Skólavarðan - 2017, Side 8

Eins og kunnugt er hefur Alþingi samþykkt
breytingar á lögum um A-deild LSR.
Samkvæmt lögunum verður tekið upp breytt
réttindakerfi hjá deildinni 1. júní 2017 með
aldurstengdri réttindaávinnslu og 67 ára
lífeyristökualdri.
Frá þessu er greint á vef LSR og þar
segir jafnframt: „Meðal þeirra áhrifa sem
breytingarnar hafa á núverandi sjóðfélaga
í A-deild LSR má nefna að með framlagi
ríkisins í lífeyrisaukasjóð er núverandi
sjóðfélögum tryggð áfram óbreytt ávinnsla
framtíðarréttinda og óbreyttan lífeyristöku-
aldur við 65 ár.“
Þá segir í sömu frétt að ekki verði
gerð breyting á þegar áunnum réttindum
núverandi sjóðfélaga, hvorki þeirra sem eru
í starfi í dag, byrjaðir að taka lífeyri eða eiga
eldri réttindi hjá sjóðnum. Þau réttindi verði
áfram reiknuð í jafnri réttindaávinnslu og
miðuð við 65 ára lífeyristökualdur.
Á vef LSR segir að ef þær forsendur
sem miðað er við ganga ekki eftir, kunni að
koma til breytinga á áunnum réttindum.
Þetta á ekki við um þá sem byrjaðir eru
að taka lífeyri, eða verða orðnir 60 ára við
gildistöku 1. júní nk. Nýir sjóðfélagar ávinna
sér réttindi í aldurstengdu réttindakerfi og
lífeyristökualdur verður miðaður við 67
ára aldur. LSR efnir til kynningarfunda um
málið í Reykjavík, á Ísafirði, Akureyri og
Egilsstöðum í þessum mánuði.
Hvernig líður kennurum í vinnunni? Verða
þeir fyrir einelti, kynferðislegri áreitni eða
eru þeir beittir ofbeldi? Þetta var meðal
þeirra spurninga sem vinnuumhverfisnefnd
Kennarasambandsins lagði upp með þegar
hún fékk Hjördísi Sigursteinsdóttur, aðjúnkt
Viðskipta- og raunvísindasviðs HA, til
samstarfs við sig. Hjördís lagði könnun
fyrir félagsmenn Kennarasambandsins og
tæplega 49% þeirra svöruðu könnuninni.
Markmiðið var að kanna í hversu miklum
mæli kennarar lentu í ofangreindum
atvikum á vinnustað.
Niðurstaðan liggur nú fyrir, en í ljós
kom að rúmlega 10 prósent félagsmanna
Kennarasambandsins hafa orðið fyrir einelti
á vinnustað á síðustu tveimur árum. Tæp
tvö prósent hafa orðið fyrir kynferðislegri
áreitni, rúm þrjú prósent fyrir kynbundinni
áreitni og um fimm prósent fyrir hótunum
eða líkamlegu ofbeldi í störfum sínum. Það
vekur sérstaka athygli að mikill meirihluti
þessara mála, eða rúm 60%, er aldrei
tilkynntur.
Þessa dagana er unnið að því að kynna
niðurstöðurnar fyrir forsvarsmönnum
Kennarasambandsins og aðildarfélaga
þess. Ljóst er að skoða þarf þessi mál nánar
með það að markmiði að vekja kennara
og skólastjórnendur til vitundar um þessi
mál og fækka þeim. Einnig þarf að skoða
sérstaklega ástæðurnar fyrir því að jafnhátt
hlutfall þessara mála og raun ber vitni er
ekki tilkynnt á nokkurn hátt.
EINELTI, ÁREITNI OG OFBELDI
MEðAL KENNARA
Hjördís Sigursteinsdóttir, aðjúnkt Viðskipta- og raunvísindasviðs HA, kannaði líðan kennara fyrir
vinnuumhverfisnefnd KÍ.
FRÉTTIR
KYNNINGARFUNDIR UM
BREYTINGAR Á A-DEILD LSR