Ásgarður : blað starfsmanna ríkis og bæja - 15.05.1979, Page 18
að lausn þeirra mála með áskorunum í útvarpi áður
en verkfall hófst um að starfsfólk skyldi mæta til vinnu.
Nokkur bréfaskipti og heimsóknir urðu varðandi af-
greiðslu einstakra mála meðan á verkfallinu stóð milli
BSRB og Kjaradeilunefndar.
Helsfu ágreiningsmái
í 1. tbl. Ásgarðs í febr. 1978 er rakinn ítarlegur verk-
fallsannáll. Er því ekki ástæða til þess að fjölyrða um
einstök mál en eftirtalin ágreiningsmál komu m. a. upp:
a) Deilt var um hliðvörslu lögregluþjóna á Keflavík-
urflugvelli og dróst afgreiðsla ökutækja nokkuð fyrsta
verkfallsdaginn.
b) Miklar deilur urðu um skólana, þar sem húsverðir
höfðu m. a. lagt niður vinnu í framhaldsskólum, þar
sem einkum voru starfandi kennarar úr Bandalagi há-
skólamanna. Voru skólarnir lokaðir lengst af, en undir
lokin voru gefnar undanþágur frá því.
c) í heild má segja að sjúkrahús landsins hafi starfað
nokkurn vegin eðlilega meðan á verkfalli stóð, en í upp-
hafi voru mjög ófullkomnir listar frá kjaradeilunefnd yfir
starfsfólk og ágreiningur skapaðist af þeim sökum.
d) Strax 2. verkfallsdaginn fóru flugfarþegar hér
heima og erlendis að ókyrrast mjög og þann dag kom
sendinefnd frá Flugleiðum á fund verkfallsnefndar og
voru síðan margir fundir haldnir með þessum aðilum.
Fimmta verkfallsdaginn veitti verkfallsnefndin undan-
þágu til flugs til útlanda bæði Flugleiðum og Arnarflugi.
Áður hafði verið veitt undanþága til að flytja sjúkling
til útlanda. Er vika var liðin af verkfallinu, komu á ann-
að hundrað íslendingar heim frá útlöndum og síðan í
lok verkfallsins var samþykkt að leyfa þremur Flugleiða-
þotum að fara út með farþega og að 3 Arnarflugs-
þotur fengju leyfi til þriggja ferða.
e) Telexmálið svokallaða var mikið til umræðu. Fyrir-
skipun kom frá ríkisstjórninni um að opna telexstöðina
í Landssímahúsinu sem hafði verið lokað vegna þess
að gataspjöld vantaði í hana, og því voru greiðslur fyrir
telexviðskipti ekki skráðar, en þau gátu hins vegar farið
fram.
f) Þriðja dag verkfallsins óskaði Eimskipafélag íslands
eftir að tvö skip félagsins fengju að koma að bryggju
í Reykjavík, en því var hafnað. Var þetta upphafið að
miklum deilum. Þegar farskipin voru orðin 9, var reynt
að skapa þrýsting á verkfallsnefnd og forystu BSRB og í
því skyni var verkfallsvarsla aukin og var um tfma 150
manns starfandi að vörslu vegna þessa. Ekkert skip var
tekið upp að bryggju meðan á verkfallinu stóð.
g) Nolckur dæmi voru um tilraunir til verkfallsbrota,
en engin mjög alvarleg en á 8. degi verkfallsins gerðist
það í mötuneyti Arnarhvols, að starfsmenn í stjórnar-
ráði lögðu hendur á tvo verkfallsverði, sem voru við
dyr mötuneytisins. Stjórn BSRB vítti ofbeldið á fundi
sínum.
h) Meðal þeirra mála sem Kjaradeilunefnd afgreiddi
var undanþáguheimild vegna tollaafgreiðslu á græðling-
um. Þetta mál vakti nokkuð umtal, en var látið afskipta-
laust af BSRB.
i) Fiskmat var mjög umrætt meðan á verkfalli stóð
og taldi BSRB að það væri lögbrot að landa fiski án
þess að starfsmenn framleiðslueftirlits sjávarafurða kæmu
þar nærri. Fulltrúar BSRB fóru á fund sjávarútvegs-
málaráðherra vegna máls þessa, en hann neitaði að
skipta sér af því.
j) Undir lok verkfallsins var stöðvuð afgreiðsla
á 40.000 lesta skipi með súrál til Straumsvíkurhafnar
vegna ÍSAL. Skipinu var haldið úti þar til verkfalli
var lokið og fyrir lá að ÍSAL ætlaði að fara fram á
lögbann vegna þessara aðgerða verkfallsmanna.
k) Afarmörg mál komu til kasta verkfallsnefndar-
innar og heimildir voru gefnar til undanþágu varð-
andi símtöl bæði til útlanda og viðgerða á biluðum
símum vegna heilsu og öryggisþjónustu, en flestum
öðrum undanþágum var hafnað.
Fundir og upplýsingaþjónusta
Reynt var að, gefa út fréttablaðið Huga og meðan
á verkfallinu stóð og var skipulögð dreifing á því.
Það reyndist ýmsum erfiðleikum háð vegna sambands-
leysis um landið, en blaðið var borið út í hverfi til
félagsmanna BSRB í Reykjavík og kaupstöðum.
Á 5. verkfallsdegi boðaði BSRB til útifundar á
Lækjartorgi og töluðu þar forystumenn samtakanna
og skýrðu stöðuna í verkfallsmálum. Mættu þar
2—3000 opinberir starfsmenn.
Við lok verkfallsins laugardaginn 22. október fjöl-
menntu félagar í BSRB að tröppum Háskóla íslands og
stóðu þar í þögulli mótmælastöðu, þegar samninganefnd
ríkisins kom þar til fundar.
Mörg af aðildarfélögum bandalagsins reyndu að gefa
út dreifibréf og m. a. kom út dreifirit í Hafnarfirði
nokkrum sinnum meðan á verkfallinu stóð og hét Verk-
fallspósturinn.
Á skrifstofu BSRB var reynt að gefa upplýsingar um
það helsta sem var að gerast í verkfallinu til þeirra, sem
þangað komu, en þangað streymdu hundruð manna á
hverjum degi. Síðan var ákveðið að boða til blaða-
mannafunda og voru þeir haldnir stöðugt tvisvar á dag
og skýrðu þar bæði forráðamenn bandalagsins frá stöð-
unni í samningamálum og fulltrúar frá verkfallsnefnd og
verkfallsvörslu gerðu grein fyrir því helsta, sem þar
hefði borið á góma. Á þennan hátt var reynt að vega upp
á móti þeim áróðri, sem blöð héldu uppi gegn verk-
fallinu.
Þegar fór að líða á verkfallið, þá mynduðu félög
18
ASGARÐUR