Bjarmi - 01.04.2021, Side 2

Geschäftsführer
RAMIS GmbH
In der Kirchtanne 27 – 64297 Darmstadt – Deutschland
e-mail: omar@ramis.is – Tel.: +49(0)6151 6011809
Mobile: +49(0)160 7870499 und (+354)822 0623
Fax: (+354)533 3430 – www.norvik.is
Bjarmi 1. tbl. 115. árgangur, apríl 2021. ISSN 1026-5244
Útgefandi: Salt ehf í samstarfi við Samband íslenskra kristniboðsfélaga
Ritstjóri: Ragnar Gunnarsson
Ritnefnd: Vigfús Ingvar Ingvarsson, Böðvar Björgvinsson og Helena Leifsdóttir
Prófarkalestur: Þorgils Hlynur Þorbergsson og Vigfús Ingvar Ingvarsson.
Afgreiðsla: Háaleitisbraut 58-60, 108 Reykjavík, sími 533 4900, fax 533 4909.
Kennitala Salts: 600678 0789, reikningsnúmer 0117 26 017476,
IBAN: IS18 0117 2601 7476 6006 7807 89, SWIFT: NBIIISRE
Vefslóðir: www.bjarmi.is, www.sik.is og www.saltforlag.is. Netpóstur: ragnar@sik.is
Árgjald kr.4.950 (þrjú tölublöð). Rafræn áskrift kr. 2.950. Gjalddagi 1. júní. Verð í lausasölu kr. 1.750.
Forsíðumynd: Dreamstime.com © Angello Gilardelli
Umbrot og hönnun: Samskipti ehf.
Prentun: Litróf
bj rmi.is
Út í óvissuna
Undanfarnir mánuðir hafa einkennst
af óvissu á margan hátt, óvissu um
næstu daga, vikur og mánuði. Óvissan
verður enn meiri þegar til lengri tíma er
litið. Sú óvissa snýr að fleiri þáttum en
áhrifum heimsfaraldurs. Má þar nefna
tækniframfarir sem á mörgum sviðum
eru svo örar að erfitt er að fylgjast með.
Annað sem er á breytingaskeiði snýr að
samfélagsgerðinni og gildum þeim sem
ráða för. Birtist það m.a. í lagasetningum
og hvernig mannréttindi eru metin.
Bjarmi beinir að þessu sinni sjónum
sínum í ýmsar áttir, þar á meðal að
ofsóknum. Kristnir menn um víða veröld
sæta ofsóknum vegna trúar sinnar. Að baki
liggja margs konar hagsmunir hinna ýmsu
aðila. Á Vesturlöndum er sótt að gildismati
kristinnar trúar með vaxandi afhelgun. Merki
sjást um að farið sé að setja kristnu fólki
þröngar skorður og tjáningar- og trúfrelsið
í hættu. Einum hópi er teflt gegn öðrum,
hagsmunabarátta eins talin mikilvægari
réttindum annarra. Slíkt er hættumerki sem
getur komið niður á öllum trúarhópum.
Með því að fjarlægja trúmál sem mest
frá hinu opinbera rými, draga úr kennslu
í trúarbragðafræðum og öðru slíku, er
samfélagið smám saman að verða ólæst
á þátt trúarinnar í menningunni. Þar með
er auðveldara að gera allt trúarlegt og fólk
sem stundar trú sína af alvöru tortryggilegt
og til verður jarðvegur fordóma, og síðar
takmarkana og jafnvel ofsókna á hendur
kristnu fólk sem og fólki annarrar trúar.
Er það gjarnan gert í nafni hlutleysis sem
stendur varla undir nafni því guðleysi er
ekki hlutleysi. Ríkisvaldið er ekki laust
undan ábyrgð á fræðslu um kristna trú,
trúarbragðafræði og aðra lífsskoðun
en hlutleysið felst í því að kirkjan sinni
trúfræðslu og boðun.
Tveir kennarar mínir í Háskóla Íslands
lögðu áherslu á biblíulestur. Annar kenndi
bókmenntafræði í heimspekideild þess
tíma og sagði að án góðrar biblíuþekkingar
væri ýmislegt í bókmennta- og
menningararfi fyrr og síðar eins og lokuð
bók. Hinn kennarinn var í guðfræðideild og
kenndi nýjatestamentisfræði. Hann sagði
að sem verðandi guðfræðingar og prestar
yrðum við nemendur að lesa vel og þekkja
Biblíuna. Að baki var faglegur metnaður og
en einnig sýn á mikilvægi þess að rækta
trúna, ekki væri nóg að vera fræðimaður í
þjónustu Drottins.
Við þurfum að halda vöku okkar
gagnvart menningunni, samfélaginu og
lagafrumvörpum þar sem þjarmað er leynt
eða ljóst að trúfrelsinu. Dæmin sýna að
lögum hefur verið beitt út fyrir þann ramma
sem upphaflega var hugsaður sem viðmið.
Annað sem við sjáum er að alþjóðleg
stórfyrirtæki að baki samfélagsmiðlum geta
stöðvað eitt og annað og komið á ritskoðun
á þessum miðlum sem öðlast hafa mikið
vald, vald sem auðvelt er að misbeita þvert
á réttindi einstaklinga og hópa.
Við þurfum jafnframt að halda vöku okkar
gagnvart trú okkar, að við ræktum hana
af alvöru, að samfélagið við Jesú Krist sé
grunntónn lífsins sem ber okkur áfram, dag
eftir dag. Að trúin sé ekki dauð fræði heldur
lifandi veruleiki. Jesús lifir og er nálægur,
við getum lifað í samfélagi við hann og átt
hann sem hinn besta vin. Oft gerist það í
ofsóknum að fólk þrýstir sér nær Drottni í
bæn og leitar hans. „Þetta var frábær tími,
við báðum heilu næturnar saman, Drottinn
var nálægur,“ sagði kona ein við mig sem
lifað hafði við slíkar þrengingar.
Hvað sem gerist í hinu ytra er Jesús Kristur
akkerið sem við getum haldið í. Það er von
okkar sem byggir á vissunni um að Jesús
hefur sigrað dauðann, hann er frelsari og
Drottinn, hann mun eiga síðasta orðið.
Hann er von okkar er við höldum til móts
við óvissu morgundagsins og eilífðarinnar.
Ragnar Gunnarsson