Morgunblaðið - 17.09.2022, Blaðsíða 32

32 MINNINGAR
MORGUNBLAÐIÐ LAUGARDAGUR 17. SEPTEMBER 2022
✝
Freysteinn
Þórðarson vél-
stjóri fæddist á
Haukafelli 23.
nóvember 1929.
Hann lést á Hjúkr-
unarheimilinu
Skjólgarði 12.
september 2022.
Foreldrar hans
voru Þórður Jóns-
son búfræðingur
frá Rauðabergi á Mýrum, f. 3.
október 1900, d. 6. mars 1992,
og Bergljót Þorsteinsdóttir frá
Hvammi í Lóni, f. 23. sept-
ember 1903, d. 9. júní 2005.
Systkini hans voru Guð-
mundur Þórðarson kennari, f.
24. nóvember 1928, d. 20. nóv-
ember 2011. Arnór Þórðarson
kennari, f. 18. október 1932, d.
31. ágúst 2015, og Kristín Kar-
ólína Þórðardóttir, f. 1. des-
ember 1942, d. 23. janúar
1957. Erla Ásthildur Þórð-
ardóttir tæknir, f. 17. maí
1939.
Freysteinn Þórðarson
kvæntist Guðlaugu Erlu Þor-
geirsdóttur 11. september
1959 í Hofskirkju í Vopnafirði.
Foreldrar hennar voru Jóna
Kristín Jónsdóttir frá Skógum
í Vopnafirði, f. 9. janúar 1897,
isdóttir sjúkraliði, f. 5. janúar
1961, börn þeirra eru Sæunn
María Borgþórsdóttir, f. 30.
mars 1981, fjármálastjóri, maki
Björgvin Lúðvíksson smiður, f.
11. september 1981, börn
þeirra tvíburarnir Ólöf Inga
Björgvinsdóttir, f. 12. júlí 2014,
Aron Smári Björgvinsson, f. 12.
júlí 2014, og Alma Dís Björg-
vinsdóttir, f. 11. júní 2022.
Freysteinn Smári Borgþórs-
son, f. 26. maí 1987, smiður,
maki Anna Lilja Steinþórs-
dóttir, f. 29. janúar 1993,
sjúkraflutningamaður, börn
Emma Ósk Freysteinsdóttir, f.
28. júlí 2000, og Kara Sif
Freysteinsdóttir, f. 4. júlí
2022.
Berglind Ósk Borgþórs-
dóttir deildarstjóri, f. 20. októ-
ber 1991, maki Jón Vilberg
Gunnarsson vélfræðingur, f. 8.
júlí 1982, börn Eva María
Jónsdóttir, f. 25. mars 2016,
og Júlían Máni Jónsson, f. 27.
mars 2019.
Svanhildur Freysteinsdóttir,
f. 28. október 1967, fjár-
málaráðgjafi Arion banka,
maki Hlynur Garðarsson
stjórnmálafræðingur, f. 28.
nóvember 1965, börn Hekla
Diljá Hlynsdóttir, f. 29. sept-
ember 1994, í mastersnámi í
Danmörku, og Guðlaug Erla
Hlynsdóttir, f. 9. september
2001, hagfræðinemi.
Útför Freysteins fer fram í
dag, 17. september 2022, kl.
14 frá Hafnarkirkju.
d. 16. ágúst 1989,
og Þorgeir Þor-
steinsson frá Arn-
heiðarstöðum í
Fljótsdal, f. 5.
október 1891, d.
10. janúar 1947.
Börn Freysteins
og Guðlaugar eru:
Jóna Kristín Frey-
steinsdóttir, f. 15.
febrúar 1960,
starfsmaður viðskiptavers Ra-
rik, maki Pétur Á. Unn-
steinsson, f. 23. mars 1956,
vélfræðingur. Börn þeirra eru
Guðlaug Ósk Pétursdóttir, f. 8.
nóvember 1980, gullsmiður,
maki, Stefán Aðalsteinn
Drengsson kvikmyndagerð-
armaður, dætur þeirra eru
Freydís Sóley, f. 8. febrúar
2016, og Elddís Helgey, 10.
maí 2018. Brynjar Þór Pét-
ursson, f. 2. apríl 1985, stýri-
maður hjá Dan Pilot Dan-
mörku, maki, Louise Ninette
Valentin Kjærgaard, börn
Baldur Valentin Brynjarsson,
f. 29. september 2018, Freyja
Valentin Brynjarsdóttir, f. 18.
desember 2019.
