Morgunblaðið - 16.12.2021, Blaðsíða 45

45
MORGUNBLAÐIÐ FIMMTUDAGUR 16. DESEMBER 2021
Eggert
Framkvæmdir á Hverfisgötu Það hefur viðrað vel til byggingarframkvæmda á höfuðborgarsvæðinu síðustu daga, snjórinn hvarf í rigningunni um helgina og frostið hefur ekki bitið.
Ísland er land tækifæranna. Hér
er vöxtur og fólk í öðrum löndum
horfir til Íslands í mörgum málum.
Reykjavíkurborg hefur vanmetið
þessa stöðu og vanáætlað þörf fyrir
íbúðir og samgöngur í áratug. Nú
er svo komið að 70% færri íbúðir
eru til sölu en fyrir 18 mánuðum.
Reykjavík hefur einblínt á þétting-
arreitina og vanrækt þá skyldu að
brjóta nýtt hagstætt byggingar-
land undir byggð. Lausnirnar blasa
við. Keldur, Úlfarsárdalur og fleiri
hagstæð lönd liggja í dauðafæri
fyrir borgina.
Tækifæri til að
komast á milli staða
Sama er að segja um sam-
göngur. Borgin taldi að umferð
myndi lítið aukast og ákvað að setja
á framkvæmdastopp í umferðar-
málum árið 2012. Það var mikill af-
leikur. Í staðinn var þrengt að um-
ferð. Akreinum fækkað. Hægri
beygjuvasar teknir burt. Strætó-
stoppistöðvar settar út á miðjar
götur þannig að þær urðu sannkallaðar stoppi-
stöðvar. Þjónusta strætó var skert. Hér er borgin
á rangri leið, en lausnirnar blasa við. Sundabraut
verður að setja án tafar aftur inn á aðalskipulag
Reykjavíkur. Færa þarf umferðarljósastýringar
inn á 21. öldina. Það mun samstundis létta á um-
ferð einkabíla og strætó. Fækka hættulegum
ljósastýrðum gatnamótum sem mun auka öryggi
og bæta umferðarflæði. Undirbúa
borgina undir sjálfvirknivæð-
inguna sem er handan við hornið.
Tækifæri til að skapa störf
Og svo eru það fyrirtækin. Hér
er hægt að gjörbreyta aðstöðu og
tækifærum fyrirtækja. Það vantar
lóðir fyrir fyrirtæki og stofnanir.
Keldur eru kjörstaður fyrir slíka
uppbyggingu. Þegar í stað þarf að
huga að næsta sjúkrahúsi sem er
langtímaverkefni. Lækka álögur
og gjöld. Minnka flækjustigið í
leyfisveitingum og stytta allar
boðleiðir í borgarkerfinu sem hef-
ur bólgnað út á síðustu árum.
Tækifæri til að velja
Borgin á að skapa umhverfi sem
er aðlaðandi og einfalt fyrir fólk og
fyrirtæki. Hún á ekki að þvinga
fólk til að breyta venjum sínum.
Fólk á að hafa val um að búa í sér-
býli og fjölbýli. Geta fengið þak
yfir höfuðið á viðráðanlegu verði í
Reykjavík. Velja sér fararmáta á
milli borgarhluta. Borgin á að
greiða fólki leið í öllum málum.
Með því að fara úr umdeildum aukaverkefnum
verður Reykjavíkurborg með skýran fókus á
það eina sem skiptir máli. Að skapa fólki og fyr-
irtækjum tækifæri til vaxtar. Þannig og aðeins
þannig mun borgin blómstra.
Eftir Eyþór Arnalds
»Með því að
fara úr um-
deildum auka-
verkefnum
verður Reykja-
víkurborg með
skýran fókus á
það eina sem
skiptir máli.
Eyþór Arnalds
Höfundur er oddviti sjálfstæðismanna
í borgarstjórn.
Byggjum borg
tækifæranna
Blikur eru á lofti í raforku-
málum landsmanna. Undanfarið
hefur umræða skapast um hvort
raforka sé næg eða ekki og sitt
sýnist hverjum. Staðreyndirnar
tala sína máli. Skerða hefur
þurft raforku til ákveðinna at-
vinnugreina og hluti lands-
manna hefur þurft að búa við
það eftir óveður að vera án raf-
orku í marga daga. Þá hefur
komið fram að ónýtt raforka
rennur til sjávar engum til
gagns vegna raforkukerfis sem
er úr sér gengið.
Óhætt er að fullyrða að með
núverandi orkusamningum sé
búið að selja þá raforku sem til-
tæk er og hún því uppseld. Líkt
og Landsvirkjun hefur greint
frá þá hafa vinnslumet ítrekað
verið slegin í vinnslukerfi
Landsvirkjunar, nú síðast föstu-
daginn 3. desember þegar
vinnsla fyrirtækisins fór í fyrsta
skipti yfir 1.900 MW. „Við slíkar
aðstæður verður mjög þröngt um tiltækt afl
í vinnslukerfi Landsvirkjunar og það í raun
alveg upp urið.“ Þá gerir orkuspá hins opin-
bera ráð fyrir aukinni raforkunotkun lands-
manna á næstu árum og áratugum.
Það er því ljóst að ef mæta á þörfum sem
fylgja orkuskiptum og öðrum orkusæknum
tækifærum sem felast í grænum um-
skiptum, svo ekki sé talað um raforku-
öryggi fyrir alla landsmenn,
þá verður að framkvæma
hvoru tveggja; bæta núver-
andi raforkuflutningskerfi og
virkja meira. Endurskoða þarf
regluverk orkumála sem er
allt of flókið auk þess sem
opna þarf fyrir vindorku en
núverandi kerfi gerir nánast
eingöngu ráð fyrir að raforka
sé unnin úr vatnsafli og jarð-
hita.
Það er áhyggjuefni ef ekki
tekst að sækja tækifærin sem
felast í aukinni eftirspurn eft-
ir grænni orku. Við búum svo
vel að hafa aðgang að nægri
slíkri orku en hana þarf að
vinna og nýta til að skapa
verðmæti fyrir þjóðarbúið.
Við eflum samkeppnishæfni
Íslands og þar með lífskjör
allra landsmanna með að-
gengi að nægu magni raforku
til að mæta kröfum framtíð-
arinnar.
Ný ríkisstjórn hefur kynnt
framsækna framtíðarsýn. Því
eru vonir bundnar við að raforkumál lands-
manna verði sett í forgang með nauðsyn-
legum framkvæmdum svo Ísland geti áfram
verið í fremstu röð í framleiðslu og nýtingu
á endurnýjanlegri orku. Hefjast þarf handa
hið fyrsta.
Aðgerða er þörf í orku-
málum þjóðarinnar
Eftir Sigurð Hannesson
» Það er
áhyggjuefni
ef ekki tekst að
sækja tækifær-
in sem felast í
aukinni eftir-
spurn eftir
grænni orku.
Höfundur er framkvæmdastjóri
Samtaka iðnaðarins.
Sigurður Hannesson