Bændablaðið - 08.09.2022, Blaðsíða 31

31Bændablaðið | Fimmtudagur 8. september 2022
Þetta er ekki verri tilgáta en
hver önnur, segir hann brosandi.
Svo nær jakkinn ekki lengra niður
en á miðjan rass. Tilgangurinn með
því er sjálfsagt sá að ekki væri setið
á jakkanum við reiðar. Ermar jakkans
eru að sama skapi ekki beinar heldur
koma í boga og auðvelda þannig
þeim sem ber hann að halda í beisli
og stjórna hesti. Þetta eru kannski
mest pælingar hjá sjálfum mér, að
minnsta kosti þetta með að geta
hneppt yfir blettina.
En það er gaman að spá í þetta
allt saman og svakalega gaman á
námskeiðinu þó ég leggi það ef til
vill ekki fyrir mig að standa í svona
miklum saumaskap aftur.“
Ebenezer þverneitar því að áhugi
á saumaskap hafi alltaf verið til staðar
og segir áhugamálið ekki ævilangt þó
skemmtilegt sé. Þó dunda þau hjónin
sér við sauma á bútasaumsteppum
fyrir barnabörnin. Dagbjört setur
saman og saumar, Ebenezer sker
efnið, straujar og situr svo við að
brydda til móts við Dagbjörtu og
hafa gaman af.
Snúið og skorið
Burtséð frá hannyrðum er Ebenezer
iðinn við rennismíði og leigir,
ásamt félögum sínum, húsnæði í
Hafnarfirði undir nafninu Snúið
og skorið.
Þar eru þeir með rennibekki en
eina konan í hópnum kýs frekar að
skera út. Húsnæðinu hafa þau skipt í
bása þar sem hver er með sitt svæði
og gengur sambúðin vel, enda komin
alls tíu ár frá því að því var komið
á laggirnar.
„Þegar við byrjuðum á þessu
var fólk nú tortryggið á að svona
básavinna gæti gengið en nú er
komið annað hljóð í strokkinn.
Við erum með sameiginlegar vélar
sem einhverjir tveir, þrír eiga, auk
kaffistofu og það gæti ekki verið
betra. Allir með eigið pláss, geta
verið í sínu en einnig rabbað við
næsta mann ef svo ber undir.
Við hittumst einu sinni í mánuði
fast, þá helst allir, en annars er
hver með sinn lykil og við komum
og förum að vild, hvenær sem er
sólarhringsins – sem er náttúrlega
alger snilld og hentar öllum. Svo
skiptum við leigunni auðvitað
bróðurlega á milli okkar,“ lýkur
Ebenezer Bárðarson orði sínu.
HÚMAR AÐ HAUSTI
Rekstrargangur & fjárvogir
*Öll verð eru með vsk.
Rekstrargangurinn er galvaniseraður og samanstendur af:
1 fellihlið - 1 flokkunarhlið - 1 tengirammi - 6 tengipinnar
4 stk. 2500mm hliðgrindur
Verð: 234.900,-
Öll hjólin eru með beinni innspýtingu, rafmagnstýri, spili, dráttarkrók, handahlífum, háu og lágu
drifi með læsingu. Vökvabremsum, álfelgum og eru tveggja manna traktorsskráð. Verð er með Vsk.
Nánari upplýsingar á www.nitro.is
CFMOTO 1000
2.690.000,-
CFMOTO fjórhjólin fást hjá okkur
CFMOTO 520
1.549.000,-
CFMOTO 450
1.459.000,-
Nitró - Urðarhvarfi 4 - 557 4848 - nitro.is
Fjölbreytt námskeið í handverki:
Aðsókn yngri kynslóðarinnar eykst
Á vefsíðu Heimilisiðnaðarfélagsins kemur fram að hlutverk félagsins
sé að vernda og efla þjóðlegan íslenskan heimilisiðnað og vekja áhuga
landsmanna á þjóðlegum menningararfi.
Innan félagsins er Heimilisiðnaðarskólinn sem stendur fyrir 80-90
námskeiðum árlega en félagið rekur einnig sérverslun með efni er
eiga við vinnslu ýmiss konar handverks, hvort heldur er viðkemur
þjóðbúningagerð, tóvinnu, litun, vefnaði eða öðru. Að auki má finna þar
ýmsar bækur tengdar handverki, ársrit félagsins og fleira áhugavert.
Samkvæmt heimildarmanni félagsins er stærstur hluti þeirra er sækja
námskeið eldri konur, en þó milli ára er nokkur aukning
í því að ungt fólk sýni áhuga. Hópur ungmenna
frá Þjóðdansafélaginu kom og saumaði sér
sauðskinnsskó ekki fyrir löngu og í raun má segja
að aðsókn yngra fólks á námskeiðin sé frekar í
vexti en hitt.
Hvað varðar aðra staði sem bjóða upp á kennslu
í íslensku handverki er Tækniskólinn, en þar má
meðal annars kynna sér víravirkisnámskeið.
Í samtali við Hörpu Kristjánsdóttir, kennara á
námskeiðinu, kemur fram að aðsóknin hafi
verið afar góð, fastagestirnir séu fólk í eldri
kantinum en þó eru fleiri og fleiri yngri sem
hafi áhuga á þessu öllu saman og mikil
aðsókn orðin megi segja.
Rétt er að geta þess að einn helsti
gullsmiður þjóðbúningaskarts hér á
landi, frú Dóra Jónsdóttir, benti á í viðtali
við Bændablaðið þann 24. febrúar sl. að
hún hafi um skeið verið nokkuð uggandi
er kom að áhuga fólks á gömlu íslensku
víraverki og smíði búningaskrauts. Í dag
væri þó öldin önnur.
„Það er skemmtilegt að segja frá því að
nú í dag hefur áhugi fólks á íslensku
búningaskrautsmíðinni aukist gífurlega en
ég var uggandi hér fyrir 10-15 árum. Þá lá við
að enginn hefði áhuga á að halda þessu við
eða læra. En nú eru breyttir tímar. Boðið er upp
á kynningu náms í víravirki í Tækniskólanum
en þar hef ég verið með ýmis námskeið.
Einhvern veginn hefur áhuginn alveg haldist
svo síðan. Fólk smíðar þá til dæmis myllusett.
Og manni finnst alltaf gaman þegar áhuginn
kviknar á gamla handverkinu og ég verð alltaf
svo fegin að upplifa að þetta er ekki alveg
að gleymast. Þetta er hluti af sögunni okkar.
Við megum ekki týna þessu.“
Ebenzer í fullum skrúða þjóð-
búningsins sem hann saumaði
sjálfur. Mynd / Heimilisiðnaðarfélagið
Hér má sjá dæmi um aðstöðu félaganna í Snúið og skorið, en þar er nóg
við að vera.