Borgþór Freysteinsson, f. 22.
nóvember 1961, slökkviliðs-
stjóri, maki Inga Jenný Reyn-
Elsku besti pabbi minn. Nú
er komið að leiðarlokum, sökn-
urinn er sár en fjársjóður minn-
inganna er stór. Mínar fyrstu
minningar eru frá bernskuárum
mínum á Bjargi, við bjuggum á
neðri hæðinni þar sem þið
mamma höfðuð búið ykkur fal-
legt heimili, ég ólst upp við ást-
ríki ykkar.
Hagatún 4 var síðan okkar
framtíðarheimili, þar sem þið
mamma byggðuð ykkur reisu-
legt og fallegt hús.
Sumarið 1967 fluttum við fjöl-
skyldan yfir götuna í Hagatún-
ið, systir okkar Svanhildur
fæddist í október sama ár, það
ríkti mikil gleði á heimilinu þeg-
ar við Borgþór eignuðumst litla
systur, við nutum umhyggju
samrýndra foreldra.
Allt lék í höndum þínum. Þú
hafðir komið þér upp litlu verk-
stæði í kjallaranum þar sem þú
undir hag þínum best. Þú varst
bæði hagur á járn og timbur.
Garðurinn ykkar mömmu var til
fyrirmyndar, matjurtir og kart-
öflur voru teknar upp að hausti.
Rifsber og rabbabari soðið í
sultur og hlaup.
Tímann þinn í símavinnunni
frá Höfn norður í Axarfjörð þar
sem þú vannst í sex ár. Vopn-
firsk heimasæta átti hug þinn
allan og þið mamma giftuð ykk-
ur 11.9. 1959 í Hofskirkju í
Vopnafirði. Giftingarvottorðið
hefur geymst í fallegum kassa
undirritað af sýslumanni á
Seyðisfirði. Jólin nálgast. Laufa-
brauðsgerð, allt handskorið að
vopnfirskum hætti.
Eitt af þínum verkum var að
breiða sængina yfir okkur
systkinin á kvöldin áður en við
fórum að sofa og nýsoðinn
hafragrautur kraumaði í potti á
morgnana.
Það var ekki ósjaldan að við
sofnuðum við saumavélagný á
kvöldin þar sem allt var heima-
saumað, ný flík að morgni.
Þú smíðaðir gróðurhús í
garðinum ykkar, fræjum var
sáð í potta snemma að vori og
litríkir laukar kíktu upp úr
gróðurkössum.
Upp úr 1970 byggðuð þið
mamma ykkur lítinn sumarbú-
stað í Stafafellsfjöllum í Lóni,
sannkallaður sælustaður fjöl-
skyldunnar. Ilmurinn af regn-
votu birkinu og berjabrekkan
blá.
Þú vannst hjá RARIK í 40 ár,
sinntir vélakeyrslu, stóðst vakt-
ir. Veður gátu verið vond og
bjallan hringdi á nóttunni, raf-
magn var skammtað ekki voru
allar nætur svefnsamar. Minn-
isstæð jólin þegar þú varst að
vinna, beðið var með að borða
matinn á aðfangadagskvöld og
jólapakkarnir undir trénu biðu,
spennan hjá okkur systkinum
var óbærileg, mamma hafði ofan
af fyrir okkur með skemmti-
legum sögum og kertaljós voru
tendruð.
Hjá RARIK eignaðist þú
marga góða vini til lífstíðar,
ánægja þín í vinnunni var
ómæld. Þú varst heiðraður fyrir
40 ára starf, gullúrið var áletrað
á bakhliðinni, það var einungis
sett upp til spari.
Þú varst bókhneigður, Kiljan-
safnið átti sína hillu í stofunni,
þú last Íslandsklukkuna og
hlustaðir á plöturnar líka.
Stórafmæli þín, bauðst allri
fjölskyldunni, mökum þeirra og
börnum í jólahlaðborð í Perluna.
90 ára afmæli þitt hélst þú uppá
í Haukalindinni hjá Svanhildi
systur og bauðst öllu þínu fólki .
Barnabörnum þínum lagðir
þú til gott veganesti.
Elsku pabbi, þú hélst í hönd
mína þegar á þurfti að halda, ég
hélt í hönd þína í veikindum
þínum, þú kvaddir, saddur
þinna lífdaga umvafinn fjöl-
skyldunni.
Guð verndi þig og styrki að
eilífu amen, þetta voru þín loka-
orð.
Hafðu þökk fyrir allt og allt
elsku pabbi minn.
Elsku mamma mín, missir
þinn er mikill, við systkinin
munum vernda þig og styrkja,
eins og pabbi sagði alltaf.
