Ásgarður : blað starfsmanna ríkis og bæja - 15.05.1979, Blaðsíða 25
Voru niðurgreiðslur auknar, skattar lágtekjufólks lækk-
aðir o. fl. skv. sama frumvarpi og var það ætlað á móti
2% verðbótum. Þá var BSRB innt eftir ábendingum um
sérstakar félagslegar aðgerðir, sem ætlað var jafngilda
3% verðbótum til handa opinberum starfsmönnum og
lagði BSRB fram tillögur um aðild að stjórn fram-
kvæmda og úthlutun íbúða, sem byggðar eru á félags-
legum grundvelli, að opinberum starfsmönnum verði
tryggðar atvinnuleysistryggingar eins og öðru launafólki,
að biðreikningar lífeyrissjóða verði afnumdir og hlutað-
eigandi lífeyrissjóðir opnaðir öllum þeim, sem starfa
samkvæmt samningum BSRB og aðildarfélaga þess og að
BSRB fái aðstöðu til að fjalla um undirbúning löggjafar
um þær félagslegu ráðstafanir, sem gert er ráð fyrir.
Erfitt er að meta hvað þessi lög höfðu í för með sér
mikla kjaraskerðingu, t. d. útkomuna úr skattadæminu.
Enn hefur þó ekkert verið framkvæmt af þeim félagslegu
ráðstöfunum, sem ofan greinir og áttu að koma í stað
3% verðbóta. Stjórn BSRB mótmælti aðgerðum þessum
með eftirfarandi samþykkt, sem var gerð 28. nóvember,
með atkvæðum allra fundarmanna:
„Vegna framkomins stjórnarfrumvarps um tímabundn-
ar ráðstafanir til viðnáms gegn verðbólgu, mótmælir
stjórn BSRB því eindregið, að gildandi kjarasamningum
sé ennþá breytt með lögum og þannig skertur umsam-
inn kaupmáttur launa.
Stjórnvöld virðast ekki sjá önnur ráð til að draga úr
óðaverðbólgu en minnka kaupmátt launa.
Stjórn BSRB telur, að ráðstafanir af þessu tagi hafi
þó alltaf reynst skammgóður vermir og ekki dugað til
lækningar verðbólgunnar.
Stjórn BSRB bendir á þá staðreynd, að íslenska þjóðin
hefur á nokkrum áratugum endurbyggt svo til allan
húsakost landsmanna og byggt upp flest atvinnutæki sín
og orkuver.
Þessi gífurlega fjárfesting hefur skapað auknar þjóðar-
tekjur og bættan þjóðarhag, en jafnframt leitt af sér
óðaverðbólgu og fjármálameinsemdir, sem nauðsynlegt
er að snúast gegn.
Þjóðin á nú um það að velja að draga um sinn úr
hinni öru fjárfestingu og taka allt efnahagskerfið föstum
tökum eða slaka á eðlilegum kröfum um sambærilcg
lífskjör og fólk býr við í nágrannalöndum okkar.
Launafólk krefst þess, að stjórnvöld velji fyrri kostinn.
Því skorar stjórn BSRB á ríkisstjórn og Alþingi að
hefjast þegar handa um áætlunargerð til lengri tíma, er
hafi það markmið að draga úr verðbólgu, tryggja kaup
mátt launa og forgangsverkefni í framkvæmdum, er ekki
þola bið.
Verði ekki brugðið skjótt við um breytingu á íslensku
efnahagslífi, þá munu bráðabirgðaráðstafanir þær, sem í
frv. felast, reynast haldlitlar og ný verðbólguvandamál
hlaðast upp.‘
Vísifölunefnd endurvakin
22. nóv. 1978 óskaði forsætisráðherra þess í bréfi, að
Vísitölunefndin hæfi störf að nýju og gerði tillögur um
endurskoðun viðmiðunar launa við vísitölu.
Nefndin klofnaði sem fyrr, en hún lauk störfum 11.
febrúar.
Tillögur formanns nefndarinnar gengu mjög í þá átt
að skerða kjörin, auk þess að skekkja vísitölugrund-
völlinn verulega. Vísast um þetta til frásagnar í Ásgarð
2. tbl. 1979. BSRB stóð að eftirfarandi bókun ásamt
fulltrúum ASÍ og FFSÍ.
„í gær afhenti forsætisráðherra fulltrúum samtaka
okkar eintak af efnahagsmálafrumvarpi sínu. f frum-
varpinu eru teknar upp nær óbreyttar tillögur formanns
vísitölunefndar, sem til umræðu hafa verið hér í nefnd-
inni og ráðherra er kunnugt um að hafa mætt þungri
andstöðu af okkar hálfu. Jafnframt lýsir forsætisráð-
herra því yfir að hann muni taka til greina þau atriði,
sem samstaða næst um í vísitölunefnd. M. a. vegna
afstöðu atvinnurekenda í nefndinni er ljóst að slíkt sam-
komulag verður ekki. Skilabréf vísitölunefndar virðist
þannig hafa misst gildi sitt. Við teljum þó rétt að árétta
afstöðu okkar til einstakra atriða.
Við erum algerlega á móti því að skattar og niður-
greiðslur verði tekin út úr vísitölu og að verðbætur verði
frystar til 9 mánaða svo nokkur atriði séu nefnd.
Við höfum hins vegar lýst okkur reiðubúna að ræða
þætti eins og hvernig beinir skattar séu teknir inn í
vísitölugrundvöll, að setja grunn verðbótavísitölu á
100 í tengslum við nýja samninga og hvort og hvernig
taka mætti upp viðskiptakjaravísitölu í framtíðinni.
Um þessi atriði er ekki samkomulag í nefndinni og
þar sem forsætisráðherra hefur þegar lagt fram frum-
varp í ríkisstjórninni byggt á tillögum formanns vísi-
tölunefndar að því er vísitölumál varðar, hefur hann í
reynd slitið störfum nefndarinnar. Með þessu tekur
forsætisráðherra verkefnið af borði vísitölunefndar og
færir það yfir á annað svið.
Miðstjórn ASÍ mun síðar gefa umsögn um frumvarp
forsætisráðherra í heild sinni og er reiðubúin til þess
að ræða við stjórnvöld um einstök atriði þess þ. m. t.
verðbótaákvæði kjarasamninga.
Stjórn BSRB mun síðar fjalla um frumvarp forsætis-
ráðherra. Sama gildir um stjórn FFSÍ.“
Efnahagsfrumvarp forsætisráðherra
Efnahagsfrumvarp forsætisráðherra, er um getur í
ofangreindri bókun var tekið til umfjöllunar í stjórn
BSRB, sem gerði um það allítarlega umsögn. (Sjá 2. tbl.
Ásgarðs 1979). Var þar einkum mótmælt þeim miklu
kjaraskerðingum, sem frumvarpið gerði ráð fyrir.
Voru á frumvarpinu gerðar nokkrar breytingar og var
25