Morgunblaðið - 17.09.2022, Blaðsíða 21

FRÉTTIR 21Innlent
MORGUNBLAÐIÐ LAUGARDAGUR 17. SEPTEMBER 2022
Grensásvegi 13
108 Reykjavík
S. 570 4800
gimli@gimli.is
Eyravegi 29, 2. hæð
800 Selfossi
S. 570 4800
gimli@gimli.is
Vandaðar 3ja-4ra herbergja,
78-99 fm íbúðir, sem skilast
fullfrágengnar í október 2022.
Víkurmói 2 á Selfossi
OPIÐ HÚS
sunnudaginn
18. september
kl. 14:00 - 16:00
Guðmunda Björnsdóttir Stackhouse
Löggiltur fasteignasali
sími 792 7576
gudmunda@gimli.is
vikurmoi2-6.is
Verð 47.200.000 - 60.900.000
Sigtryggur Sigtryggsson
sisi@mbl.is
Enn ein fyrirspurnin hefur borist
Reykjavíkurborg um framtíð hins
reisulega húss, Ægisgötu 7, þar
sem í upphafi voru framleiddar
stáltunnur. Þetta er hús á besta
stað í borginni, skammt fyrir ofan
Slippinn og Gömlu höfnina.
Nýjustu fyrirspurnina lagði eig-
andinn, Ráðagerði ehf. fram ásamt
Zeppelin arkitektum. Þar er spurt
hvort hækka megi bak- og framhús
og óskað eftir leyfi til að vera með
gistirekstur í húsinu.
Zeppelin hafa unnið frumdrög að
nýrri tillögu, þar sem gert er ráð
fyrir að öll bakbyggingin standi.
Byggðar verði tvær inndregnar
hæðir ofan á bakbygginguna auk
þess sem reist verði þakhæð ofan á
framhúsið, eins og heimilt er í gild-
andi skipulagi.
Gistiíbúðir verði allt að 46
Í tillögunni er gert ráð fyrir allt
að 46 herbergja eða gistiíbúða gisti-
stað, en vel megi sjá fyrir sér að
hægt verði að leigja herbergin eða
íbúðirnar út, t.d. til námsmanna.
Húsið við Ægisgötu er stein-
steypt, þriggja hæða með kjallara
og áföstu steyptu bakhýsi, sem
einnig er með kjallara. Húsið var
byggt í nokkrum áföngum á milli
1939 og 1950 og þar var rekin
tunnuverksmiðja Stáltunnugerðar
Bjarna Péturssonar. Í fornleifa-
skráningu, sem Minjastofnun
Reykjavíkur lét vinna, er húsið skil-
greint sem síðfúnkis verksmiðju-
hús, sem tengist sögu atvinnu og
iðnaðar í Reykjavík. Til skamms
tíma var húsið leigt undir muni Al-
þingis, en nú stendur það tómt,
enda uppfyllir það fáar kröfur nú-
tímans og reglugerða, segir í bréfi
Zeppelin arkitekta.
Í umsögn verkefnastjóra skipu-
lagsfulltrúa Reykjavíkur kemur
fram að árið 2006 var samþykkt
deiliskipulag fyrir Ægisgötu 7.
Heimilt var að innrétta tólf íbúðir á
þremur hæðum hússins, tvær á inn-
dreginni ofanábyggingu og eina
íbúð í bakbyggingu eða rífa bak-
byggingu og byggja nýja sem hýsir
eina íbúð. Samtals sé því heimild
fyrir 15 íbúðum skv. núgildandi
deiliskipulagi. Heimilt er að byggja
inndregna ofanábyggingu ofan á
núverandi byggingu með því skil-
yrði að bakbygging verði rifin að
hluta.
Árið 2013 var óskað eftir breyt-
ingu á deiliskipulagi hússins. Hún
fólst í því að rífa bæði fram- og
bakhús og byggja nýtt hús sem
myndi hýsa íbúðahótel. Ekki var
fallist á að rífa framhúsið vegna
mikilvægis þess í atvinnusögu
Reykjavíkur.
Árið 2017 var óskað eftir að
skipulagsfulltrúi tæki afstöðu til
þess að breyta deiliskipulaginu og
breyta byggingunni í íbúðahótel,
veitingastað eða bakarí skv. tillögu
Zeppelin ehf., dags. 17.01.2017. Já-
kvætt var tekið í það að litlar sem
engar breytingar yrðu gerðar á út-
liti frambyggingarinnar og að á
jarðhæð hússins yrði þjónusta.
Hins vegar var ekki tekið vel í að
breyta húsinu í hótel og að auka
byggingarmagnið umfram það sem
heimilt er í gildandi deiliskipulagi.
Ósk um íbúðir árið 2021
Árið 2021 var óskað eftir því að
breyta húsinu í íbúðarhúsnæði
samkvæmt tillögu Teiknistofu arki-
tekta Gylfa Guðjónssonar og félaga
ehf. og M3 fasteignaþróunar ehf.,
dags. 12.02.2021. Jákvætt var tekið
í að breyta húsinu í íbúðarhúsnæði
með ákveðnum skilyrðum um
íbúðastærðir.
Í umsögn sinni um nýjustu
fyrirspurnina tekur verkefnastjór-
inn neikvætt í að auka bygging-
armagn á lóðinni enda ekki í sam-
ræmi við núgildandi deiliskipulag.
Jákvætt er tekið í að hefja gisti-
starfsemi í húsinu og að halda í
upphaflegt útlit framhússins.
Skipulagsfulltrúi samþykkti um-
sögnina.
Hver verður framtíð Ægisgötuhúss?
- Ósk um að gistirekstur verði heimill í Ægisgötu 7 - Tekið var neikvætt í að byggja við húsið
Morgunblaðið/sisi
Ægisgata 7 Reisulegt hús við höfnina sem upphaflega hýsti stáltunnugerð. Leitað hefur verið að heppilegum notum.