Bændablaðið - 23.06.2022, Síða 8
8 Bændablaðið | Fimmtudagur 23. júní 2022
FRÉTTIR
Söfnin á Eyrarbakka
Húsið er heillandi og sögufrægt
kaupmannsheimili þar sem sögð er
meira en 200 ára gömul saga
verslunar og menningar.
Sjóminjasafnið hýsir hið merka árskip
Farsæl og undraveröld fugla og eggja
er í Eggjaskúr. Í litla alþýðuhúsinu
Kirkjubæ er sýning um byltingartíma-
na þegar rafljós kom í hús og fólk
eignaðist útvarp og gúmmístígvél.
Opið alla daga í sumar frá kl. 11–18.
sími 483 1504 • info@byggdasafn.is
www.byggdasafn.is
Eyrargata
Túngata
Búðarstígur
HÚSIÐ
EGGJASKÚRINN
KIRKJUBÆR
SJÓMINJASAFNIÐ
Ratleikur um allt
safnasvæðið er í boði
fyrir alla fjölskylduna.
Hvernig væri að leggja leið sína á
Eyrarbakka og heimsækja söfnin?
Óásættanlegt er fyrir kúabændur að ekki sé hægt að kalla saman fund verðlagsnefndar til að sinna lögbundnum
verkefnum sínum.
Verðlagsnefnd búvara:
Óstarfandi vegna
formannsleysis
Formaður verðlagsnefndar
búvöru sagði af sér eftir síðasta
fund nefndarinnar, 30. mars
síðastliðinn. Nefndin hefur ekki
fundað síðan þá en samkvæmt
lögum skal verðlagsgrundvöllur
kúabúa reiknaður fjórum sinnum
á ári, í mars, júní, september og
desember. Nefndarmenn voru
skipaðir til tveggja ára.
Herdís Magna Gunnarsdóttir,
formaður NautBÍ, segir að síðasti
fundur verðlagsnefndar búvara hafi
verið haldinn 30. mars síðastliðinn
þegar verðlagsgrundvöllur fyrir
marsmánuð var tekinn fyrir.
Verðlagsgrundvöllur kúabúa er
uppreiknaður fjórum sinnum á
ári, í mars, júní, september og
desember, þegar teknar eru fyrir
kostnaðarbreytingar sem hafa átt sér
stað frá því að síðasti grundvöllur
var reiknaður.
Formaðurinn segir sig
frá störfum
„Til stóð að halda fund verð-
lagsnefndar 26. maí til að taka
fyrir verðlagsgrundvöllinn í júní
en þegar nefndarmenn óskuðu eftir
fundartíma tilkynnti formaðurinn,
Friðrik Már Baldursson, prófessor í
hagfræði við Háskólann í Reykjavík,
nefndinni að hann hefði sagt sig frá
störfum í nefndinni.
Í framhaldinu tilkynnti starfs-
maður matvælaráðuneytisins að
fundum nefndarinnar yrði frestað
þar til nýr formaður yrði skipaður
eða þar til nefndin yrði endurskipuð
í september næstkomandi.“
Óvissa um greiðslur til kúabænda
Herdís segir frestun fundarins
bagalega og skapi óvissu um
greiðslur til kúabænda en samkvæmt
búvörulögum skal nefndin halda
fund óski nefndarmenn eftir því og
samkvæmt því ræður ráðuneytið því
ekki hvenær nefndin fundar.
„Verðlagsnefnd búvöru hafði
stefnt að því að funda í lok maí til
að taka fyrir júnígrundvöllinn enda
sjaldan verið jafn nauðsynlegt að
nefndin fundi með reglubundnum
hætti og um þessar mundir.
Eins og flestir vita hafa
gríðarlegar aðfangahækkanir í
kjölfar heimsfaraldursins og stríðsins
í Úkraínu reynst landbúnaðinum
erfiðar en áður hafði versnandi
rekstrarstaða kúabúa þegar verið
okkur áhyggjuefni.
Það skiptir bændur miklu máli að
verðlagsnefnd búvara starfi eðlilega
og að lágmarksverð til bænda
sé ákveðið með reglubundnum
hætti og þar sé tekið mið af þróun
framleiðslukostnaðar hverju sinni.
Það er því óásættanlegt fyrir
kúabændur að ekki sé hægt að kalla
saman fund verðlagsnefndar og von
mín að matvælaráðherra bregðist
hratt og vel við þeirri stöðu sem upp
er komin svo að nefndin geti sinnt
lögbundnum verkefnum sínum.“
BÍ vill nýjan formann strax
Bændasamtök Íslands hafa farið fram
á að matvælaráðuneytið skipi þegar
í stað nýjan formann nefndarinnar
sem og að boðað verði strax til
fundar þar sem verðlagsgrundvöllur
fyrir júnímánuð er tilbúinn.
