Strandapósturinn - 01.06.1996, Side 62

ar nefndir œnr guðs. Ærir er fleirtala af ár(r) = sendiboði, sbr.
sögnina að árna sem getur þýtt að ferðast.
Þjóðverjar vilja tengja nafnliðinn engil við þjóðarheitið Englar,
en sú þjóð varð kunn á tímum þjóðflutninganna miklu. Þeir eru
taldir hafa dregið nafn sitt af því héraði í Slésvík sem minnti á
öngul í laginu. Englar voru oft nefndir í sörnu andránni og Saxar,
og afkomendur þeirra Engilsaxar.
Tuttugu konur á öllu Islandi hétu Engilráð 1703, en þeirn hefur
lengst af síðan farið hlutfallslega fækkandi. Nafnið er orðið sjald-
gæft, en trúlega er merkingin góð. Ætli þetta hafi ekki upphaf-
lega táknað ráðsnjalla eða ráðandi konu af þjóðerni Engla?
Eyleifur var enn til í Strandasýslu (einn af sjö á öllu landinu)
1703, en hvarf svo þar í sýslu. Nafnið er gamalt en kemur ekki
fyrir í fornurn bókmenntum. Fyrri hlutinn er hvorugkynsorðið ey
= gæfa, skylt auðna, en seinni hlutinn er í hljóðskiptum við líf.
Þrátt fyrir þessa afbragðsgóðu merkingu hefur nafnið verið ör-
fágætt allar síðari aldir. Stundum var því ruglað saman við Eilífur.
Það er nú í hættu, og væri skaði, ef hyrfí.
Hafurvar einn eftir á íslandi 1703. Hafur Jónsson, 34 ára sonur
húsfreyju á Broddadalsá í Bitruhreppi. Nafnið sést ekki tíðara.
Þetta er fornt norrænt heiti af sömu gerð og Hreinn, Hjörtur og
Hrútur. Nokkrir nefnast þessu nafni í Landnámu og Sturlungu.
Væri ekki reynandi að vekja það til lífsins?
Nafnið Hallbera má rnuna sinn fífil fegri, enda er merkingin
góð. Fyrri hlutinn táknar traustleika og hörku steinsins, en seinni
hlutinn, bera, er kvendýr bjarnarins = birna. Hallbera er því „hin
trausta birna“. Seinna misskildu margir nafnliðinn hall og settu
hann í samband við sögnina að hallast\ nafnið Hallótta (= „full
styrks“) hefur t.d. verið skýrt „den lutande“. í sambandi við
Hallberu-n'dfmð bætist svo við annar misskilningur, eða útúr-
snúningur á síðari liðnum, og „ber kona sem hallast“, þykir ekki
sniðugt.
Árið 1703 báru 132 íslenskar konur nafnið Hallbera, þar af tvær
í Strandasýslu, og þar um slóðir hélst það allan tímann sem þessi
ritgerð fjallar um. Á landinu öllu hefur konum sem svo heita
60