Strandapósturinn - 01.06.1968, Qupperneq 91

Árið 1787 um sumarið lagði verzlunarskip það, er Fortúna hét,
út frá Spákonufellshöfða. Skiparinn hét Lund. Fékk skipið veð-
ur hart er út kom á Húnaflóa, svo það dreif upp í ofsaveðri við
Engines, innan Drangavíkur á Ströndum. Hafði þar áður bær
verið, og sér nú aurmál eitt af bæjartóftunum. Strandaði skipið
norðanvert á nesinu.
Fórst þar Lund og allir skipverjar hans, komust einhverjir
þeirra lífs á land en dóu þegar fyrir kulda og vos. (Þá var sum-
ar graslítið, ill nýting og óveður mikil á Ströndum.) Ut af þessu
strandi og meðferð á strandfé urðu eftirmál mikil, og var sýslu-
maður Halldór Jakobsson dæmdur frá embætti vegna þeirra
mála.
Kona Halldórs sýslumanns Jakobssonar var Ástríður Bjarna-
dóttir sýslumanns Halldórssonar á Þingeyrum, föðursystir
Reynistaðabræðra er úti urðu á öræfum 1780. Ástríður var
nauðug gefin Halldóri sýslumanni og var sambúð þeirra mjög
erfið. Þau bjuggu á Felli í Kollafirði. Þess er getið að þá Halldór
sýslumaður fór að heiman til aðgerða við Fortúnustrandið, bað
Ástríður hann að gæta sín, og var hún ei vön því, kvaðst ætla
að honum yrði sú för til mikils ótíma, og reyndist hún þar sann-
spá vera.
Árið 1792 um sumarið fer Halldór Jakobsson utan á Kúvík-
urskipi til að reyna að fá leiðrétting mála sinna.
Árið 1793 var hákarlaveiði ærin í Trékyllisvík, en ógæftir
miklar. En menn drekkhlóðu og réru undir hlut, þegar á sjó
gaf. Það sumar kom Halldór Jakobsson út á Höfða á Skaga-
strönd, hafði hann fengið leiðrétting sinna mála. Sama ár að-
faranótt 16. október-mánaðar gerði stórviðri á vestan með hin-
um mesta sjóargangi. Þá sleit upp Höfðaskip, svo að það strand-
aði. Þar við hafði Jakobsen skaða, er verzlari var á Kúvíkum,
svo að ei gat hann við haldið, því að nær var hann í 700 dala
skuld. Gjörðist hann síðan verzlunarstjóri Hötlers í Stykkis-
hólmi.
Árið 1801 kom í Kúvíkur dugga og þótti það merkilegt, að
hún var frá Eyjafirði, og hafði verið smíðuð upp úr duggu, er
strandað hafði við Hrísey á Eyjafirði. Var kjölurinn í duggu
89