Strandapósturinn - 01.06.1996, Síða 129

leirtauið eða gera eitthvert annað viðvik, kemur annað hljóð í
strokkinn. Þá þarf hann að skreppa í golfið eða mæta á fundi eftir
kortér. Svo stekkur hann út og sést ekki aftur fyrr en konan hefur
lokið kvöldverkunum og er komin í bólið. Þá er hann eldhress
enn — en við förum ekki út í það frekar ...
Karlmaðurinn er eins og ljónið. Hann hefur frá upphafi verið
talinn sterkari, vitrari og hugrakkari en konan. Alltaf var verið að
segja manni þessar æðisgengnu ljónasögur þegar maður var
barn. Þá voru ljónin ímynd karlmannanna, en konurnar voru
bara tuskur. En hvernig er þetta þegar upp er staðið? Hvað segja
náttúrufræðingarnir um hetjuskapinn og hugrekkið?
Ljónið, konungur dýranna, er latasta dýr sem hugsast getur af
þessari sort, a.m.k. karlinn. Hjónakornin liggja í sólbaði allan
daginn hvernig sem grislingarnir láta í kringum þau. En þegar
kvöldar rís „frúin“ úr rekkju og fer út á sléttuna til að veiða í
gogginn á liðinu. Og karlinn er fyrstur í goggunarröðinni, hann
hirðir bestu bitana og skilur eftir það lakasta handa hinum í
fjölskyldunni.
Feður voru hér áður fyrr ímynd valds og tyftunar fyrir börnin.
Þeir fengu matinn fyrstir, bestu þjónustuna og mesta klappið og
kjassið hjá mömmunni. Það þótti ekki hæfa að húsbóndinn þrifi
til, eldaði mat og alveg goðgá ef hann skipti um bleiu á barni.
Þetta var allt verksvið móðurinnar. Hann sá um allar þarfir heim-
ilisins út á við, — hún var bara heima.
Nú er öldin önnur, konur þeytast að heiman í alls kyns karla-
sport, — enginn friður fyrir kerlingunum lengur. Þær eru jafnvel
farnar að keppa við karlana í torfærurallí. Karlmennirnir - þess-
ar elskur — verða að fara að bardúsa við eldamennsku og börn.
Alveg er það undravert hve þeim ferst það vel úr hendi. Þeir
skeina, snýta og hugga af engu minni ástúð en konurnar. Nú er
það hversdagsleg sjón að sjá ungan föður úti að ganga með
barnavagn og einn eða fleiri barnunga á eftir sér.
Karlmenn eru öðruvísi klæddir en áður, nú eru þeir í léttum og
litríkum fötum, en ekki í þessu svarta og brúna jarðarfarardressi
sem hefur verið í tísku gegnum árin. Og merkilegt nokk: Menn-
irnir eru brosleitari, upplitsdjarfari og félagslyndari en áður. Eg
127