Strandapósturinn - 01.06.1996, Qupperneq 10

Á nokkrum fyrstu árum Strandapóstsins birtust fróðlegir
fréttaannálar eftir Brynjólf Sæmundsson á Hólmavík. Síðan
1987, eða í tíu síðustu árgöngum, hafa verið yfirgripsmiklar og
greinagóðar fréttir að heiman, sem Stefán Gíslason, sveitarstjóri á
Hólmavík hefur annast af miklurn myndarskap. Við brottfluttir
Strandamenn látum okkur miklu skipta hvernig lífið gengur fyrir
sig í heimabyggðinni og hugur okkar leitar oft heim í átthagana.
Fréttir að heiman eru því jafnan kærkomnar.
Fimrn manna ritnefnd, sem á aðalfundi Átthagafélagsins er
kosin árlega, sér alfarið um útgáfu Strandapóstsins. Á þessum
þrjátíu árum hafa þar margir komið við sögu og lagt af mörkum
mikið fórnfúst starf. Ingi Karl Jóhannesson, sonur Jóhannesar
frá Asparvík, er sá eini sem hefur verið í ritnefndinni alla tíð og
var í mörg ár formaður. Ingi er ágætur íslenskumaður og hefur
næma tilfinningu fyrir fögru máli. Það er ómetanlegt að hafa
notið starfskrafta hans við efnisval og prófarkalestur í öll þessi ár.
í tilefni þrjátíu ára afmælis Strandapóstsins hefur Þórir Daní-
elsson gert skrá um alla sem skrifað hafa í Póstinn. Þetta höfunda-
tal er tvenns konar. Höfundum er raðað eftir árgöngum og
einnig í stafrófsröð. Með hverjum höfundi er listi yfir allt efni
eftir hann og hvar það er að finna í Strandapóstinum. Þetta
fróðlega höfundatal verður fylgirit með þrítugasta árganginum.
Að lokum skulu lesendum færðar bestu kveðjur og þakkir fyrir
góðar móttökur. Vonandi lifir Strandapósturinn lengi enn.
8