Morgunblaðið - 16.12.2021, Blaðsíða 2

2 FRÉTTIR
Innlent
MORGUNBLAÐIÐ FIMMTUDAGUR 16. DESEMBER 2021
595 1000
Jólagjafabréf Heimsferða komin í sölu!
10.000 og færð 15.000
20.000 og færð 30.000
40.000 og færð 60.000
Gefðu góðar minningar
Það hefur sýnt sig að íslenska þjóðin stendur
saman, sýnir stuðning og samhug
eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
S. 551 4349, 897 0044, maedur@simnet.is
Mæðrastyrksnefnd Reykjavíkur
JÓLASÖFNUN
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Útflutningur á notuðum bílum 2005 til 2021*
2.500
2.000
1.500
1.000
500
0
2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021
470
1.133
315
2.253
121
855
624
478
646
234
Heimild Samgöngustofa
*Það sem af er ári 2021
2 bílar nýskráðir árið 1946
voru fluttir út á tímabilinu 6 bílar nýskráðir 1950-59
voru fluttir út á tímabilinu
14 bílar nýskráðir 1960-69
voru fluttir út á tímabilinu
Ágúst Ingi Jónsson
aij@mbl.is
Útflutningur á notuðum bílum hefur vaxið á síðustu ár-
um. Í ár höfðu verið fluttar út 855 bifreiðar þar til í
byrjun desember, en allt árið í fyrra voru fluttir út 624
bílar af öllum gerðum, fólks-, sendi-, hóp- og vöru-
bifreiðar, samkvæmt upplýsingum frá Samgöngustofu.
Þar liggja ekki fyrir upplýsingar um hvert þessir
bílar fara, aðeins aldur bifreiða til útflutnings, fjöldi og
skráningarár. Samkvæmt upplýsingum Morgunblaðsins
fara bílarnir flestir til Evrópulanda og var Austur-
Evrópa nefnd sem algengur áfangastaður fyrir eldri og
tjónaða bíla, ekki síst Pólland og Litháen.
Ívilnanir vegna útflutnings
Eftir hrunið voru sett lög í lok árs 2008, sem heim-
iluðu að endurgreiða vörugjald af vélknúnum ökutækj-
um sem voru afskráð og flutt úr landi og giltu þau til
ársloka 2009. Einmitt það ár fór útflutningur bíla í
hæstu hæðir. Þá voru fluttar út 2.253 bifreiðar, en næst-
mest var flutt út 2006 eða 1.133 bifreiðar. Árið 2010 voru
fluttar út 954 bifreiðar, en síðan dróst þessi útflutningur
saman með hverju árinu til ársins 2016.
Síðan hefur verið stígandi í þessum útflutningi og árið
sem er að líða er orðið það stærsta frá 2010 með 855 bif-
reiðar. Ívilnanir vegna útflutnings eru ekki fyrir hendi.
Mest flutt út af 2016-árgerð
Ef litið er á aldur bifreiðanna þá hafa 17 bílar verið
fluttir út með skráningu á þessu ári, níu eru skráðir
2020, ellefu 2019, 32 skráðir 2018, 78 árið 2017 og bílar
skráðir árið 2016 voru 96 og er það sú árgerð sem mest
hefur verið flutt út af í ár.
Elsti bíllinn sem fluttur hefur verið út í ár er af ár-
gerð 1974 og annar er frá 1978. Eftir 1990 eiga flestar
árgerðir sína fulltrúa og fjölgar í hópunum eftir alda-
mót.
Samkvæmt yfirliti frá Samgöngustofu yfir bílaútflutn-
ing frá 2005 má sjá að árið 2010 var bíll skráður 1946
fluttur úr landi og jafnaldri hans 2019, sannir fornbílar.
Bíll af 1950-árgerðinni var fluttur út árið 2013.
Vaxandi útflutningur
á bifreiðum síðustu ár
- Nokkuð í land að tölum hrunáranna hafi verið náð
Hólmfríður María Ragnhildardóttir
Unnur Freyja Víðisdóttir
„Hækkun skatta á íbúa á þessum
tímapunkti er svo mikil vitleysa að
engu tali tekur. Engu sveitarfélagi
dettur slíkt í hug í ljósi ástandsins.
Hjá minnihlutanum kveður við sama
tón og venjulega, hækkun skatta á
að leysa allan vanda.“ Svo hefst bók-
un Magnúsar Arnar Guðmundsson-
ar, forseta bæjarstjórnar Seltjarn-
arnesbæjar, sem hann lagði fram á
fundi bæjarstjórnar í gær. Vísar
hann þar í tillögu minnihluta bæjar-
stjórnar um að hækka útsvars-
prósentu úr 13,7% í 14,09%.
Ekki mátti tæpara standa, en
skattahækkunin var samþykkt með
fjórum atkvæðum gegn þremur.
Naut minnihlutinn liðsinnis bæjar-
fulltrúa Sjálfstæðisflokksins, Bjarna
Torfa Álfþórssonar, við atkvæða-
greiðsluna og hafði þar með betur.
