Skessuhorn - 15.12.2021, Blaðsíða 44

MIÐVIKUDAGUR 15. DESEMBER 202144
Fréttaannáll ársins 2021 í máli og myndum
Laxveiðin hefur verið betri
Það hefur oft veiðst betur í landshlutanum en þetta laxveiði-
ár. Laxinn var víða tregur að taka agn veiðimanna í sumar og
virtist hreinlega áhugalaus. Þó voru nokkrar ár sem bættu sig
milli ára og töluvert var af fiski víða. Þegar árið var gert upp
reyndist laxveiði þessa árs 20% minni en í meðalári.
LazyTown studio í Borgarnesi
Um miðjan október var haldinn kynningarfundur um upp-
byggingu LazyTown studios í Borgarnesi. Verkefnið
LazyTown studio er í stuttu máli skilgreint sem upplifunar-
setur heilsu og hollustu í anda þess boðskapar sem þættirnir
um Latabæ boðuðu. Viðskiptahugmyndin byggist á að byggja
upp ferðaþjónustustað þar sem lögð verður áhersla á afþr-
eyingu og upplifun í formi þema um Latabæ og viðburðaset-
urs, en auk þess veitingasölu. Sú staðsetning sem nú er horft
til er Digranesgata 4 og 4a í Borgarnesi þar sem veitingastað-
urinn Food Station er nú en auk þess á samliggjandi óbyggðri
lóð sem nær að Arion bankahúsinu, eða væntanlegu Ráðhúsi
Borgarbyggðar og jafnvel upp á klettinn milli húsanna.
Hryllingur á hrekkjavöku
Hrekkjavaka nýtur ört vaxandi vinsælda hér á landi og var
hún haldin hátíðleg víða í landshlutanum. Börn gengu milli
húsa klædd upp sem allskyns furðuverur og fylltu poka af sæl-
gæti. Á Akranesi var sett upp hryllingsvölundarhús þar sem
uppvakningar og draugar tóku á móti gestum - sem þangað
þorðu.
Skólastofur á ferð
Í byrjun nóvember ók bílalest með færanlegar kennslustof-
ur í gegnum Akranes þar sem þær voru svo settar upp á lóð
Grundaskóla. Er þeim ætlað að mæta vaxandi fjölda nemenda
auk þess sem hluti skólahússins er nú í endurbyggingu.
Varð Norðurlandameistari í karate
Kristrún Bára Guðjóns-
dóttir hjá Karatefélagi
Akraness varð Norður-
landameistari í hópkara-
te ásamt þeim Móeyju
Maríu Sigurjónsdóttur
McCure frá Breiðabliki
og Freyju Stígsdóttur
frá Þórshamri. Mótið
var haldið í Stavan-
ger í Noregi í lok nóv-
ember en Ísland hefur
einu sinni áður unnið til
Norðurlandameistara-
titils í liðakeppni en það
var árið 2012.
Kosið var til Alþingis
Landsmenn gengu að kjörborðinu laugardaginn 25. septem-
ber til að velja alþingismenn fyrir komandi kjörtímabil. Fyrri
talningu atkvæða í Norðvesturkjördæmi lauk á sunnudags-
morgni en þegar leið á daginn kom í ljós skekkja sem leiddi
til þess að ákveðið var að telja öll atkvæði í kjördæminu aft-
ur. Breyttust tölur nóg til að jöfnunarþingsæti fóru á flakk um
allt land og hafði það áhrif á tíu manns; fimm sem misstu sín
sæti á þingi og fimm sem komust inn í stað þeirra. Þegar nán-
ar var skoðað kom í ljós að meðferð kjörgagna hafði ekki ver-
ið eins og lög gera ráð fyrir þegar þau voru skilin eftir óinn-
sigluð í ólæstum sal á Hótel Borgarnesi á milli fyrri og seinni
talningar. Málinu lauk á þingi í nóvember þegar 42 alþingis-
menn kusu gild kjörbréf þeirra þingmanna sem fengu sæti
samkvæmt niðurstöðu síðari talningar í NV kjördæmi.
Slökkvilið Borgarbyggðar æfði sig
Í október fékk Slökkvilið Borgarbyggðar kærkomið tækifæri
til æfingar. Sótt hafði verið um leyfi fyrir niðurrifi á gömlu
húsi sem stóð í Galtarholtslandi og var ákveðið að kveikja eld
og leyfa slökkviliðsmönnum að spreyta sig. Við slíkt tæki-
færi er einnig upplagt að taka góða hópmynd en meðfylgjandi
mynd tók Rolando Diaz sem jafnframt er lengst til vinstri á
mynd.