Bændablaðið - 12.05.2022, Qupperneq 26

Bændablaðið | Fimmtudagur 12. maí 202226
LÍF&STARF
Nýverið tókust samningar milli
sveitarstjórnar Eyjafjarðarhrepps
og aðstandenda Freyvangs-
leikhússins sem lengi hafa velt
möguleikum þess efnis á milli sín.
Útlit er fyrir að allir séu jákvæðir í
garð nýs samnings og er ekki annað
að sjá en að bjart sé fram undan.
Blaðamaður heyrði í formanni
leikhúss Freyvangs, Jóhönnu S.
Ingólfsdóttur, og kannaði stöðuna.
Hvað felst í samningnum?
„Þetta er tveggja ára rekstrar­
leigusamningur, gildir til 1. júní
ársins 2024. Við tökum við húsinu
1. maí, en þurfum ekki að byrja að
borga af því fyrr en 1. október þar
sem samningurinn tekur gildi þá.“
Teljið þið ykkur geta staðið undir
rekstrarkostnaði á ársgrundvelli?
„Já, þetta byggir náttúrlega
svolítið á því að við höfum
alltaf verið að borga leigu til
sveitarfélagsins, 15% af hverjum
seldum miða, og þá hefur það
rokkað frá 600­1200 þúsund fyrir
veturinn, á meðan rekstrargjöldin
eru áætluð 1,6 milljón.
Svo var ákveðið að setja í
samninginn að þeir myndu styrkja
okkur um það, sem í raun nemur
fasteignagjöldunum, eða 500.000
kr. á ári. Þannig við fáum
fasteignagjöldin ekki niðurgreidd,
en fáum þau endurgreidd. Rekstrar­
kostnaðurinn dettur þá niður í 1,1
milljón á ári.
(Þarna er munurinn á
rekstrarleigu og almennri leigu.)
Okkar hagur er í því að með
þessu borgum við svipað og við
höfum verið að gera sl. ár en höfum
húsið allt árið um kring, í stað maí
til september.
Eðlilega borgum við þá leigu
fyrir alla mánuði ársins í stað þess
hluta sem við höfum gert áður, en
á móti kemur að við högnumst af
útleigu hússins yfir sumarið, þá
til dæmis fyrir þær helgar sem
eru leigðar vegna brúðkaupa eða
annarra skemmtana.
Slík tekjuöflun yfir sumarið hefur
áður alltaf farið til sveitarinnar, en nú
fellur hún í okkar vasa – en á móti
borgum við, eins og áður sagði, okkar
mánaðarlegu leigu.“
Í viðtali við Halldór Sigurgeirsson,
fyrrverandi formann, sem birtist í
3. tbl. Bændablaðsins nú í febrúar,
kom fram að áður hefði Freyvangur
gjarnan verið leigður undir
skemmtanir á borð við sveitaböll eða
tónleika. Er einhver áhugi á að taka
slíkt upp aftur?
„Það eru allar hugmyndir í
gangi,“ segir Jóhanna og hlær, „ég
veit ekki alveg hvort slíkt verði
gerlegt þetta sumarið, ásóknin
hefur verið svo mikil í leigu.
Nú er t.d. búið að leigja Freyvang
allar helgar í júlí undir veisluhöld,
en samkvæmt húsverðinum sem
hefur verið á staðnum sl. 4 ár er það
afar óvanalegt. En að sjálfsögðu
væri gaman að endurskapa slíka
stemningu er fylgir sveitaböllum
eða harmonikkuskemmtan og í raun
hverju sem er.
Hér er allt til alls, svið, hljóðkerfi
og meira að segja bar og léttvín­
veitingaleyfi! Þannig það er ýmislegt
sem hægt væri að koma í gagnið hér
í Freyvangi.
Svo þætti okkur skemmtilegt að
efla samstarfið við sveitina, halda til
dæmis leiklistarnámskeið eða annað
sem tengist leikhúsinu, gaman væri
að auka samstarfið við grunnskólann,
þá ef til vill bjóða upp á leiklist
sem valfag fyrir unglingastigið í
skólanum á veturna og þá setja upp
leikrit í lokin. Jafnvel væri hægt að
bjóða þeim að halda árshátíðina sína
hérna ef þeir vildu.
Við fáum, eins og áður sagði,
allt húsið, en þá er í samningnum
líka íbúð húsvarðarins sem verður
áfram. Þannig stendur reyndar á hjá
henni að önnur dætra hennar, sú eldri
sem er fjórtán ára, greindist nýverið
með eitlakrabbamein og héldum við
styrktarsýningu henni til handa vegna
meðferðar sem hún stendur í núna.
En við viljum auðvitað að allt
hvað varðar húsnæði þeirra og
heimili sé áfram öruggt og er það
niðurneglt innan samningsins.“
Eins og kom fram í fréttum
Bændablaðsins 10. febrúar síðast-
liðinn, hefur alltaf verið í um-
ræðunni að samningurinn sé tvö ár
í senn. Er staðan þannig enn þá?
