Morgunblaðið - 16.12.2021, Blaðsíða 36

MORGUNBLAÐIÐ FIMMTUDAGUR 16. DESEMBER 2021
VIÐTAL
Ómar Garðarsson
Vestmannaeyjum
Eyþór Harðarson, útgerðarstjóri Ís-
félagsins í Vestmannaeyjum, hefur
tekið á móti tveimur nýjum skipum,
Álsey VE fyrr á árinu og í síðustu
viku bættist fjórða uppsjávarskipið í
flota félagsins, Suðurey VE. Byrjaði
ungur að vinna hjá Hraðfrystistöð-
inni hjá Sigurði Einarssyni. Hélt
seinna til náms í rafmagnstæknifræði
í Þýskalandi. Réð sig til Ísfélagsins
þar sem Sigurður Einarsson var við
stjórnvölinn eftir mikla uppstokkun í
sjávarútvegi í Vestmannaeyjum þeg-
ar Hraðfrystistöðin og Ísfélagið sam-
einuðust undir merkjum Ísfélagsins
og Fiskiðjan og fleiri fyrirtæki runnu
inn í Vinnslustöðina. Rafmagns-
tæknifræðingurinn varð síðar út-
gerðarstjóri þar sem hann hefur lifað
tímana tvenna.
„Sjálfur byrjaði ég í gamla Ísfélag-
inu eftir grunnskóla 1980 og vann
hefðbundin verkamannastörf,“ segir
Eyþór en foreldrunum fannst ekki
mikil framtíð í fiskvinnu. „Pabbi
sannfærði Sigga Einars um að gera
mig að lærlingi í rafvirkjun. Í ágúst
1981 byrjaði ég í FES-inu eins og
bræðsla Hraðfrystistöðvarinnar var
kölluð. FES-ið er og hefur verið sér-
stakur vinnustaður. Mjög skemmti-
legur og þessum árum voru 15 manns
á vakt, alls 30 manns á átta tíma vökt-
um. Byrjaði ekki vel, engin loðnuveiði
á vertíðinni en því meira að gera í
frystihúsinu.“
Margt brallað í FES-inu
Loðnuvertíð á þessum árum stóð
frá febrúar og fram í apríl. „Að vinna
á vöktum allan þennan tíma var mik-
ið fjör og maður kynntist mannskap
sem seint gleymist. Erum enn að
rifja upp sögurnar þegar við hitt-
umst, Viðar Togga, Ási Friðriks,
Guðgeir Matt, Bogi Sig verksmiðju-
stjóri og Jónas á Múla, meistarinn
minn, og margir fleiri. Allt flottir og
skemmtilegir kallar.“
Og margt var brallað. „Við Ási er-
um frumkvöðlar. Settum upp sjálfs-
afgreiðsluverslunina Ásþór í kaffi-
stofunni. Fullir bjartsýni eftir fyrstu
vikuna og sáum fram á golfferð til
Skotlands að vori. Enduðum með
skuld upp á 20 þúsund kall hvor.
Lögðum of mikið traust á vinnufélag-
ana sem héldu að við værum að
græða á framtakinu og slepptu að
skrifa aðra hverja kókflösku. Í ljósi
nýrra verslunarhátta er sjálfs-
afgreiðsla ekki nýtt fyrirbrigði,“ seg-
ir Eyþór og glottir.
Til Þýskalands í nám
Árið 1987 er stefnan tekin á nám í
rafmagnstæknifræði, fyrst í Reykja-
vík og í framhaldsnám í Þýskalandi.
Átti von á að enda í Reykjavík en
fékk vinnu hjá Ísfélaginu. „Seldi
Sigga Einars þá hugmynd að ég gæti
gert eitthvert gagn við tæknivæð-
ingu fiskimjölsverksmiðjunnar og
frystihússins. Honum fannst ástæða
til að reyna það og við fluttum heim
um haustið 1995.“
Stærstu verkefnin voru breytingar
í átt að meiri sjálfvirkni og betri
orkunýtingu auk innleiðingar á iðn-
tölvukerfum. „Það var gaman að
vera þátttakandi í því. Þegar sá fyrir
endann á því varð bruninn í desem-
ber 2000 þegar frystihús Ísfélagsins
brann. Það voru næg verkefni fyrir
tæknimann í uppbyggingunni sem þá
fór í hönd,“ segir Eyþór sem bauðst
staða útgerðarstjóra sumarið 2003.
Sló til og hefur upplifað miklar
breytingar á flotanum.
„Útgerðarstjórastarfið var ekki
það sem ég reiknaði með en þú kannt
eitthvað og leitar aðstoðar í því sem
þú kannt ekki. Það skemmtilega við
útgerð er að ekkert ár er eins og þú
ert að vinna með mörgum, oft stór-
kostlegu fólki og miklar breytingar
hafa orðið á flotanum. Skipin sem Ís-
félagið átti þegar ég byrjaði voru öll
farin 2013. Sá síðasti var Sigurður
gamli, það mikla afla- og happaskip.
