Morgunblaðið - 17.09.2022, Blaðsíða 12

12 FRÉTTIR
MORGUNBLAÐIÐ LAUGARDAGUR 17. SEPTEMBER 2022
Brautarhóll í Reykholti í Bláskógabyggð. 2.062 fm iðnaðar- og athafnahúsnæði á 23.000 fm lóð.
Miklir og fjölbreyttir notkunarmöguleikar á húsnæðinu, sem dæmi, iðnaður og framleiðsla, hverskyns matvælaframleiðsla
t.d. lóðrétt ræktun, gagnaver, ferðaþjónustutengd starfsemi, geymslu og lagerhúsnæði o.s.fr. Jafnframt eru miklir
stækkunarmöguleikar skv gildandi deiliskipulagi. Stórt athafnasvæði utandyra
Komi orkufrek starfsemi í húsið verða raforkunotendur í Reykholti skrefi nær í að verða skilgreindir stórnotendur og
raforkuverð lækki um 40% (nánar í sölugögnum).
Húsið er límtréshús sem stendur á steyptum sökkli og gólfplötu. Í útveggjum og lofti eru yleiningar. Húsið var byggt í tveimur
áföngum. Eldri hlutinn frá 1990 og yngri hlutinn frá 2002. Í húsinu er skrifstofa, starfsmannaaðstaða búningsklefar og salerni
og milliloft þar sem er skrifstofa, kaffistofa, fundarsalur og lager. (Í húsinu var áður starfsemi Límtrés)
Mænishæð hússins er 9,6 m og hæð útveggja 5,5 fm. Tvær stórar iðnaðarhurðar með fjarstýringu. Auðvelt að fjölga.
Í húsinu er brúkrani sem gengur eftir endilöngu húsnæðinu og til hliðar.
Lóðin sem er leigulóð er 23.000 fm og nýtingarhlutfall 0,3-0,5 sem býður upp á stækkun húsnæðis um 4.000 - 9.500 fm.
Veturinn 2022-23 verður húsnæðið notað sem vagnageymsla.
Verð 205.000.000 (99 þús. per. fm.)
Allar nánari upplýsingar veitir
Snorri Sigurfinnsson löggiltur fasteignasali s 8648090 eða snorri@husfasteign.is
Brautarhóll í Reykholti, Bláskógabyggð 205.000.000 kr.Atvinnuhúsnæði • 2.062 m2
HÚS fasteignasala | Austurvegi 26, 800 Selfoss | www.husfasteign.is
Atvinnuhúsnæði – áhugavert tækifæri
SKANNAÐU
KÓÐANN
Helgi Bjarnason
helgi@mbl.is
„Við teljum að þessi hugmyndafræði
eigi mjög vel við í dag, að leita allra
leiða til að aukna virkni hringrásar-
hagkerfisins,“ segir Sveinn Aðal-
steinsson, framkvæmdastjóri Orkí-
deu, samstarfsverkefnis um
nýsköpun á Suðurlandi. Orkídea
kannar nú, samkvæmt viljayfirlýs-
ingu við viðkomandi sveitarfélög,
möguleika á starfsemi í grænum iðn-
görðum í Bláskógabyggð og Rang-
árþingi ytra.
Grænir iðngarðar eru atvinnu-
svæði sem styðja við sjálfbærni með
því að innleiða félagsleg, efnahags-
leg og umhverfisleg sjónarmið við
skipulagningu, stýringu og fram-
kvæmd. Grænn iðngarður er liður í
því að byggja upp hringrásarkerfi í
framleiðslu. Þeir eru gjarnan í skjóli
annarrar starfsemi og nýta varma
eða aðra auðlindastrauma eða koma
sams konar hráefni til annarra, til
þess að lágmarka úrgang.
Hugmyndin er ekki alveg ný af
nálinni hér á landi og má benda á
fjölda fyrirtækja í Auðlindagarði HS
Orku á Reykjanesi og Jarðhitagarði
Orku náttúrunnar á Hellisheiði. Ver-
ið er að skoða þessa möguleika á
Bakka við Húsavík þar sem kísilver
PCC er staðsett, á Blönduósi þar
sem glatvarmi er tiltækur í gagna-
veri og á Reyðarfirði og Grundarfirði
í tengslum við álver.
Unnið með garðyrkjunni
Verkefnin á Suðurlandi eru rétt að
hefjast. Þrjár stórar garðyrkju-
stöðvar standa að vinnunni í Reyk-
holti með Bláskógabyggð og Orkí-
deu. Sveinn segir að stöðvarnar noti
sem svarar til sex MW raforku og
geti fallið undir skilgreiningu á orku-
frekri grænni stóriðju.
Verkefnið gengur út á það að að-
stoða fyrirtækin og sveitarfélagið við
að auka hringrás lífrænna strauma í
þessum fyrirtækjum og í sveitarfé-
laginu öllu. Fyrsta skrefið er að
skoða möguleika á að framleiða
áburð og lífgas úr lífrænum úrgangi
frá garðyrkjunni og sömuleiðis úr
úrgangi frá hefðbundnum bænda-
býlum í nágrenninu.
„Það eru augljóslega möguleikar á
báðum svæðum, einmitt á þeim tím-
um þegar áburðarverð hefur tvöfald-
ast og olía sem notuð er í landbúnaði
hefur sömuleiðis hækkað mikið. Þess
vegna leggjum við áherslu á lausnir
sem gætu skilað áburði og orku,“
segir Sveinn.
Leita að stórum framleiðanda
Verkefnið í Rangárþingi ytra er á
svipuðum nótum. Þar er mikil mat-
vælaframleiðsla, meðal annars kjúk-
lingarækt og kjúklingavinnsla á
Hellu og nágrenni, mikil kartöflu-
rækt í Þykkvabæ og stór kúa- og
sauðfjárbú. Þar verða skoðaðir
möguleikar á áburðar- og lífgas-
framleiðslu.
Ástæðan fyrir því að þessi vinna
fer fram í Rangárþingi ytra en ekki
annars staðar á Suðurlandi er að
Landsnet hefur sett upp nýjan tengi-
punkt til að afhenda raforku í Lækj-
artúni, skammt austan við Þjórsá.
Skapar það alveg nýja möguleika
þar.
Unnið verður að því að finna stór-
an matvælaframleiðanda sem gæti
með tímanum laðað að sér önnur
fyrirtæki sem vildu nýta strauma frá
stóra fyrirtækinu eða afhenda enn
öðrum. Ýmislegt kemur til greina, að
mati Sveins. Sem dæmi nefnir hann
stóran framleiðanda í garðyrkju eða
fiskeldi á landi.
Orka og áburður í grænum iðnaði
- Orkídea athugar möguleika á framleiðslu á áburði og lífgasi í tveimur sveitarfélögum á Suðurlandi
- Auðlindastraumar fullnýttir í grænum iðngörðum - Víða um land unnið að slíkum verkefnum
Morgunblaðið/Árni Sæberg
Garðyrkja Grænmetisrækt eða önnur matvælaframleiðsla er í forgrunni þegar rætt er um græna iðngarða.