Morgunblaðið - 17.09.2022, Blaðsíða 10

10 FRÉTTIR
Innlent
MORGUNBLAÐIÐ LAUGARDAGUR 17. SEPTEMBER 2022
• Glæsilegt morgunverðarhlaðborð frá kl. 7.00-10.30*
• Fitness salur með öllum græjum ásamt Sauna og Steambað*
• Veitingasalur opinn frá kl. 12.00-01.00 alla daga vikunnar
• Staðsetning er steinsnar frá Strikinu, fjölda veitingastaða og verslana
Hótel Skt. Petri í Kaupmannahöfn
Heill heimur út af fyrir sig – Lúxushótel í hjarta borgarinnar
Kynnið ykkur sérverð okkar fyrir árið 2022 á www.sktpetri.is
Einfalt að bóka – engar greiðslur fyrirfram og hægt að afpanta
með eins dags fyrirvara án kostnaðar
*Morgunverður og aðgangur að fitness er ávallt innifalinn í okkar verði
Niko ehf, Austurvegi 6, 800 Selfoss, sími 783-9300,
www.sktpetri.is hotel@sktpetri.is
Sigurður Bogi Sævarsson
sbs@mbl.is
Grind og sperrur að nýju húsi að
Laxabakka í Þrastaskógi við Sogið
hafa nú verið reistar og áformað
er að byggingin verði tilbúin að
ári. Nákvæm fyrirmynd er hús
sem þarna stóð áður og var reist
árið 1942 af Ósvaldi Knudsen,
kvikmyndagerðarmanni og mál-
arameistara. Sú bygging var eins
konar bræðingur af torfbæ og
timburhúsi; með tveimur burstum
og fangaði gjarnan auga þeirra
sem sáu. Húsið lenti svo í niður-
níðslu auk þess sem ágreiningur
var um lóðamörk þess og fleira.
Þau mál voru til lykta leidd fyrir
nokkru og með því gat endurreisn
hafist.
Aldagömul hefð
„Hér tvinnast saman saman
minja- og náttúruvernd,“ segir
Hannes Lárusson myndlistar-
maður sem stendur að þessu verk-
efni með konu sinni, Bryndísi
Hrönn Ragnarsdóttur. Að Meðal-
holtum í Flóa, sem eru skammt frá
Selfossi, starfrækja þau sögusetrið
Íslenski bærinn, þar sem fornri ís-
lenskri byggingarhefð eru gerð
skil. Laxabakka segir Hannes hafa
verið þýðingarmikinn þátt í 1100
ára byggingarsögu íslenska torf-
bæjarins – og baðstofan í húsinu
hafi til að mynda verið smíðuð
samkvæmt aldagamalli hefð.
Margt í húsinu hafi annars rímað
við hræringar í byggingarlist þeg-
ar það var reist á eftirstríðs-
árunum. Þar megi nefna innrétt-
ingar í húsinu og útskurð Ríkarðs
Jónssonar myndskera. Endurreisn
þessarar óvenjulegu byggingar sé
því mjög verðug. Finnski arkitekt-
inn Alvar Aalto kom til Íslands ár-
ið 1969 til að vera við opnun Nor-
ræna hússins í Reykjavík sem
hann teiknaði. Fór hann þá einnig
austur að Sogi og skoðaði Laxa-
bakka sem hann sagði að væri að
sínu mati fegursta hús á Íslandi.
Þau orð meistarans þóttu hafa
mikið vægi.
Svo illa var gamli Laxabakki
farinn að rífa varð húsið og reisa
aftur frá grunni. Ýmislegt sem
var innandyra í húsinu var þó
heillegt og verður í nýju 55 fer-
metra húsi, sem Hannes Lárus-
son stefnir á að verði tilbúið á
næsta ári. Á staðnum segir hann
að í framtíðinni verði menningar-
setur um íslenska byggingarlist,
þar sem náttúru- og menningar-
vernd, ásamt skapandi hugsun og
vistmenningu, verður höfð í fyrir-
rúmi.
Byggir nýjan Laxabakka á bökkum Sogs
Burstabær Burðarvirki nýs húss hefur verið reist og ætlunin er að loka ytra byrði þess fyrir veturinn. Til stendur
að hér verði í framtíðinni menningar- og sögusetur þar sem vistmenning í fjölbreyttri mynd verður í aðalhlutverki.
Morgunblaðið/Sigurður Bogi
Gamalt Hannes Lárusson við gamla Laxabakkahúsið árið 2019, sem var
ónýtt. Endurbyggt er samkvæmt fyrirmyndum og vandað er til verka.
- Fegursta hús Íslands endurreist - Sambland torfs og timburs - Minja- og náttúruvernd samtvinnast