Bændablaðið - 07.07.2022, Page 15

15Bændablaðið | Fimmtudagur 7. júlí 2022
SMIÐJUVEGI 7 200 KÓPAVOGI SÍMI 54 54 300 ISPAN.IS

ER KOMINN TÍMI
Á NÝTT GLER ?

VIÐ SÉRSNÍÐUM GLER
EFTIR ÞÍNUM ÞÖRFUM

• EINANGRUNARGLER
• SÓLVARNARGLER
• HLJÓÐVARNARGLER
• ÖRYGGISGLER
• HAMRAÐ GLER
• HERT GLER
• LAKKAÐ GLER
• SPEGLAR

Samið hefur verið við G.V. Gröfur
ehf. á Akureyri um lagningu
verksins Eyjafjarðarbraut vestri,
821 um Hrafnagil.
Verkið snýst um að færa þjóð­
veginn út fyrir byggðina og niður
fyrir eyrar Eyjafjarðarár. Það er gert
til að losna við umferð úr þéttbýlinu
sem nú er í nokkurri uppbyggingu
beggja megin við núverandi
þjóðveg.
Verkið felst í nýbyggingu Eyja­
fjarðarbrautar vestri, Miðbrautar og
nýrra tenginga á tæplega fjögurra
kílómetra löngum kafla.
Einnig byggingu nýrra heimreiða,
samtals um 0,25 kílómetra.
Eyjafjarðarbraut vestri, Miðbraut
og tengingar inn í þéttbýlið verða 8
metra breiðar með bundnu slitlagi.
Heimreiðar verða 4 metra breiðar,
einnig með bundnu slitlagi.
Meðalumferð á dag yfir allt árið á
Eyjafjarðarbraut er í kringum 1.471
bíll á sólarhring, en umferðin er
meiri yfir sumartímann. Verktakinn
mun ekki hefja verkið fyrr en í
október. Ástæðan er sú helst að ekki
er heimilt að taka efni úr áreyrum
Eyjafjarðarár á tímabilinu 1. júlí til
1. október. Þetta mun þó ekki hafa
áhrif á verktímann þar sem gert er
ráð fyrir mjög rúmum tíma.
Stefnt er að því að gerð fyllinga,
rofvarna og styrktarlags, ásamt
efnisvinnslu fyrir burðarlag,
verði lokið fyrir árslok 2023
en verkinu skal að fullu lokið
fyrir 15. júlí 2024, samkvæmt
upplýsingum í Framkvæmdafréttum
Vegagerðarinnar.
Eyjafjarðará er veiðiá og er
tekið skýrt fram í útboðsgögnum
að verktaki skuldbindur sig til að
koma í veg fyrir eins og kostur er að
vatn gruggist á veiðitíma af völdum
framkvæmda. /MÞÞ
Þjóðvegur um Eyjafjarðarbraut vestri við Hrafnagil:
Hefjast handa í haust
Hrafnagil. Mynd / H.Kr
Tjón sem varð af völdum aurskriða
í Útkinn í október á liðnu ári er
talið nema um 250 milljónum
króna.
Ríkisstjórn Íslands samþykkti
á síðasta vetri sérstök fjárframlög
vegna tjóns af völdum aur­
skriðanna og áttu þau að greiðast
úr Bjargráðasjóði. Samþykktir
sjóðsins gera ekki ráð fyrir slíkum
sérstökum bótagreiðslum, enda um
einstakan atburð að ræða, að sögn
Gerðar Sigtryggsdóttur, oddvita
Þingeyjarsveitar.
„Um er að ræða í þessu tilviki
óhefðbundna bótagreiðslu úr
sjóðnum og hefur hann í kjölfarið
þurft að gera breytingar á sínu
regluverki.“Gerður segir sveitarstjórn
eiga gott samstarf við Bjargráðasjóð
og Náttúruhamfaratryggingar, sem
upplýsi heimamenn reglulega um
stöðu mála. Líkur eru á að hægt verði
að greiða út bætur á grundvelli þeirra
framlaga sem ríkisstjórn samþykkti
síðastliðinn vetur nú á næstunni,
eftir því sem endurbótaverkinu
vindur fram. Landeigendur hafa
þegar lagt fram mikla vinnu vegna
skriðufallanna, en tjón varð einkum á
túnum og landi en mannvirki sluppu.
Aur var hreinsaður í miklu magni af
túnum og eins var heilmikið mokað
upp úr skurðum.
„Vélar og tæki og mannskapur
voru á ferðinni þarna við hreinsunar­
störfin, sem allt kostar umtalsverða
fjármuni,“ segir hún.
Þá þurfti að laga vegi, en
kostnaður við vegagerð er talinn
nema um 30 milljónum króna einn og
sér. Loks má nefna að það á eftir að
rækta upp flest túnin sem lentu undir
skriðunum og endurnýja girðingar.
Ljótt sár í hlíðinni
Verkefnastjórn hefur verið skipuð til
að vinna að framgangi þessa verkefnis
og segir Gerður að Þingeyjarsveit
muni greiða þann kostnað sem hlýst
af þeirri vinnu. Heilmikið verkefni sé
eftir við uppgræðslu, m.a. séu enn
ljót sár í hlíðinni ofan bæjanna sem
eftir er að græða upp, auk þess sem
uppræktun túna er eftir.
„Það mun koma í ljós síðar
hvernig að því verkefni verður
staðið,“ segir hún og kveðst vona
að tjónið verði að fullu bætt, en nú
liggur fyrir loforð frá ríkinu um
bætur upp á 130 milljónir króna.
/MÞÞ
Aurskriður í Útkinn:
Tjónið metið á
250 milljónir kr.
Mynd / Landhelgisgæslan –
Lögreglan á Norðurlandi eystra