Herdís segir að í svari frá
ráðuneytinu 8. júní segi að unnið sé
í málinu og að formaður verði ekki
skipaður fyrir 10. júní. „Ráðuneytið
mun þó reyna að hraða skipuninni
eins og unnt er.“
Að sögn Herdísar hefur ekkert
heyrst frá ráðuneytinu eftir það.
Í búvörulögum segir að formaður
verðlagsnefndar búvöru sé skipaður
af matvælaráðherra og sama
gildir um varaformanninn, en svo
virðist sem skipun varaformanns
hafi gleymst. /VH
Herdís Magna Gunnarsdóttir, for-
maður búgreinadeildar nautgripa-
bænda, NautBÍ. Mynd / H.Kr
Embluverðlaunin:
Danir og Norðmenn
sigursælastir
Norrænu matvælaverðlaunin
Embla voru afhent við hátíðlega
athöfn í menningarhúsinu DogA
í Osló þann 20. júní sl.
Óhætt er að segja að Danir og
Norðmenn hafi verið sigursælir
í ár en hvort land um sig fékk
þrenn verðlaun, auk þess sem Svíar
unnu í einum flokki.
Sigurvegarar í ár
Norrænn mataráfangastaður:
Kvitnes gård, Noregi
Norræn matvæli fyrir börn og
ungmenni: Geitmyra Credo,
Noregi
Norrænn matarfrumkvöðull:
Undredal stølsysteri, Noregi
Norrænn matur fyrir marga: The
Junk Food Project, Danmörku
Norrænn matvælamiðlari: Det
Grønne Museum, Danmörku
Norrænn matvælalistamaður:
Brӓnnlands Cider, Svíþjóð
Norrænn matvælaframleiðandi:
Fredriksdals Kirsebærvin,
Danmörk
Bændasamtök standa
að baki Emblunni
Sjö afar frambærilegir matvæla-
fulltrúar voru tilnefndir fyrir
Íslands hönd að þessu sinni
sem voru Jökla, Nordic Wasabi,
Gunnar Karl Gíslason, Brúnastaðir
ostagerð, Matartíminn, Dominique
Plédel Jónsson og Vestmannaeyjar.
Sex norræn bændasamtök, þar
á meðal Bændasamtök Íslands,
standa að baki norrænu matvæla-
verðlaununum Emblunni, sem
haldin er annað hvert ár og styrkt
af Norrænu ráðherranefndinni.
Markmiðið er að lyfta norrænni
matarmenningu og skapa aukinn
áhuga á henni utan svæðisins.
/ehg
Frá afhendingu verðlaunanna í Osló. Mynd / Espen Sollli
Skipun fulltrúa verðlagsnefndar
Verðlagsnefnd búvara er
skipuð og starfar skv. ákvæðum
búvörulaga. Nefndin er skipuð sex
mönnum og ákveður afurðaverð
til búvöruframleiðenda og verð
búvara í heildsölu.
Samtök launþega tilnefna tvo
fulltrúa í nefndina. Skal annar þeirra
tilnefndur af stjórn Bandalags
starfsmanna ríkis og bæja og hinn
af stjórn Alþýðusambands Íslands.
Stjórn Bændasamtaka Íslands
og stjórnir búgreinasamtaka,
sem hlotið hafa viðurkenningu
samkvæmt 4. grein búvörulaga
og starfa fyrir búgreinafélög
þeirra afurða sem verðlagðar eru
hverju sinni, tilnefna tvo fulltrúa
í nefndina sameiginlega. Skal
annar þeirra tilnefndur til að fjalla
eingöngu um verðmyndun til
framleiðenda. Skal hann víkja úr
nefndinni fyrir fulltrúa samtaka
afurðastöðva í nefndinni þegar
fjallað er um verðmyndun hjá
afurðastöðvum.
Samtök afurðastöðva fyrir
búvörur tilnefna tvo fulltrúa í
nefndina. Skulu þeir tilnefndir
þannig að í nefndinni starfi
hverju sinni fulltrúar frá þeirri
vinnslugrein sem um er rætt hverju
sinni. Annar þessara fulltrúa skal
tilnefndur til að starfa aðeins í
nefndinni þegar nefndin fjallar um
verðmyndun hjá afurðastöðvum og
kemur í stað fulltrúa framleiðenda
sem víkur sæti.
Matvælaráðaherra tilnefnir
einn fulltrúa í nefndina og er
hann formaður hennar. Einnig
tilnefnir ráðherra fulltrúa minni
vinnslufyrirtækja mjólkur sem
áheyrnarfulltrúa í nefndina og
hefur hann tillögurétt.
Varamenn eru tilnefndir á sama
hátt og aðalmenn. Tilnefningu
fulltrúa í verðlagsnefnd skal
lokið 15. júní ár hvert. Nefndin
skal fullskipuð 1. júlí ár hvert.
Hagstofa Íslands er verðlagsnefnd
til aðstoðar.
byggir á