Bændablaðið - 08.09.2022, Blaðsíða 51
51Bændablaðið | Fimmtudagur 8. september 2022
REKI EHF ER STOLTUR UMBOÐSAÐILI DONALDSON
Á ÍSLANDI. EIGUM MIKIÐ ÚRVAL AF SÍUM Á LAGER.
Skemmuvegur 46
Sími: 562 2950 www.reki.is
200 KópavogurReki ehf
Netfang: elfar@reki.is, kris tinn@reki.is, tryggvi@reki.is
Varahlu�r í Bobcat
Í fyrrahaust var haldin fyrsta
ullarvikan á Suðurlandi. Þá var
heilli viku varið til að vinna með,
skoða og kenna á ull og vinnu
með hana.
Hátíðin var
haldin í tilefni
þess að handverks-
hópurinn í Þing-
borg hafði starfað
með ullarvörur
í 30 ár og komu
Spunasystur, Upp-
spuni og nokkrir
aðilar til viðbótar
að hátíðinni til að gera hana sem
veglegasta. Óhætt er að segja að
viðburðurinn vakti mikla athygli,
bæði hérlendis og eins utan
landsteinanna og því ætlum við að
endurtaka leikinn nú í október.
Af hverju er ull mikilvæg?
Sauðkindin hefur fætt okkur og
haldið á okkur hita frá landnámi
Íslands árið 874 eða í 1.148 ár.
Það eina sem almennilega virkar í
kulda og trekk er ull og þetta vitum
við Íslendingar enda erum við svo
ótrúlega heppin að hafa alltaf notað
ull og því kunnum við að meta
hana. Við klæðumst henni þegar við
vitum að við eigum kalda ferð fram
undan. Ullarfötum er pakkað með í
útileguna. Ullarföt fylgja náttfatnaði
þegar farið er til fjalla. Ullarteppi er
haft í bílnum þegar við ferðumst og
svo mætti lengi telja.
En íslenska ullin hefur í raun
ótalmarga eiginleika sem fólk kannski
áttar sig ekki alltaf á og við viljum
gjarnan leyfa fólki að kynnast henni
betur og þeirri dásamlegu skepnu sem
framleiðir hana; sauðkindinni. Ullin
er vatnsfráhrindandi, einangrandi,
lífræn, endurvinnanleg og
náttúrulega niðurbrjótanleg. Ullina
má nota í prjónaband, þæfingu,
vefnað, hekl, útsaum, til að lita, sem
áburð, einangrun, til uppgræðslu og
í sannleika sagt teljum við að enn
séu verkefni sem ullin gæti leyst, en
okkur hefur ekki dottið í hug enn þá
að beita henni til þess. Þegar síðan
ullin er fullnýtt og orðin gatslitin má
setja hana í endurvinnslutunnuna, því
hún jarðgerist á lífrænan hátt.
Ullin er magnað hráefni og til
svo margs nothæf. Þetta er ástæðan
fyrir því að við ætlum að halda aðra
viku íslensku ullinni til heiðurs á
Suðurlandi nú í október.
Hverjir halda Ullarvikuna?
Þeir sem koma að ullarvikunni eru
handverkshópar og framleiðendur
ullar, bændur og ræktendur. Þetta eru
fyrst og fremst, í öfugri stafrófsröð;
Þingborg, Uppspuni, Spunasystur,
Hespuhúsið og Feldfjárræktarfélagið
Feldfé. Þessir aðilar sjá um utanumhald
og skipulag en síðan koma fjölmargir
aðrir við sögu og bjóða upp á opin hús,
tilboð, kynningar, sýningar og fleira.
Þá er ekki síst að telja til sauð-
fjárbændur í Rangárvallasýslu og
Árnessýslu sem sumir ætla að opna
fjárhús sín og leyfa fólki að sjá fallegt,
litríkt og ullargott fé.
Hvað er um að vera
í Ullarvikunni?
Nákvæma dagskrá og staðsetningu
viðburða má finna á heimasíðunni
okkar; www.ullarvikan.is, og á
Facebook undir sama nafni, en í
grófum dráttum kemur ull og/eða
kind við sögu alla dagana. Flestar
uppákomur má finna sem viðburði
á Facebook og eru þeir útskýrðir
þar nákvæmlega.
Til að veita smá innsýn þá byrjar
hátíðin með degi sauðkindarinnar í
Rangárvallasýslu laugardaginn 1.
október þar sem lömb eru dæmd
og raðað eftir holdfyllingu ásamt
ýmsum öðrum atriðum. Síðan
fylgir hver dagurinn öðrum með
fjölbreyttum viðburðum, þar sem
litasýning sauðfjár opnar gleðina
í Árbæjarhjáleigu sunnudaginn 2.
október og síðan lýkur ullarvikunni
með markaði í félagsheimilinu við
Þingborg (Árnessýslu) sunnudaginn
9. október. Dagana á milli verður afar
fjölbreytt dagskrá.
Spunasystur eru handverkskonur
sem hafa tekið ullarvinnslu á hærra
stig og víkkað þekkingu sína og
færni mikið. Þær eru margar búnar
að opna vinnustofur heima hjá sér og
ætla að hafa opið hús í þeim og bjóða
gestum að heimsækja sig tvo daga á
ullarvikunni.
Boðið er upp á námskeið í ýmsu
sem tengist ullarvinnslu og einnig
verða fyrirlestrar og sýningar þar sem
fólk getur fræðst og glatt augað. Það
verður opið í búðunum í Þingborg,
Uppspuna og Hespuhúsinu alla
dagana en einnig uppákomur, tilboð
og viðburðir þar og á fleiri stöðum
og allir ættu að finna eitthvað við
sitt hæfi til að kíkja á og fræðast
um eða gleðjast yfir. Þarna gefst
gott tækifæri til að hitta annað fólk
með sömu áhugamál, setjast niður í
Prjónakaffihúsið og prjóna í góðum
félagsskap, ræða um ull og ullargæði,
sauðfjárliti, feldfjárrækt, sauðfjárrækt,
prjónaskap, garntegundir og allt það
sem tengist ull og prjóni eða hekli.
Þar sem að ull hefur spunnið
sinn þráð í sögu Íslendinga frá
landnámi, þá ætlum við líka að bjóða
upp á víkingastemningu þar sem
víkingaklæddar konur sýna handverk
frá þeim tíma sem víkingar riðu um
héruð eða sigldu um heimsins höf.
Sjón er sögu ríkari og því um að
gera að taka sér bíltúr á Suðurlandið
og kíkja á þessa staði og uppgötva
leyndardóma íslensku ullarinnar.
Hlökkum til að sjá ykkur.
Hulda Brynjólfsdóttir,
fyrir hönd
undirbúningsnefndarinnar.
fjölbreytt dagskrá
og námskeiðaskráning á www.ullarvikan.is
Hulda
Brynjólfsdóttir.
ULLARVIKAN 2022