Ásgarður : blað starfsmanna ríkis og bæja - 15.05.1979, Page 35
raunveruleg dæmi um ágreining af þessu tagi.
í næstu kjarasamningum náðist fram það atriði, sem
þarna var deilt um. Frá máli þessu er nánar skýrt í 1.
tbl. Ásgarðs 1978.
2. Synjað um greiðslu vegna of stuttrar
hvíldar
29. september 1977 var kveðinn upp dómur í Félags-
dómi í máli, sem BSRB höfðaði gegn fjármálaráðherra.
Krafan var, að dæmt verði að þeim ríkisstarfsmönnum,
sem ekki ná tilskilinni lágmarkshvíld, skuli greitt yfir-
vinnuálag. Var krafan í tveimur liðum.
Dómurinn skiptist í þrennt. Tveir dómaranna vildu
vísa þessu máli frá, af sömu forsendu og greinir í málinu
hér að framan, þar sem ekki væri farið í mál vegna til-
tekins einstaklings. Þeir studdu svo hins vegar efnislegan
dóm annarra tveggja dómenda um, að fjármálaráðherra
skyldi sýknaður í máli þessu. Einn dómarinn vildi taka
til greina annan liðinn í kröfum BSRB.
Frá þessu máli er skýrt í sama tölublaði Ásgarðs og í
máli 1. Þetta ákvæði náðist síðan einnig fram í næstu
kjarasamningum .
3. Synjað um sœngurfatnað
28. febrúar 1978 var kveðinn upp í Félagsdómi dómur
í máli BSRB f. h. Fél. ísl. símamanna gegn fjármálaráð-
herra f. h. ríkissjóðs. Dómkröfur voru þær, að dæmt yrði
að starfsmönnum Pósts og síma, sem starfa sinna vegna
þurfa að gista íbúðarskúra, skuli lagður til þeim að
kostnaðarlausu sams konar viðleguútbúnaður og tíðkast
f gistihúsum hér á landi.
í niðurstöðu dómsins var tekið fram að í 20. gr. aðal-
kjarasamnings sé fyrirvari um viðleguútbúnað „eftir því
sem við verður kornið". Vegna þessa fyrirvara, var fjár-
málaráðherra sýknaður af kröfum stefnanda.
4. Vinnutími leikara
BSRB fór í málið f.h. leikara Þjóðleikhúss í Starfs-
mannafélagi ríkisstofnana. Krafist var að greidd yrði
sem yfirvinna öll vinna umfram 138 klst. mánaðarlega
vinnuskyldu, án skerðingar á þegar áunnum álagsstund-
um. Vinnustundir verða þannig taldar saman eftir
því hvenær á útreikningstímabilinu þær eru unnar.
Vildu leikarar ekki una því, að yfirvinnustundir, sem
unnar væru eftir að leikari hefði skilað mánaðariegri
vinnuskyldu sinni, kæmu til frádráttar á vaktaálagsstund-
um og kröfðust leiðréttinga á þessu.
Niðurstaða félagsdóms var sú, að þegar taldar eru
saman vinnustundir leikara, sem starfa samkvæmt A-
samningi, sé rétt að telja þær í þeirri röð, sem þær eru
unnar.
Þykir því rétt að taka kröfur BSRB til greina. Má!s-
kostnaður féll niður.
5. Kröfur um að dómarar víki úr sœti
BSRB krafðist þess í máli, sem flutt var fyrir Félags-
dómi í desember 1977, að Sigurður Líndal, dómari, sem
tilnefndur er af Hæstarétti, viki sæti. Ástæðan vat
skrif, sem Sigurður lét frá sér fara meðan á stóð verk-
falli BSRB um forustu verkalýðssamtakanna. Hann gæti
því ekki talist hlutlaus aðili til dómsuppkvaðningar í
málum, sem snerta þeirra samtök. Sama krafa var síðan
gerð í öðrum málum, sem BSRB lagði fyrir Félagsdóm.
Niðurstaða dómsins var einróma í bæði skiptin á þá
lund, að Sigurður Lfndal skyldi víkja sæti.
Málflytjandi fjármálaráðuneytisins tók síðan upp þá
kröfu í mars 1979, að Örlygur Geirsson, sem tilnefndur
er í Félagsdóm af BSRB, skuli víkja úr sæti í þremur
málum, sem þá voru fyrir dóminum. Ástæðurnar væru
þær, að hann fullnægi ekki dómaraskilyrði, þar sem hann
væri stjórnarmaður í BSRB, sem er aðili málsins.
22. mars 1979 var þetta mál tekið til úrskurðar í
Félagsdómi og var niðurstaða meirihluta dómsins á þá
lund, að hin sérstöku dómaraskilyrði til dómara Félags-
dóms, sem tilnefndir eru af Hæstarétti, skuli ekki ná til
þeirra dómara, sem tilnefndir eru af Alþýðusambandi
Islands, Vinnuveitendasambandi fslands eða öðrum að-
ila. Þykir af því leiða, að heimilt er að tilnefna til setu
í Félagsdómi menn í stjórn sambanda og félaga, sem
geta rekið mál fyrir Félagsdómi að fullnægðum almenn-
um skilyrðum. Var því niðurstaða fjögurra dómara á þá
lund, að Örlygur Geirsson skuli ekki víkja sæti sem
dómari í málinu. Einn dómarinn var þeirrar skoðunar
að hann skyldi víkja sæti.
6. Viðurkenning starfsaldurs
BSRB hefur lagt fram þá kröfu í Félagsdómi að við-
urkenndur verði að fullu starfsaldur, sem starfsmenn
hafi áunnið sér fyrir gildistöku síðasta kjarasamnings
bandalagsins (1. júlí 1977). Ríkið hefði ekki fallist á að
unnt væri að ávinna sér nema eins flokks launahækkun
vegna starfa hjá ríkinu á tímabili fyrir gildistöku samn-
ingsins. Máli þessu er ólokið, þegar skýrsla þessi er samin.
7. Samningar BSRB gildi fyrir afleysinga-
fólk og lausróðna
BSRB hefur sett fram þá kröfu fyrir Félagsdómi að
dæmt verði, að ríkisstarfsmenn, sem eru félagsmenn í
BSRB, skuli fá kaup og önnur starfskjör eftir aðalkjara-
samningi bandalagsins. Þetta eigi m. a. við
a) sumarafleysingafólk
b) starfsmenn, sem ráðnir eru hluta af ári vegna
tímabundinna verkefna,
c) starfsmenn, sem ráðnir eru til starfa án heimildar
skv. lögum nr. 97/1974 um eftirlit með ráðningu
starfsmanna og húsnæðismál ríkisstofnana.
Fram hafði komið í samstarfsnefnd BSRB og fjármála-
35
ASGARÐUR