Strandapósturinn - 01.06.1976, Page 43

hendur. Félagssvæði Hörpu náði nú yfir allan hreppinn, nema
þrjá innstu bæina og hafði svo verið, síðan Málfundafélagið
lagði niður starfsemi sína, en það var á árunum milli
1930—1940. Upp úr þessu fór félagið að sinna íþróttamálum
með talsverðum dugnaði. Harpa gekk þá í U.M.F.Í. og um
svipað leyti í Héraðssamband Strandasýslu, HSS. Félagið kom
sér upp knattspyrnuvelli á Kollsármelum og voru æfingar
stundaðar af miklu kappi. Þá fór Harpa að taka þátt í knatt-
spyrnukeppni milli ungmennafélaganna innan sýslu og náði til-
tölulega fljótt umtalsverðum árangri. Fyrir kom, að félagið fengi
þjálfara, en annars æfðu þeir mikið án tilsagnar. Frjálsar íþróttir
voru mikið stundaðar, og hafði félagið oft leiðbeinendur, er gátu
veitt góða tilsögn. U.M.F. Harpa hefur síðan tekið þátt í
íþróttamótum HSS með góðum árangri, m.a. unnið oft í sumum
keppnisgreinum.
Blað félagsins, Hvöt, hafði komið nokkuð reglulega út allt frá
stofnun félagsins fram yfr árið 1940, en þá fór að draga úr þessari
starfsemi, ogá árunum 1950—1960 kom blaðið ekki út. Skömmu
eftir endurreisn félagsins komu út tvö eintök af Hvöt, mjög
myndarlega úr garði gerð, og sást þar ljóslega að innan félagsins
var allstór hópur manna, er bæði gat og vildi standa, að slíkri
útgáfu. Blaðið Hvöt er orðið allmikið að vöxtum og kennir þar
margra grasa. Einkum hefur fyrsta ritnefnd, er lengi sá um
útgáfuna, unnið þar mikið starf, en margir aðrir félagsmenn hafa
einnig styrkt útgáfu blaðsins með því að senda því efni. Svo vel
hefur verið gætt Hvatar og gjörðabóka félagsins, að allt er víst og
velútlítandi eftir fimmtíu ár. Það er góð eign, sem gefur glögga
mynd af starfi félagsins á umræddu tímabili.
Við lifum á miklum breytingatímum, og má því vera að
samkomuhús U.M.F. Hörpu að Borgum hafi um nokkurt skeið
hætt að uppfylla þær kröfur, sem nú eru gerðar til slíks húsnæðis.
Það hefur því verið eitt aðaláhugamál Hörpu að skapa sér að-
stöðu í nýju húsnæði. Þegar hafizt var handa um byggingu nýja
barnaskólans á Borðeyri, náðist samkomulag við sveitarstjórn og
skólayfirvöld um það, að veita U.M.F. Hörpu, kvenfélaginu
Iðunni o.fl. aðstöðu í skólahúsinu og var húsið hannað með þetta
41