs, ásamt
næringarfræðingunum og systrunum
Ólöfu Helgu og Margréti Þóru hjá
100g ehf. á Akranesi. „Við þurfum
að gæta þess sérstaklega að maturinn
sé næringarlega vel samsettur,
orkuríkur og próteinríkur fyrir íbúa.
Þess vegna erum við í samstarfi við
næringarfræðinga sem hjálpa okkur
með það. Við pössum að bjóða upp
á fjölbreytt mataræði og orkubætum
máltíðirnar sé þess þörf. Þá erum
við til dæmis að passa að hafa nóg af
rjóma eða smjöri í réttunum,“ útskýrir
Sylvía.
Blaðamaður spyr í kjölfarið hvernig
viðtökurnar við matseldinni hafa verið
frá íbúum og starfsfólki eftir að þær
tóku við eldhússkeflinu? „Viðtökurnar
hafa verið mjög góðar. Stundum
þegar ég hef prófað eitthvað nýtt þá
fer það reyndar misvel í íbúana,“ segir
Sylvía og hlær. „Ég prufaði einu sinni
að elda grænmetisrétt með baunum
og sá réttur fékk mjög blendnar
viðtökur enda var sá réttur töluvert
öðruvísi en fólk var vant. Oj, þetta
er vont hefur mögulega heyrst þó
enginn hafi sagt það beint við mig,“
bætir hún kímin við. „Þetta er kurteist
fólk en það situr ekki á skoðunum
sínum og kemur þeim frekar vandlega
frá sér sem er bara gott og gaman,“
bætir hún við og brosir. „Ég held líka
að ef maður kynnir nýja rétti hægt og
rólega þá er þetta í fínu lagi. Núna
þykir flestum til dæmis gott að fá
grænmetisrétt í matinn.“
Vinnudagurinn
Hefðbundinn dagur hefst klukkan
8:00 hvern morgun í eldhúsinu í
Brákarhlíð. Þá er mætt til vinnu,
farið yfir matseðil dagsins og hráefni
tekið til. Klukkan 9:40 er kaffihlé sem
er til kl. 10:00. Að honum loknum
er maturinn fyrir matarbakkana
eldaður og hafður tilbúinn kl.
11:00 fyrir starfsfólk búsetunnar
í Borgarbyggð sem keyra þá út til
eldri borgara í Borgarnesi. Því næst
er hádegismatur íbúa Brákarhlíðar
settur í hitakassana og keyrður á sína
staði. Þá gefst tími til að undirbúa
næsta dag, athuga hráefni og farið yfir
bókhald. Hádegismatur starfsfólks
er því næst framreiddur og svo
gengið frá í eldhúsinu. Að lokum
er kvöldmaturinn græjaður áður en
vinnudagurinn klárast svo kl. 15:30.
„Við verðum sex sem munum starfa
í eldhúsinu. Við erum þrjár í dag, ég,
Ella og Inga Berta Bergsdóttir sem
erum starfandi. Svo bætist ein ný í
teymið okkar í byrjun nóvember. Hún
kemur þá í gömlu stöðuna mína og
verður að aðstoða í eldhúsinu. Ekki
má gleyma henni Ástu Hjaltadóttur
og Helgu Björgu Hannesdóttur. Hún
kemur og bakar ýmiss konar bakkelsi
einu sinni í viku auk þess sem hún
aðstoðar okkur í eldhúsinu sé þess
þörf.“
Eldamennska er hugleiðsla
Sylvía segist alla tíð haft mikla unun af
því að elda og ver mörgum stundum í
eldhúsinu, hvort sem það er eldhúsið
í vinnunni eða heima hjá sér. „Það er
mikil slökun í því að elda og hálfgerð
núvitund að dunda sér í eldhúsinu við
eldamennsku. Þetta er nánast eins og
hugleiðsla hverju sinni,“ segir Sylvía
sem bætir jafnframt við að henni þykir
afar erfitt að fylgja uppskriftum. „Ég
fer helst mínar eigin leiðir í eldhúsinu.
Ég nota uppskriftir kannski sem
viðmið, en ég þarf alltaf aðeins að
laga og bæta. Aðalatriðið er bara að
bragðið sé gott. Það er til dæmis mjög
gaman og skemmtileg tilbreyting
þegar ég prófa nýja rétti í vinnunni og
ég fæ góð viðbrögð, það er æði,“ segir
hún að endingu. glh
Sylvía og Ella hafa tekið við
keflinu í eldhúsinu í Brákarhlíð
Ella, Ásta og Sylvía tóku sér pásu úr eldhúsinu til að taka mynd fyrir utan Brákarhlíð.
Ljósm. glh.
Guðnýjar frá Grenjum
minnst í Brákarhlíð
Guðný Baldvinsdóttir var mikill velgjörðarmaður heimilisins.
Handverk eftir Guðnýju Baldvinsdóttur.