„Jú, það kemur því fram í
samningnum að við getum byrjað
viðræður vegna endurnýjunar hans,
hálfu ári áður en hann rennur út.
Nú eru sveitarstjórnarkosningar
þann 14. maí, oddvitinn að hætta
og því uppstokkun yfirvofandi.
Það er vonandi að nýr oddviti verði
jákvæður í okkar garð þegar kemur að
endurnýjun eftir tvö ár, en við erum
bara bjartsýn. Svo viljum við hvetja
sem flesta til að koma og kynnast
leikfélaginu, en fyrir utan kristileg
samtök er áhugaleikstarf eina starfið –
einu félagasamtökin sem eru ókeypis
og allir velkomnir. Félagsstarf kostar
nefnilega – ef farið er í íþróttir t.d.,
en áhugaleikhúsið er ókeypis og opið
öllum,“ endurtekur Jóhanna sem
hlakkar til að takast á við komandi
mánuði og vill hvetja fólk til að
hafa samband ef áhugi er fyrir að
nýta sér húsið – nú eða ganga til liðs
við leikfélagið.
Innsk. blm.
- Almenn ánægja ríkir hjá
Freyvangsfólki, sérstaklega með
tilliti til þess að er samningaviðræður
hófust fyrir nokkrum mánuðum
var stefnan sú að leikhúsfólk yrði
annaðhvort að kaupa húsnæðið
með 65 m króna verðmiða ella
hverfa frá. Greint hefur verið frá
því að samningurinn sé liður í
undirbúningi sveitarfélagsins er
kemur að fjárfestingu viðbyggingar
við Hrafnagilsskóla, en með honum
dregur sveitarfélagið úr umsýslu í
kringum eignina sem þá fer yfir á
aðstandendur Freyvangs.
- Sveitarstjórnarkosningar eru í
vændum og því ekki seinna vænna
en að ganga vel frá málum er varða
rótgróin málefni sveitarinnar.
- Ekki hefur eignarhluti hússins
enn verið negldur niður og því var
gerður rekstrarleigusamningur í stað
almenns leigusamnings. /SP
Sverðin slíðruð fyrir sveitarstjórnarkosningar – Freyvangsleikhúsið:
Rekstrarleigusamningur undirritaður
Jóhanna Sigurbjörg Ingólfsdóttir, formaður Freyvangsleikhússins, og Finnur Yngvi Kristinsson, sveitarstjóri í
Eyjafjarðarsveit, takast kumpánlega í hendur og horfur eru fyrir ánægjulegri samvinnu næstu árin. Mynd / Aðsend
Fyrir þá sem
eiga leið til
Lundúna er fátt
skemmtilegra en
að hlæja svolítið,
sérstaklega ef
rigningarsuddi er
úti eða grátt yfir.
Hér eru tillögur
að sýningum sem
eru tilvaldar til
hressingar.
1. Margir þekkja
teiknimyndaþættina
South Park, skrifaða
af höfundunum Trey
Parker og Matt Stone. Þeir
standa nú fyrir söngleiknum
„Mormónsbók / Book of Mormon“
í Prince of Wales leikhúsinu nálægt
Leicester Square og fjallar um tvo
mormónatrúboða sem sendir voru
til hættulegs þorps í Úganda. Mælt
er með því að kynna sér húmor
höfundanna áður en miðakaup fara
fram en hann þykir bæði svartur
og oft óviðeigandi en jafnframt
sprenghlægilegur. Söngleikurinn
hefur þó hlotið Tony verðlaunin
þannig þarna er um einhvern
gimstein að ræða.
2. The Cornley Drama Society
setur upp morðgátu frá 1920 í
Duchess leikhúsinu, er kallast
„Leikritið sem fer
miður vel“, eða
„The Play That
Goes Wrong“.
Eins og titillinn
gefur til kynna fer
ekki allt eins og það
á að fara og hefur
leikþátturinn hlotið
lof fyrir mikinn
hlátur áhorfenda sem
drukknar í ringulreið
og bráðfyndnum
atriðum leikaranna.
3. Önnur sýning
með svipuðu nafni fer
fram í Appollo leikhúsinu
nálægt Piccadilly Circus en hún
kallast „Töfrar sem fara illa“,
eða á frummálinu „Magic Goes
Wrong“. Þetta er sýning sem sett
var saman af töframönnunum
alræmdu Penn & Teller og fjallar
um ógæfulega klíku töframanna
sem reyna að heilla áhorfendur á
góðgerðarviðburði. Penn & Teller
eru nokkuð þekkt nöfn í geiranum
og allir sem hafa séð verk þeirra vita
að best er að búast við hinu óvænta –
enda er það eina sem er alveg öruggt
að allt verður vitlaust!
Miða er hægt að finna í
leikhúsunum eða á vefsíðunni www.
visitlondon.com. /SP
Lundúnaborg:
Tilefni hláturs