Strandapósturinn - 01.06.1996, Side 141

Ágiísta Eiríksdóttir frá Dröngum:
Jólin heima
Ég reyni hér að rifja upp minningar um jólin og undirbúning
þeirra á æskuheimili mínu Dröngum í Strandasýslu. Foreldrar
mínir Eiríkur Guðmundsson og Ragnheiður Pétursdóttir bjuggu
þar allan sinn búskap. Þar ólumst við upp 8 systkinin og einnig
voru oft 3 vinnuhjú á bænum, svo þetta var stór hópur að fæða og
klæða.
Að afloknum haustverkum var farið að huga að undirbúningi
jólanna. Allir urðu að fá nýjar flíkur, því ekki mátti neinn fara í
jólaköttinn. Það var keppst við að spinna og prjóna. Góð prjóna-
vél var á heimilinu og þar kepptist mamma mín við að prjóna á
okkur nærföt, sokka, peysur og annað. Við systkinin reyndum að
aðstoða, hespa bandið, spóla og sauma saman flíkurnar sem
mamma prjónaði af dugnaði og útsjónarsemi. Svo var það sauma-
skapurinn. Stúlkurnar 5 urðu að fá nýja kjóla og vinnukonurnar
svuntu eða kjól eftir þörfum. Ég man eftir kjólunum, sem voru
þeir fyrstu sem ég man eftir, þeir voru svo fallegir með útsaumuð-
um hvítum krögum.
Ekki má gleyma skónum. Allir fengu nýja sauðskinnsskó, kven-
fólkið fékk svarta skó úr lituðu skinni bryddaða með hvítu elti-
skinni en karlmennirnir fengu sína bara með náttúrulitnum.
139