Búið að endurnýja allan flotann með
nýju skipunum, Heimaey og Sigurði,
sem eru ævintýri hvort fyrir sig.
Heimaey smíðuð í Síle og Sigurður í
Istanbúl.“
Heimaey er nútímauppsjávarskip
sem reynst hefur vel í alla staði. Nýr
Sigurður kom 2014 og var enn öfl-
ugri. „Þetta voru ánægjulegu verk-
efnin en það gekk á ýmsu, eins og t.d.
bruninn í Guðmundi í Póllandi 2006.
Já, þetta er fjölbreytt og erfitt að fá
leið á vinnunni. Fyrr en varir ertu
komin í allt annað verkefni með nýju
fólki,“ segir Eyþór og skipin hafa
yngst, stækkað og eru fullkomnari á
allan hátt.
Vinnuaðstaðan stórbætt
Sigurður gamli, aflahæsta skip ís-
lenska flotans, var smíðaður 1960,
Guðmundur var 1967 módelið, Harp-
an frá 1977. „Íslendingar voru með
vonlausan flota um aldamótin í sam-
anburði við Norðmenn. Núna erum
við með stór og öflug uppsjávarskip
sem kæla aflann. Koma með þúsund
tonna farma í toppgæðum eftir fjóra
til fimm daga og hver einasta padda
fer til manneldis. Nýju skipin okkar,
Álsey og Suðurey, standast allar
kröfur og eru nauðsynleg viðbót með
stærri loðnukvóta og breyttri hegðun
makríls.“
Staðan væri önnur ef þessara
skipa nyti ekki við. „Við þurftum að
sækja makrílinn langleiðina til Nor-
egs í sumar og núna er heimasíldin
80 til 100 mílur vestur af Reykjanesi,
veidd með trolli niðri við botn. Ekki
hægt að ná henni í nót. Þetta hefði
orðið síldarleysisár og engan makríl
að fá hefðum við ekki átt þessi stóru
og glæsilegu skip.
Vinnuaðstaða og aðstaða sjó-
manna nú og fyrir 15 til 20 árum er
eins og svart og hvítt. Skipin vel búin
á allan hátt og fara betur með menn.
Um leið hækkar starfsaldur sjó-
manna og er meðalaldur yfirmanna
um sextugt á sumum bátunum.
Menn entust ekki svona lengi á sjón-
um hér áður,“ segir Eyþór sem hefur
tekið á móti fyrstu loðnuförmunum á
þessari vertíð.
Sífellt ný verkefni með nýju fólki
- Útgerðarstjórinn Eyþór Harðarson hefur lifað tímana tvenna í útgerðinni - Fjölbreytt starf og erfitt
að fá leið á vinnunni - Floti Íslendinga vonlaus um aldamótin - Endurnýjun flotans stærsta verkefnið
Morgunblaðið/Ómar Garðarsson
Skipakostur Eyþór tók á móti nýrri Suðurey VE 11 í síðustu viku.
Sjálfsafgreiðsla Eyþór og Ási ráku verslunina Ásþór í FES-inu.
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
#
a
ll
ir
ú
ta
ð
le
ik
a
20% afsláttur
af skíðapökkum
Selásbraut 98, 110 Reykjavík, sími 419 7300, sportval.is
Afurðaverð á markaði
15. des. 2021,meðalverð, kr./kg
Þorskur, óslægður 466,80
Þorskur, slægður 411,90
Ýsa, óslægð 421,70
Ýsa, slægð 408,51
Ufsi, óslægður 184,02
Ufsi, slægður 216,29
Gullkarfi 123,72
Blálanga, óslægð 198,33
Blálanga, slægð 133,97
Langa, óslægð 251,14
Langa, slægð 271,78
Keila, óslægð 101,74
Keila, slægð 94,18
Steinbítur, óslægður 334,43
Steinbítur, slægður 489,08
Skötuselur, slægður 514,00
Grálúða, slægð 318,31
Skarkoli, slægður 622,79
Þykkvalúra, slægð 922,78
Langlúra, óslægð 16,00
Langlúra, slægð 286,00
Sandkoli, óslægður 155,19
Skrápflúra, óslægð 11,00
Blágóma, slægð 17,00
Bleikja, flök 1.790,00
Regnbogasilungur, flök 3.176,00
Gellur 1.334,67
Hlýri, óslægður 381,85
Hlýri, slægður 488,48
Lúða, slægð 776,57
Lýsa, óslægð 45,64
Lýsa, slægð 22,99
Maríuskata, slægð 10,00
Skata, slægð 12,00
Stórkjafta, slægð 213,00
Undirmálsýsa, óslægð 91,49
Undirmálsýsa, slægð 154,00
Undirmálsþorskur, óslægður 237,69
Undirmálsþorskur, slægður 190,79