Bændablaðið - 12.05.2022, Page 44
Bændablaðið | Fimmtudagur 12. maí 202244
UTAN ÚR HEIMI
Undanfarnar vikur hafa borist
fregnir af því að rússneskir
hermenn fari ránshendi um
hernumin svæði í Úkraínu.
Hafi þeir m.a. stolið landbúnaðar-
tækjum, korni og jafnvel byggingar-
efni. En stórtækur þjófnaður á
verðmætum landbúnaðartækjum
endaði vandræðalega á dögunum.
Fréttastöðin CNN birti frétt
þess efnis að John Deere búnaður
hafi verið fjarlægður frá umboðinu
Agrotek í Melitopol, sem hefur
verið hernumið af Rússum síðan í
mars. Þýfið er metið á um 5 milljónir
bandaríkjadala, þar á meðal voru
tvær kornþreskivélar sem kosta um
300.000 dollara hver en samtals var
um að ræða 27 búvélar.
Vélarnar voru fluttar með
herflutningabílum af svæðunum.
Á meðan hluti vélanna var fluttur
til nærliggjandi þorps fóru aðrar í
langt ferðalag til sjálfstjórnarríkisins
Téténíu um 1.130 kílómetra leið.
Hátæknibúnaður landbúnaðarvéla er
orðinn slíkur að hægt var að fylgjast
með ferð vélanna með innbyggðum
staðsetningarkerfum alla leið til
þorpsins Zakhan Yurt.
Kornþreskivélarnar sem ferjaðar
voru til Téténíu bjuggu einnig
yfir fjarstýribúnaði. Haft er eftir
viðmælanda að þegar hermennirnir
ætluðu að nota vélarnar á leiðarenda
gátu þeir ekki einu sinni ræst þær, því
þær höfðu verið fjarlæstar.
Vélarnar sitja því sem fastast
og ónotaður en líklegt þykir að
ræningjarnir geti komið búnaðinum
í verð sem varahlutir.
Samkvæmt fregn CNN mun
þjófnaðurinn líka hafa náð til stórra
kornbirgða sem geymd voru í sílóum
á svæði sem framleiðir mörg hundruð
þúsund tonn af korni á ári sem
hafa verið flutt til Krímskaga með
herflutningum. /ghp
Af vettvangi stríðsátaka:
Fjarlæsingarbúnaður aftrar
rússneskum þjófum
Eftir að hafa verið flutt um 1.000 km leið gátu þjófarnir ekki ræst þýfið,
kornþreskivélar frá John Deere, vegna þess að þeim hafði verið fjarlæst.
Mynd / Darla Hueske
Ríkisstjóri Bellinghamborgar í
Washingtonríki Bandaríkjanna,
Jay Inslee, hefur gefið út neyðar
tilskipun vegna ágengrar tegundar
krabba, carcinus maenas, eða
bogkrabba.
Hefur bogkrabbinn fjölgað
sér allverulega á svæðum á borð
við Makah Bay, Grays Harbor og
Willapa Bay auk þess að hafa tekið
yfir saltvatnstjörn á landsvæði
Lummi ættbálks indíána sem ræður
yfir nyrðri hluta ríkisins. Þegar í
nóvember síðastliðnum lýsti ráð
ættbálksins yfir neyðarástandi vegna
málsins og hafa verkefnahópar
í kjölfar yfirlýsingarinnar þegar
handsamað um 70.000 bogkrabba
og fjarlægt þá úr tjörninni – en þeir
hafa síaukist síðan árið 2019. Þetta
kemur fram á vefsíðu Seattle Times
en neyðartilskipun ríkisstjórans var
gefin út í viðleitni til að uppræta
ágengar ráðandi tegundir sem gætu
með því að taka sér fastan bólstað,
skaðað tegundir í útrýmingarhættu,
í kjölfarið undið upp á sig og
haft skaðvænleg áhrif á auðlindir
Washingtonríkis.
Kortleggja þarf
yfirráðasvæði krabbans
Neyðartilskipunin beinir tilmælum
til umhverfisráðuneytis ríkisins að
nýta það fjármagn sem er til staðar og
setja í forgang neyðarráðstafanir er
eiga að taka til málsins. Einnig hefur
tilmælum verið beint á fleiri stöðvar
ráðuneyta láðs og landverndar, sem
hafa nú sett málið í athugun. Ætlunin
er að kortleggja betur núverandi
yfirráðasvæði krabbans og hvaða
leiðum er hægt að beita til að draga
úr framgangi hans.
