BSRB blaðið - 01.04.1986, Qupperneq 27

Samtök kvenna á vinnumarkaði
hafa líka látið í ljós óánægju með
launaliði kjarasamninganna og sömu-
leiðis má nefna að fjórar konur sem
sæti áttu í stjórn verkalýðsmálaráðs
Alþýðubandalagsins, gengu úr flokkn-
um í einu lagi, að stærstum hluta
vegna óánægju með samningana.
Það er þannig langt frá því að allir
séu á eitt sáttir um ágæti þessara ný-
gerðu samninga. Þeir hafa líka víða
verið samþykktir með semingi og til
dæmis að taka voru 28% þeirra sem
atkvæði greiddu í atkvæðagreiðslu
BSRB á móti þeim.
Þegar þetta er skrifað eru liðnar
u.þ.b. þijár vikur frá undirritun samn-
inganna og viðbrögðin við samningun-
um sjálfum ættu því að vera komin í
ljós að mestu. Það verður ekki í efa
dregið að meirihluti fólks sé samn-
ingunum fylgjandi. Hins vegar verður
ekki sagt að þeirri afstöðu fylgi nein
veruleg hrifning.
Enn á líka árangur samninganna
eftir að koma í ljós að stórum hluta. Af
ríkisstjórnarinnar hálfu og Alþingis,
hafa þegar verið sett lög um tolla-
lækkanir og fleira sem á að tryggja
lækkun verðbólgunnar. Því hefur
einnig verið lofað af hálfu ríkisstjóm-
arinnar að gengi verði haldið stöðugu
og það er auðvitað ein af frumforsend-
um þess að unnt sé að hafa hemil á
verðbólgunni.
VERÐGÆSLA
Verðlagsstofnun hefur líka verið fal-
ið að hafa sem nákvæmast eftirlit með
verðlagsþróun og þessa dagana gengst
verkalýðshreyfingin fyrir miklu átaki
til að efla verðskyn almennings og
virkja sem flesta neytendur til að hafa
auga með verðlagsbreytingum og til-
kynna Verðlagsstofnun um allar óeðli-
legar verðbreytingar.
Þama hefur myndast samstarf
þriggja sterkra aðila, Verðlagsráðs
verkalýðssamtaka og neytendasam-
taka, sem ætti að geta skilið verulegum
árangri. Þó má benda á ýmislegt sem
dregur úr möguleikunum til að halda
uppi öflugu verðlagseftirliti með þess-
um hætti.
Þannig er verðlagning í landinu orð-
in frjáls á flestum sviðum og ef til þess
kæmi að kúga þyrfti einstaka aðila eða
atvinnugreinar til hlýðni, væri tæpast
um aðra möguleika að ræða en afnema
þetta frelsi a.m.k. um stundasakir með
því að setja lög um hámarksálagningu.
Slíkt er hins vegar í andstöðu við ríkj-
andi stefnu í verðlagsmálum og væri
því skref aftur á bak á vissan hátt.
Einnig má benda á að verðskyn
fólks mun yfirleitt ekki vera nægilega
- LÁNSKJARAVÍSITALAN
Lánskjaravísitalan lækkaði um
2,5% í kjölfar kjarasamninganna og
efnahagsráðstafananna. Þessi lækk-
un gildir fyrir aprílmánuð og hefur
í för með sér að verðtryggð lán lækka
sem þessu nemur. Þetta hefur aldrei
gerst áður frá því þessi vísitala var
fyrst tekin upp hérlendis. Reikni-
stofnun bankanna annast útreikn-
inga vísitölunnar fyrir bankana og
þar stóðu menn frammi fyrir því að
þurfa að endurvinna tölvuforrit
vegna þess að í þeim var ekki gert ráð
fyrir því að lánskjaravísitalan gæti
lækkað.
- BÍLALEIGUR
Verðskrá Bílaleigu Llugleiða,
lækkaði um nærri 8% að meðaltali.
Ástæðan var sú að verið var að skipta
um bíla hjá leigunni og nýju bílamir
urðu ódýrari en reiknað hafði verið
með. Bæði daggjald og kílómetra-
gjald var því lækkað á öllum bílum
leigunnar.
Þær bílaleigur sem nú eru að
skipta um bíla að einhverju eða öllu
leyti ættu að hafa aðstöðu til að
lækka gjöld sín á samsvarandi hátt og
slíkar aðgerðir gætu orðið þess vald-
andi að bílaleigugjöld lækki almennt
af samkeppnisástæðum.
- TRYGGINGAIÐGJÖLD
Iðgjöld af bifreiðatryggingum
lækkuðu að vísu ekki, þvert á móti
stórhækkuðu þau, en hækkunin varð
þó nokkru minni en ráð hafði verið
fyrir gert. Það var eftir að bein til-
mæli höfðu borist frá ASÍ.
- LÁTÆKTARSEKTIR
Hinar svokölluðu fátæktarsektir,
eða sú þóknun sem bankamir taka
fyrir að innheimta innistæðulausar
ávísanir, voru meðal þess sem hætt
var við að hækka. Sömu sögu var að
segja um gjald fyrir ávísanahefti og
önnur þjónustugjöld bankanna. Allir
þessir liðir voru hækkaðir um svipað
leyti og kjarasamningarnir gengu í
gildi, en hækkanimar voru síðan
dregnar til baka. Það var þó ekki gert
fyrr en eftir að viðskiptaráðherra
hafði beitt sér af hörku í málinu.
BSRB-blaðiö 27