Bændablaðið - 10.03.2022, Side 1
5. tölublað 2022 ▯ Fimmtudagur 10. mars ▯ Blað nr. 606 ▯ 28. árg. ▯ Upplag 32.000 ▯ Vefur: bbl.is
Hestamótið Mývatn Open fór fram í blíðskaparveðri um liðna helgi. Keppt var í A- og B-flokki gæðinga, tölti og skeiði í tveimur styrkleikaflokkum knapa.
Að sögn Friðriks Jakobssonar mótshaldara var um að ræða besta mótið í tuttugu ára sögu viðburðarins. „Veðrið var gott og ísinn eins og best verður á
kosið. Yfir 90 skráningar voru á mótið og fjöldinn allur af áhorfendum. Það virðast allir ótrúlega kátir að mega loksins hittast og gera eitthvað saman eftir
Covid-faraldurinn,“ segir Friðrik. Hér má sjá hryssuna Blædísi frá Króksstöðum og knapann Guðmund Karl Tryggvason, sem vöktu athygli fyrir fas og
vasklega framgöngu og stóðu uppi sem sigurvegarar í B-flokki gæðinga hjá meira vönum keppendum. Mynd / Helga Árnadóttir
Garðyrkjumenn stækka, hækka og breyta:
Hugur í gróðurhúsabændum
Þrátt fyrir óveðrið sem gekk
yfir landið fyrir skömmu með
talsverðum látum og eignatjóni eru
gróðurhúsabændur bjartsýnir og
stefna sumir þeirra á að stækka
gróðurhúsin eða breyta þeim til
að auka framleiðsluna.
Gróðurhús og ræktun gróðrar
stöðvarinnar Jarðarberjalands eyði
lagðist í óveðrinu og að sögn eigenda
stöðvarinnar er ekki að vænta afurða
frá þeim á þessu ári. Þau eru þrátt
fyrir það ekki af baki dottin og stefna
að því að endurreisa stöðina og hefja
ræktun að nýju.
4.800 fermetra stækkun
Hafberg Þórisson, sem kenndur er
við garðyrkjustöðina Lambhaga,
hefur á síðustu árum byggt um
7.000 fermetra gróðurhús að Lundi
í Mosfellsdal.
„Fljótlega verður hafist handa við
að reisa 4.800 fermetra gróðurhús á
Lundi og ég geri ráð fyrir að það hús
verði tekið í notkun 2023.“
Að sögn Hafbergs gerir hann
ráð fyrir að reisa 10.000 fermetra
til viðbótar undir gleri á staðnum í
framtíðinni.
Spírunarklefi eykur framlegð
Gunnar Þorgeirsson, garðyrkjumaður
í Ártanga, segir að í sumar ætli
hann að stækka hjá sér og byggja
300 fermetra viðbót. „Hluti af því
verða kæliklefar og spírunarrými
fyrir kryddjurtir. Spírunarklefinn
gerir okkur kleift að nýta borð í
gróðurhúsi sem notuð hafa verið
undir sáningu og spírun undir ræktun
og ná þannig fram meiri framlegð á
ræktunarfermetra í gróðurhúsinu,“
segir Gunnar.
Hækkun á Laugalandi
Þórhallur Bjarnason, garðyrkju
bóndi að Laugalandi í Borgarfirði,
segir að um miðjan maí verði hafist
handa við að hækka 1.200 fermetra
gúrkugróðurhús hjá honum og að
á sama tíma verði allar leiðslur og
annað í húsinu endurnýjað, auk þess
sem húsið hefur sigið og verður það
rétt af í leiðinni.
„Ég fæ til mín menn frá Hollandi
sem ætla að hækka húsið um tæpa
tvo metra og eftir hækkunina
verður hliðahæðin fimm metrar.
Ástæðan fyrir framkvæmdunum er
sú að það er komin ný kynslóð af
gróðurhúsalömpum sem eru 1.000
vött og gefa frá sér mikinn hita.
Fjarlægðin frá lömpunum og niður
að plöntunum þarf að vera um einn og
hálfur metri til að plönturnar brenni
ekki.“
Að sögn Þórhalls næst betri
ljósdreifing með því að hækka
lampana, auk þess sem nýju lamparnir
eru 15 til 20% nýtnari á rafmagn en
eldri lampar og því umhverfisvænni.
„Með því að auka ljósmagnið má
gera ráð fyrir að uppskeran í húsinu
aukist um 20% og þá sérstaklega yfir
vetrartímann.“ /VH
Mikil bjartsýni er ríkjandi meðal gróðurhúsabænda og margir þeirra stórhuga
í breytingum til að auka framleiðslugetuna. Mynd / BBL
Skinnauppboð:
Markaðurinn
botnfraus
Ekki horfir vel í markaðsmálum
framleiðenda loðskinna. Sama
dag og uppboð á loðskinnum
hófst í Kaupmanna höfn gerðu
Rússar innrás í Úkra ínu og mark
aðurinn hrein lega botnfraus.
Rússland er annar stærsti
kaupandi loðskinna í heiminum
á eftir Kína, en kaup Kínverja á
skinnum dróst verulega saman eftir
að Covid19 fór að herja á heiminn.
Skinnin sem voru í boði í
Kaupmannahöfn núna eru frá
2020 og gamlar birgðir sem
geymdar hafa verið í frosti.
Loðdýrabændur gerðu sér vonir um
að skinnamarkaðurinn væri farinn
að rétta úr kútnum eftir mörg ár þar
sem verð hefur verið lágt. Á síðasta
ári hækkaði verðið lítillega, eða í
að það stóð að minnsta kosti undir
framleiðslukostnaði.
Þrátt fyrir að verð á uppboðinu
núna hafi haldið frá síðasta ári
seldust ekki nema 13% þeirra
skinna sem voru í boði. /VH
Uppboð á loðskinnum hjá Kopen-
hagen Fur varð nánast að engu við
innrás Rússa í Úkraínu.
Samstíga
landbúnaður
2–10 12
Ísland í fararbroddi
alþjóðlegrar stefnumótunar
Ætlar að rækta vindmyllupálmatré og
trefjabananatré úti með hita í sumar
32–33