Bændablaðið - 08.09.2022, Blaðsíða 7

7Bændablaðið | Fimmtudagur 8. september 2022
LÍF&STARF
Á stundum virðist vanta væntumþykju
og ást í samfélag okkar, færri
eldheitar ástarvísur ortar, allavega
sjást þær varla á prenti. Man ekki til þess
að hafa séð í öllum þeim straumi órímaðra
ljóðabóka neitt sem hitar hjartarætur. Því
skulum við lesendur setjast um stund með
Páli Ólafssyni (1827-1905). Páll var
tvíkvæntur, átti fyrst Þórunni Pálsdóttur, en
eftir að hún lést fastnaði hann sér Ragnhildi
Björnsdóttur. Til hennar orti hann mikið
safn ástarvísna:
Þinn að komast fljótt á fund
finn ég vantar þróttinn.
Af fögnuði engan festi blund,
fjarska löng er nóttin.
Þó munt varla þreytu sjá
þú á svipnum mínum,
hlaupirðu upp um hálsinn á
honum Páli þínum.
Nú er klukkan næstum fimm,
nú er mál að vakna og skrifa.
Nú er ekki nóttin dimm.
Nú er gott að elska og skrifa.
Ógn ert þú mér orðin kær,
ástin greiðir sporin,
eins og þegar óðast grær
og allt er að lifna á vorin.
Að eignast þig, mín ástarrós,
er mér heilsusnauðum
eins og væri látið ljós
loga hjá mér dauðum.
Engan koss ég frá þér fæ
fyrir vísur mínar,
svona ertu sí og æ
sár á varir þínar.
Ósköp er nú sálin sjúk,
samt um kaldan vetur,
hennar hvorki frost né fjúk
ferðir hindrað getur.
Löngum hefur lesendur glatt hvað mest,
vísur ortar undir nokkurs konar „rótarhætti“,
fullkomlega andstætt við ástarvísur. Því skal
ögn jafna við ofangreindar vísur. Maður
nokkur orti vísu undir „stuttstafahætti“.
Jakob Thorarensen orti af því tilefni:
Betur, lasm, þú lúta mátt
listarkröfum brýnum:
Depil hafa engan átt
yfir stöfum þínum.
Steinbjörn Jónsson frá Háafelli orti svo
um lítilmenni nokkurt:
Sumra manna mynd er smá,
má þess greina vottinn:
Þú ert grannur gróður á
grunnum akri sprottinn.
Prestar hafa gegnum tíðina fengið yfir sig
beittar ádrepur. Jón S. Bergmann orti:
Það er eins og andleg pest
eyrum gegnum skríði,
þegar ég á pokaprest
predikandi hlýði.
Glópskan ristir glöpin þungt,
græna kvisti heggur,
þar sem listaeðlið ungt
örbirgð kistuleggur.
Ludvig R. Kemp orti svo um ónefndan:
Enginn veit um aldur hans,
inn um gættir hríðar,
enda var hann andskotans
ólán fyrr og síðar.
Svo að lokum ein undur fögur vísa, sem
Friðjón Ólafsson orti til Rósbergs S.
Snædal:
Rósberg slyngur kveða kann,
kætir, yngir muna.
Enginn þvingar eins og hann
orð í hringhenduna.
Umsjón:
Árni Geirhjörtur Jónsson
kotabyggd1@gmail.com
304MÆLT AF
MUNNI FRAM
Fjólublátt blómkál þykir eilítið sætara en það hefðbundna.
Halla í Gróðri seldi sellerí, tómata og blómkál í bílförmum.
Myndir / ghp
Margt var um manninn á uppskeruhátíðinni Matarkistunni í Hruna-
mannahreppi laugardaginn 3. september.
Bændur og fyrirtæki buðu heim, hægt var að fræðast um fjölbreytta
framleiðslu og starfsemi Hrunamanna. Í félagsheimilinu fór fram markaður
með matvælum og handverki. Nóg var af uppákomum, s.s. golfmót, leikir
og list. Uppskera garðyrkjubænda var að vonum áberandi enda uppskera
hinna ýmsu grænmetistegunda í hámarki. Hér eru svipmyndir frá hátíðinni.
/ghp
Matarhandverk sveitunga naut sín á markaðnum.
Nýuppteknar gulrætur runnu út enda afar girnilegar.
Húsfyllir var í félagsheimilinu á Flúðum þar sem hægt var að næla sér í handverk,
listir og ýmislegt góðgæti.
Birgir Guðjónsson á Melum og Björgvin Þór Harðarson
hjá Korngrís í Laxárdal höfðu í nógu að snúast í Litlu
bændabúðinni. Björgvin bauð upp á kæfu og Birgir, sem
rekur búðina, hafði ekki undan að fylla á vörur enda röð
út úr dyrum.
Nýbornir kálfar á Bryðjuholti heilluðu.
Uppskeruhátíð í Hrunamannahreppi:
Matarkista uppsveita