Morgunblaðið - 17.09.2022, Blaðsíða 11

FRÉTTIR 11Innlent
MORGUNBLAÐIÐ LAUGARDAGUR 17. SEPTEMBER 2022
Garðatorg 6 | sími 551 5021 | vefverslun | aprilskor.is
Copenhagen Shoes Moments
16.990 kr.
Copenhagen Shoes Kayliee Loafer
17.990 kr.
Frábært úrval af
fallegum mokkasíum
í ýmsum gerðum
B E R N H A R Ð
L A X D A L
Skipholti 29b • S: 551 4422
Opið 11-16
NÝTT FRÁ
Skoðið
netverslun
laxdal.is
Fasteignamiðlun Grafarvogs kynnir, alls 260 fermetra hús
með bílskúr. Húsið skiptist í glæsi-
lega efri sérhæð og á neðri hæð eru
stúdíóíbúð, tveggja herbergja íbúð
og bílskúr.
Nánari upplýsingar veitir
Árni í síma 898-3459 og á
netfang arni@fmg.is.
GRASARIMI GRAFARVOGI
Skaflinn í Gunnlaugsskarði í Esj-
unni mun ekki hverfa þetta árið.
Fönn þessi, sem er nánast efstí
fjallinu vestan við Kistufell, hefur
lengi verið höfð sem óopinber hita-
mælir og staðan höfð til vitnis um
tíðarfar hvers árs. Síðast hvarf
skaflinn að öllu leyti árið 2019, þá
eftir sólríkt og gott sumar. „Síðasta
vetur var snjóþungt til fjalla og
sumarið var í kaldara lagi. Staðan
á skaflinum nú er því til samræm-
is,“ segir Einar Sveinbjörnsson
veðurfræðingur.
Kennimörk eru víða
Víða eru kennimörk, lík skafl-
inum í Gunnlaugsskarði, sem höfð
eru til vitnis um tíðarfar. Í Mæli-
fellshnjúki í Skagafirði er jafnan
stór skafl, líkur hesti að sjá. Mál
fólks í héraði var gjarnan að þegar
bógarnir á klárnum í fjallinu slitn-
uðu sundur og haus væri farinn frá
búk væri snjó tekið að létta á há-
lendinu. Fært væri orðið um Stóra-
sand, það er norðan við Langjökul,
þar sem er gömul þjóðleið milli
norðlenskra byggða og Borgar-
fjarðar. Á ferð um Skagafjörð í síð-
ustu viku sást að lítill snjór er í
hnjúknum og einnig hafa á fé-
lagsmiðlum birst myndir og sögur
af jeppamönnum sem fóru um
Stórasand á dögunum.
Staðan á skafli í Kinn, á sunn-
anverðri Breiðadalsheiði á Vest-
fjörðum, þótti einnig gefa ágætar
vísbendingar um hitafar. Vegur um
bratt klif var í Kinn, og þar var
fönnin, sem fáir fylgjast með nú, en
umferð þarna lagðist af þegar Vest-
fjarðagöng voru tekin í notkun fyr-
ir aldarfjórðungi. sbs@mbl.is
Morgunblaðið/Sigurður Bogi
Gunnlaugsskarð Enn sést fönn í efstu brún Esjunnar vestan við Kistufell,
sem hverfur sennilega ekki eftir sumarið. Myndin er tekin úr Örfirisey.
Esjuskaflinn lifir
eftir kalt sumarið
- Hvarf síðast 2019 - Hitamælir lands
Yfirlit um rekstur Háskóla Íslands
fyrir fyrstu sex mánuði þessa árs
sýnir rekstrarhalla upp á 50 millj-
ónir króna.
Rekstraryfirlit fyrir skólann í
heild var lagt fram á fundi háskóla-
ráðs hinn 8. september síðastliðinn.
Þar kom fram að tekjur skólans
fyrstu sex mánuði ársins eru svip-
aðar og á sama tíma í fyrra.
Jenný Bára Jensdóttir, sviðsstjóri
fjármálasviðs Háskóla Íslands, segir
að þessar niðurstöður séu vel í sam-
ræmi við áætlanir skólans. Gert hafi
verið ráð fyrir 250 milljóna halla í ár
en fyrningar frá fyrri árum kæmu á
móti. Haustið sé oft þyngra í rekstri
en fyrri hluti árs.
Á fundi háskólaráðs var samþykkt
að taka undir það sjónarmið að fjár-
veiting til Raunvísindastofnunar Há-
skóla Íslands verði færð undir fjár-
veitingarlið Háskóla Íslands á
fjárlögum, samanber ítrekaðar
ábendingar Ríkisendurskoðunar.
hdm@mbl.is
Hallarekstur í
Háskóla Íslands
- Niðurstöður í samræmi við áætlanir
Morgunblaðið/Ómar
Hallarekstur Um 50 milljóna tap
var í HÍ fyrstu sex mánuði ársins.
Sigtryggur Sigtryggsson
sisi@mbl.is
Á síðasta fundi borgarráðs lögðu
fulltrúar Sjálfstæðisflokksins fram
tillögu um að hætt verði við þau
áform að leggja niður skólamuna-
stofu Austurbæjarskóla. Skólamun-
irnir eru geymdir í risi Austurbæj-
arskóla en eins og fram hefur komið í
fréttum, hyggjast skólayfirvöld í
Reykjavík nýta húsnæðið fyrir tölvu-
kennslu.
Í tillögu borgarfulltrúa
Sjálfstæðisflokksins, Hildar Björns-
dóttur og Kjartans Magnússonar,
segir að um árabil hafi merkum mun-
um úr skólastarfi í Reykjavík verið
safnað saman til varðveislu í svo-
nefndri skólamunastofu, sem stað-
sett er í risi Austurbæjarskóla. Holl-
vinafélag skólans hafi annast
varðveislu gripanna og sýningarhald
á þeim í sjálfboðavinnu. Í stað þess að
leggja skólamunastofuna niður verði
framtíð hennar tryggð, helst í núver-
andi húsnæði í risi Austurbæjarskóla
en annars í öðru hentugu húsnæði á
vegum skóla- og frístundasviðs eða
Borgarsögusafns Reykjavíkur.
Áheyrnarfulltrúi Flokks fólksins,
Kolbrún Baldursdóttir, lagði fram til-
lögu í sama anda. „Lagt er til að hætt
verði við þessi áform og ákvörðunin
endurskoðuð. Hér er um að ræða
vanhugsað skref sem einkennist af
geðþóttaákvörðun eftir því sem séð
verður,“ sagði m.a. í tillögunni.
Fram kemur í greinargerð með
tillögunni að Flokkur fólksins sé
ósáttur við þessa ákvörðun og finnst,
að með henni sé skóla- og frístunda-
svið og meirihlutinn í borgarstjórn að
sýna skólamunastofunni, öllu því sem
í henni er og þeim sem hafa haldið
utan um munina mikla vanvirðingu.
Tillögunum var vísað til meðferðar
skóla- og frístundaráðs.
Skólamunir fari hvergi
- Tillögur í borgarráði að skólamunastofunni verði þyrmt
Morgunblaðið/Kristinn Magnússon
Skólamunastofan Þarna er m.a. að finna sýnishorn af handavinnu nemenda.
Nú finnur
þú það sem
þú leitar að
á FINNA.is