Skessuhorn - 15.12.2021, Qupperneq 89

MIÐVIKUDAGUR 15. DESEMBER 2021 89
Við sendum viðskiptavinum okkar nær og fjær hugheilar jóla- og
nýárskveðjur. Þökkum fyrir viðskiptin á liðnum árum og áratugum.
Um leið og við þökkum fyrir okkur þá óskum við nýjum eigendum
velfarnaðar á komandi árum.
Jólakveðja Óli og Maggi
Mexíkó, rétt norður af Mexíkóborg.
Við keyrðum í gegnum borgina, sem
er geggjuð, og aftur út úr henni og
upp í fjöllin. Þar fórum við í gegn-
um pínulítið þorp og aftur út í sveit
þar sem hann svo stoppar á stað þar
sem ég sá engin ljós, engin hús eða
neitt. Á þeim tímapunkti hugsa ég
með mér að kannski ég sé aðeins of
trúgjarn Íslendingur sem treysti of
vel,“ segir Alexandra og hlær. „En
ég elti hann upp smá brekku og þá
sá ég lítið krúttlegt hús í skóginum.
Þar var allt í drasli og fullt af alls-
konar galdramunum og plöntum.
Ég var þarna hjá honum í nokkra
mánuði að læra allt um plöntur og
hvað þær geta gert. Ég fór með
honum í nokkur afskekkt samfélög
að hjálpa fólki að nýta jurtir og það
sem finnst í umhverfinu þeirra til
að lækna sig og búa til afurðir til að
selja á mörkuðum og afla tekna, gera
samfélögin aðeins sjálfbærari,“ segir
Alexandra.
Mexíkó hættulegt
Í Mexíkó kynntist Alexandra Al-
exis og varð síðar ófrísk og ákváðu
þau þá að flytja heim til Íslands árið
2015. Alexandra og Alexis hafa ver-
ið með annan fótinn hér á Íslandi og
hinn í Mexíkó síðustu ár. Aðspurð
segir Alexandra dásamlegt að búa í
Mexíkó. „Ég elska þessa menningu
en í Mexíkó er mjög ríkt að halda í
gamlar hefðir. Þar er mikil áhersla
á heilun og heilunarmátt og alls-
konar galdra, sem ég hef svo gam-
an að. Fólk í Mexíkó tekur alltaf vel
á móti gestum og það eru allir svo
opnir. Vissulega er karlaveldið mjög
ríkjandi í landinu og konurnar sjá að
mestu um heimilin, en þetta er að
breytast,“ segir Alexandra og bætir
því við að í Mexíkó getur raunveru-
lega verið hættulegt að mótmæla
stjórnmálamönnum og ríkjandi
stöðu í landinu. „Blaðamannastarf-
ið er til dæmis hættulegt og það eru
alveg dæmi um að fólk hverfi sem
hefur ekki vinsælar skoðanir,“ seg-
ir hún. „En í hversdagslífinu fann
ég aldrei fyrir þessu en ég heyrði af
svona hlutum. En með nýja forset-
anum er þetta aðeins að breytast.
Hann hefur verið að taka á þessari
miklu spillingu,“ segir Alexandra.
Ævintýri í Mjóafirði
Fyrstu árin á Íslandi bjuggu Al-
exandra og Alexis í Reykjavík en
ákváðu haustið 2020 að flytja austur
í Mjóafjörð að vinna. „Það bjuggu
ellefu manns þar og vegurinn var
lokaður nær alla þessa átta mánuði
sem við vorum fyrir austan. En það
var bátur sem fór tvisvar í viku á
Norðfjörð og við vorum að vinna
á þeim bát. Við gátum nýtt þess-
ar ferðir til að versla og svona,“ út-
skýrir Alexandra. Spurð hvers vegna
þau ákváðu að flytja í Mjóafjörð seg-
ir hún þau hafa verið að leita sér að
nýju ævintýri og séð auglýsingu í
Bændablaðinu þar sem leitað var að
hjónum í vinnu. „Okkur fannst þetta
tilvalið tækifæri að prófa eitthvað al-
veg nýtt og safna smá pening. Við
vorum líka að vinna við veiðar og
að verka fisk. Þá skiptumst við á að
fara í dagstúra með öðrum manni.
Okkur þótti ótrúlega áhugavert að
fara á sjó og langaði að prófa en ég
mun aldrei gera þetta aftur. Þetta
var klárlega ekki það skemmtileg-
asta sem ég hef gert og erfitt að vera
svona úti á sjó. En það er mikil nú-
vitund í því, svo við horfum á góðu
hliðarnar,“ segir hún. „En við lærð-
um heilmikið, bæði á einverunni og
svo fjölmörg handbrögð sem munu
eflaust nýtast vel í gegnum lífið.“
Selur náttúruleg krem
og snyrtivörur
„Þegar Mjóafjarðarævintýrið var
búið fór ég að kalla eftir næsta
tækifæri og þá komum við hingað
í Grundarfjörð að reka þetta gisti-
heimili. Okkur þykir gott að vera
úti á landi en Mjóifjörður var að-
eins of lítill og einangraður fyr-
ir okkur. Grundarfjörður er að-
eins nær Reykjavík og svo er Snæ-
fellsnesið svo fallegt,“ segir Alex-
andra. Spurð hvernig það hafi ver-
ið að taka við rekstri gistiheimilis í
miðjum heimsfaraldri segir hún þau
ekki hafa fundið sérstaklega fyrir
því. „Það voru allir búnir að gleyma
covid í sumar og það var alveg sturl-
að að gera. Það er fyrst núna sem
það er að róast eitthvað,“ svar-
ar hún. Auk reksturs gistiheimilis-
ins er Alexandra að búa til og selja
náttúrulegar vörur sem hún gerir
úr plöntum frá Íslandi og Mexíkó.
„Þessi hugmynd fæddist þegar
ég bjó hjá gamla í Mexíkó,“ segir
hún. Alexandra gerir allt frá vörtu-
kremi til kinnalitar. Hún hefur ver-
ið að selja vörurnar á mörkuðum
í Reykjavík en nú eru þær komn-
ar í sölu hjá Græna Kompaníinu í
Grundarfirði. Þá er einnig hægt
að hafa samband við Alexöndru á
Instagram til að kaupa hjá henni
vörur, en þar er hægt að finna hana
undir nafninu La_brujeria_.
arg/ Ljósm. aðsendar
Vörur sem Alexandra gerir úr íslenskum og mexíkóskum jurtum eru nú til sölu í
Græna kompaníinu í Grundarfirði. Ljósm. Lilja Magnúsdóttir.
Alexandra að búa til súkkulaði úr kakóbaunum.
Alexandra á ferðalagi um Guatemala.
Hugheilar óskir um gleðileg jól og
farsælt komandi ár.
Þökkum öflugan stuðning í
Alþingiskosningunum í haust og væntum
góðs samstarfs á nýju ári.

Stefán Vagn, Lilja Rannveig og Halla Signý
Þingmenn Framsóknar í Norðvestur kjördæmi
SK
ES
SU
H
O
R
N
2
02
1