„Ágeng framandi tegund“
Bogkrabbinn, stundum kallaður
strandkrabbi, hefur mikla
aðlögunarhæfni, er talinn það sem
kallast ágeng framandi tegund*
og veldur usla og eyðileggingu á
vistkerfum sjávar og árósa nálægt
ströndinni. Krabbategundin, sem
kallast á ensku „European green
crab“, er grænleit, smávaxin
krabbategund sem er algeng við
Íslandsstrendur en hann finnst
yfirleitt á grunnsævi og þolir vel
bæði hita- og seltusveiflur. Prýðir
annars einmitt fimmtíu króna pening
okkar Íslendinga.
Samkvæmt vefsíðu, er safnar
saman upplýsingum varðandi
ágengar framandi tegundir
á heimsvísu, kemur fram að
bogkrabbinn er á lista yfir 100
hættulegustu aðkomudýr sem geta
náð fótfestu í öðrum löndum en
útbreiðsla hans er á ýmsa vegu,
til dæmis með kjölvatni skipa,
pakkningum og hráefni til fiskeldis.
Bogkrabbinn hefur ekki komist á
svartan lista hérlendis, en þar trónar
frændi hans grjótkrabbinn, sem í
dag þekur um 70% af strandlengju
Íslands, og hefur að nokkru leyti
hrakið bog- og trjónukrabba frá
beitilöndum. Bog- og trjónukrabbi,
auk grjótkrabbans hafa þó allir
komist í fréttir, m.a. vegna þess hve
stórir stofnar þeirra eru, en nú virðist
sem trjónukrabbinn finnist í mun
minna mæli sunnarlega við Ísland
og virðist vera frekar á undanhaldi
eða að færa sig norðar. Þó var
sú tegund víða þekkt hérlendis í
gríðarlegu magni áður. Bogkrabbinn
hins vegar er enn mjög algengur við
suðurströnd Íslands en hefur einnig
nýlega fundist í kaldari sjó við
norðurströndina. /SP
*Ágengar (framandi) tegundir
eru þær sem valda neikvæðum
áhrifum á aðrar tegundir svo
og náttúru, ógn við líffræðilega
fjölbreytni. Oftast innfluttar á einn
eða annan hátt. (framandi).
Washingtonríki:
Bogkrabbar taka yfir
←
←
←
Á kortinu má sjá Washingtonríki, borgina Bellingham, svæði Lummi
ættbálksins, Grays Harbor og Willapa og Makah Bay flóana.
Bogkrabbinn grænleiti, tákn íslenskra fimmtíu króna peninga. Mynd / Kelly Martin.
Verslanamiðstöð nokkur, Global
Harbour, í Sjanghæ brá á það
ráð á dögunum að kynna til leiks
svokölluð „geymsluhólf fyrir
eiginmenn“.
Þarna telja aðstandendur
verslanamiðstöðvarinnar sig
vera að koma til móts við þá
karlmenn sem ekki hafa næga
þolinmæði til að fylgja konum
sínum eftir í verslunarleiðöngrum.
Geymsluhólfin gegnsæju eru útbúin
sjónvarpsskjáum, leðurnuddstólum
og leikjatölvum, þ.e.a.s. ætluð til að
hafa ofan af fyrir þeim seinheppnu
eiginmönnum og kærustum sem
neyðst hafa til að stíga fæti inn fyrir
dyr miðstöðvarinnar – nú eða þeim
sem eru algerlega komnir með nóg.
Áhugavert er að þarna er
sérstaklega tekið til þjáninga þeirra
karlmanna er elta eiginkonur sínar
og geymsluhólfin sérmerkt örmagna
eiginmönnnum.
Ekki fylgir sögunni hvort svipuð
hólf séu útbúin fyrir kvenpeninginn,
þá ef til vill með annarri skemmtan
eða notalegheitum, en víst er að
margur maðurinn hefur glaðst eins
og sjá má á meðfylgjandi mynd hér
að ofan.
Aðstandendur Global Harbour
eru ánægðir með framtakið og
segjast þess vissir að nú muni enn
fleiri karlmenn vera opnir fyrir
„sameiginlegum“ verslunarferðum
með frúm sínum, vitandi það að hægt
er að setja þá í geymsluhólf þegar þeir
eru orðnir uppgefnir. Spennandi. /SP
Sjanghæ, Kína:
Geymsluhólf sérhönnuð fyrir örmagna karlmenn
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
STARTARAR
gerðir dráttarvéla
á bbl.is og líka á Facebook
Smáauglýsingar 56-30-300