Bjarmi - 01.04.2021, Page 25

bjarmi | apríl 2021 | 25
á landi. Því miður setti kórónufaraldurinn
strik í reikninginn svo að minna varð úr
kynnisferðum en ég hafði hugsað mér og
góðar bækur urðu að koma í staðinn.
Eftir að nokkrir vinir höfðu lesið ritgerðina
yfir hvöttu þeir mig til að gefa hana út í bók.
Vegna kórónufaraldursins og minnkaðra
umsvifa í kirkjunni hafði ég tíma til að láta
það verða að veruleika.
HVAÐ STENDUR UPP ÚR Í ÞVÍ
HVERS ÞÚ VARÐST VÍSARI?
Einkum þrennt. Í fyrsta lagi saga
Íslands á sviði flóttamannamála, þróun
öfgaþjóðernisstefnu í Evrópu og mjög
athyglis vert starf ýmissa kirkna og kristilegra
félaga í útlöndum og hér á landi.
Saga Íslands á sviði flóttamannamála
er döpur. Hún hefur mótast af fordómum
og tregðu til að axla ábyrgð á neyð
flóttafólks. Sérstaklega er nöturlegt að
lesa um framgöngu íslenskra ráðamanna
gagnvart gyðingum á tímum seinni
heimsstyrjaldarinnar.
Í rauninni hefur hugsunarháttur
Íslendinga til skamms tíma verið sá að
það bæri að hjálpa okkur frekar en að
við hjálpuðum öðrum og löngum vildu
stjórnvöld vera í alþjóðasamstarfi til að
græða á því. Sem betur fer hefur þetta
verið að breytast nokkuð til batnaðar
á undanförnum árum þó að þessi
hugsunarháttur sé langt frá því horfinn.
Hann kemur best í ljós þegar málefni
hælisleitenda ber á góma.
Það hefur verið áberandi hve mjög
íslensk stjórnvöld hafa reynt að komast
hjá því að veita hælisleitendum alþjóðlega
EFTIR AÐ
NOKKRIR VINIR
HÖFÐU LESIÐ
RITGERÐINA
YFIR HVÖTTU
ÞEIR MIG TIL AÐ
GEFA HANA ÚT Í
BÓK