Vissu ekki af áformum Bjarna
Magnús segir meirihlutann ekki
hafa verið meðvitaðan um áform
Bjarna Torfa og kom atkvæði hans
því verulega á óvart. Var Magnús
vægast sagt ósáttur við ákvörðun
flokksbróður síns, sem hann sakar
um að svíkja kosningaloforð og lýsir
atkvæðagreiðslunni jafnframt sem
hnífstungu í bak sjálfstæðismanna í
bæjarstjórn, þar á meðal fráfarandi
bæjarstjóra sem hafði lagt upp með
að útsvarið héldist óbreytt.
Í bókun Magnúsar kemur fram að
útsvar á hvern
Seltirning sé eitt
það hæsta á land-
inu og telur hann
skattahækkunina
ótímabæra þar
sem enn séu
tækifæri til hag-
ræðingar. Segir
hann niðurstöð-
una gríðarleg
vonbrigði og
vinnubrögðin óskiljanleg.
Bæjarfulltrúi allra íbúa
Í samtali við blaðamann í gær
sagði Bjarni Torfi að sér þætti sárt
að fara á bak við félaga sína en hann
teldi sig hins vegar knúinn til að
fylgja sannfæringu sinni. Hann væri
ekki einungis bæjarfulltrúi kjósenda
Sjálfstæðisflokksins heldur bæjar-
fulltrúi allra íbúa á Seltjarnarnesi.
Vildi hann ekki taka flokkshagsmuni
fram yfir hagsmuni íbúanna.
Telur hann þá flesta tilbúna til að
greiða einhverjum þúsundum króna
meira til að halda uppi háu þjón-
ustustigi.
Karl Pétur Jónsson, bæjarfulltrúi
Viðreisnar, segir það blasa við að
skattahækkunin hafi reynst nauð-
synleg enda hafi rekstur bæjarins
verið ósjálfbær síðustu ár en skulda-
hlutfallið stendur nú í rúmlega
140%.
Taldi hann bæjarfulltrúa hafa
sýnt mikinn kjark að hækka skatta
rétt fyrir kosningar.
Hærra útsvar
„mikil vitleysa“
- Skattahækkun á Seltjarnarnesi umdeild
Magnús Örn
Guðmundsson
Helgi Bjarnason
helgi@mbl.is
Bændasamtök Íslands leggja til við
Alþingi að tímabil tollverndar á úti-
ræktuðu grænmeti á næsta ári verði
stytt eða því hnikað til. Ástæðan er
sú að óvíst er að framboð grænmetis
verði nægt vegna veðuraðstæðna í
sumar. „Rigningin á Suðurlandi fer
ekki eftir einhverjum lagatexta,“
segir Gunnar Þorgeirsson, formaður
Bændasamtakanna.
Þarf meiri sveigjanleika
Tímabil tollverndar og tollkvótar
voru fastsett í lögum sem samþykkt
voru í lok árs 2019. Gunnar segir að
uppskera sé breytileg og meiri
sveigjanleika þurfi en lögin bjóði upp
á. Nú séu horfur á að ekki náist að
framleiða nægilegt grænmeti og
kartöflur til að fylla upp í þau tímabil
sem frátekin eru fyrir innlenda
framleiðslu. Því veldur meðal annars
kartöflumygla sem herjaði á mikil-
vægt kartöfluræktarsvæði í sumar.
Gunnar segir að bændur hafi eng-
an áhuga á að hærri tollur verði lagð-
ur á innflutt grænmeti á meðan eng-
in innlend framleiðsla sé í boði. Því
leggja Bændasamtökin til að sett
verði bráðabirgðaákvæði í lögin um
aðlögun þeirra að framleiðslunni
eins og horfur eru nú. Þannig verði
ekki tollur lagður á kartöflur í júní
og tímabil lægri tolla lengt eða hnik-
að til á ýmsum öðrum tegundum.
Nefna má gulrætur, hvítkál og
spergilkál í því efni. Þá verði engar
hömlur lagðar á innflutning selju
enda lítil framleiðsla í landinu.
Bændasamtökin leggja til að þess-
ar breytingar nái aðeins til ársins
2022 enda segir Gunnar að gefið sé
undir fótinn með það í búvörusamn-
ingi að ríkið kynni að vilja kaupa toll-
verndina og taka upp beingreiðslur í
staðinn. Þurfi að ræða það mál við
ríkið á næstunni enda ákvæði um
endurskoðun garðyrkjusamningsins
á árinu 2023.
Tollverndinni verði breytt
- Bændasamtökin leggja til að tímabil tollverndar á útirækt-
uðu grænmeti verði stytt á næsta ári eða því hnikað til
Morgunblaðið/Helgi Bjarnason
Rauðkál Þótt uppskera rauðkáls hafi aukist mjög er ólíklegt talið að nóg
verði til um miðjan ágúst þegar tollvernd hefst, samkvæmt gildandi lögum.