Ljósmæðrablaðið - 01.12.2021, Blaðsíða 45

45LJÓSMÆÐRABLAÐIÐ - DESEMBER 2021
V I Ð TA L
BRJÓSTALEIKFIMI
Í föstum þætti Hugleiðing ljósmóður sem blaðið endar oftast á,
fjallar Anna Guðný Hallgrímsdóttir ljósmóðir um reynslu sína af
erfiðleikum við brjóstagjöf og því hvernig brjóstagjafarráðgjöf
hjálpaði henni þegar ekkert gekk með að framleiða brjóstamjólk.
Hún fékk þá góð ný ráð um brjóstaleikfimi frá Huldu Sigurlínu
Þórðardóttir brjóstagafaráðgjafa sem hjálpuðu henni og syni hennar.
Síðustu áratugi hefur áherslan gjarnan verið á að snerta brjóstin
sem minnst og handmjólkun nánast verið úr sögunni. Þess vegna er
gaman að velta fyrir sér hvernig þessi brjóstaleikfimi, vinding eða
nudd virkar. Önnu Guðnýju var næst að hringja í Huldu Línu - og
við í ritnefndinni höfðum samband í fjarfundi og fengum að vita
meira og heyra hvernig þetta ráð er dæmi um þegar brjóstagjafaráð-
gjafi leitar nýrra leiða, endurmenntar sig og bætir við sig ráðum fyrir
konur með barn á brjósti.
BRJÓSTALEIKFIMI, HVAÐ ER ÞAÐ?
„Það var árið 2018 sem ég fór að leita að námskeiðum um
hvernig hægt væri að nudda brjóst þannig að þau störfuðu betur. Í
nokkur ár hafði ég notað sogæðanudd við bjúg, stíflum, sýkingum
og verkjum í brjósti með góðum árangri en langaði að læra meira.
Ég hafði lesið um japanskt brjóstanudd sem kallað er Oketani og
yfir þeirri aðferð hvílir mikil leynd og eftir því sem ég komst næst
er það um eins árs nám, í Japan. Það hentaði mér ekki þannig að
ég hélt leitinni áfram.
Svo var það síðla árs 2019 að Google fann námskeið handa
mér. Vinnusmiðja á vegum Félags brjóstagjafaráðgjafa í New York
dúkkaði upp á facebook. Þetta var námskeið um brjóstanudd og
handmjólkun, kennt af Rússneskum brjóstagjafaráðgjöfum, önnur
hafði búið í Bandaríkjunum í 30 ár, hin býr í Moskvu en hún er
með verkfræði sem bakgrunn og var meðal annars með áhuga-
verðar og verkfræðilegar pælingar um stellingar og tak barnsins
á brjóstinu“ (NYLCA’s 2020 Workshop “The Art of Therapeutic
Breast Massage and The Mindful Latch” with Maya Bolman, BA,
BSN, IBCLC and Tatiana Kondrashova, MA, IBCLC).
„Það sem ég tók með mér úr námskeiðinu og hægt er að kenna
öllum er brjóstaleikfimin sem örvar sogæðakerfið og er eins
konar brjóstanudd. Hugmyndafræðin sem býr að baki er að koma
meiri hreyfingu á sogæðavökva, hvernig nota má eigið sogæða-
kerfi til að létta á bjúg og þrýstingi í brjóstum. Þrýstingurinn
sem oft verður í brjóstum er ekki endilega vegna mjólkurfram-
leiðslu heldur vegna bjúgs, sérstaklega í upphafi brjóstagjafar“.
Hér má sjá kennslumyndband https://www.facebook.com/
watch/?v=514997092534695.
„Þessi brjóstaleikfimi og sogæðanudd er eitt af stærstu verkfær-
unum sem ég hef fengið í hendurnar síðan ég byrjaði sem brjósta-
gjafaráðgjafi fyrir 13 árum og ég hef einnig dæmisögu um konu
sem ekki beinlínis gerði brjóstaleikfimina heldur nuddaði eitlana
í sogæðakerfinu í kringum brjóstin. Brjóstaleikfimin er einfaldari
leið til að gera einmitt það. Þessi kona hafði alltaf verki í brjósta-
gjöfinni með fyrra barn sem ollu því að hún var ekki viss um hvort
hún lagði í brjóstagjöf á ný. Þegar barnið var 3 mánaða var það
enn á brjósti og hún þurfti að gera þetta nudd á 2-3 daga fresti til
að vera verkjalaus. Þessi kona hefur gefið mér leyfi til að segja
þetta hverjum sem er, því í raun hafði hún enga trú á því að þetta
virkaði, en það gerði það“.
Í máli Huldu Línu kom einnig fram sú tilgáta að brjóstaleikfimin
væri í raun góð fyrir brjóst kvenna á öllum aldri til að halda þeim
heilbrigðum. Hreyfing er góð fyrir heilsuna, fyrir allan líkamann, þar
með talið brjóstin.
Hulda Lína kennir um brjóstaleikfimi á ráðstefnunni Brjóstagjöf í núinu.