Meira á www.mbl.is/andlat
Þín dóttir og tengdasonur,
Jóna Kristín og
Pétur Unnsteinsson.
Freysteinn
Þórðarson
✝
Hafdís Halla
Ásgeirsdóttir
fæddist í Reykjavík
23. júní 1961. Hún
lést 6. september
2022 á líknardeild
Landspítalans í
Kópavogi.
Foreldrar henn-
ar voru Ásgeir J.
Sigurgeirsson, f. 8.
júlí 1932, d. 2.
október 1967, og
Margrét J. Hallsdóttir, f. 16.
júlí 1935, d. 23. nóvember 2010.
Hafdís Halla var næstelst
þriggja systra. Systur hennar
eru Ásdís Edda, f. 9. janúar
1956, d. 17. júlí 2020, og Jó-
hanna Bára, f. 12. febrúar
1963. Eiginmaður Hafdísar
Höllu er Þórkell Geir Högna-
son, f. 18. desember 1952. For-
eldrar hans voru Högni Högna-
son, f. 29. mars 1896, d. 2.
janúar 1984, og Soffía K. Þór-
kelsdóttir, f. 6. janúar 1927, d.
20. maí 2018.
Hafdís giftist Geir 26. des-
Hafdís gekk í Lýsuhólsskóla og
útskrifaðist frá Laugagerði.
Hún fór í Húsmæðraskólann á
Laugum og í framhaldsskóla í
Ólafsvík. Hafdís byrjaði
snemma að vinna og vann hin
ýmsu störf um ævina. Meðal
annars var hún ráðskona, bæði
í skóla og hjá vegavinnuflokk-
um, kokkur á sjó og var um
tíma með söluskúr og húsdýra-
og fjölskyldugarð á heimili sínu
að Bjargi, Arnarstapa. Áhuga-
sviðin voru fjölbreytt og sótti
hún fjölmörg námskeið, meðal
annars bókhaldsnámskeið, um
frumkvöðlastarfsemi, högglist-
arnámskeið í steina og útskrif-
aðist einnig sem matartæknir
úr Verkmenntaskóla Akureyr-
ar. Hafdís hafði mikla unun af
tónlist og söng og var í kirkju-
kórnum og spilaði á gítar. Þá
var hún virkur þátttakandi í fé-
lagsmálum og var í kvenfélag-
inu Sigurvon.
Útför Hafdísar Höllu fer
fram frá Staðastaðarkirkju í
dag, 17. september og hefst at-
höfnin kl. 14.
Útförinni verður streymt frá
félagsheimilinu Lýsuhóli og á
YouTube: http://mbl.is/
go/8zmj7/.
Virkur hlekkur á:
www.mbl.is/andlat
ember 1984. Börn
þeirra eru: 1) Mar-
grét Bára, f. 30.
júlí 1983, barn
hennar er Freyja
María Jónsdóttir, f.
20. apríl 2010.
Sambýlismaður
Margrétar er Sig-
urður Nathan Jó-
hannesson, f. 7.
júní 1982. 2) Guð-
mundur Friðrik
Þórkelsson, f. 23. júní 1987, d.
23. apríl 1991. 3) Anna Katrín,
f. 16. desember 1992. Unnusti
Önnu Katrínar er Guðmundur
Snorri Sigurðarson, f. 10. maí
1992, og dóttir þeirra er Hafdís
Anna, f. 7. maí 2021. 4) Daði
Þórkelsson, f. 31. maí 1994.
Hafdís Halla ólst upp á Mela-
braut 47 (í dag nr. 9) á Sel-
tjarnarnesi til 12 ára aldurs. Þá
flutti hún ásamt fjölskyldu sinni
í Lýsudal í Staðarsveit á Snæ-
fellsnesi. Hafdís flutti svo á
Bjarg, Arnarstapa, með eig-
inmanni sínum Geir árið 1983.
Í dag kveðjum við með mikl-
um söknuði móðursystur mína,
eftir stutta og harða baráttu í
sínum veikindum. Haddý var
einstök og í mínum huga miklu
meira en það. Allir hafa marga
mannkosti en hún hafði að
mínu mati töluvert meira af
þeim og var með meiri góð-
mennsku og hjálpsemi heldur
en við hin, að öllum öðrum
ólöstuðum. Henni var þetta eðl-
islægt en góðvild hennar og
hjálpsemi var eftirtektarverð.
Hún var alltaf boðin og búin til
að aðstoða og rétta sína hjálp-
arhönd og það var eiginlega al-
veg sama af hvaða tilefni. Hún
var klettur ef eitthvað bjátaði á
og ef einhver var að flytja þá
var hún mætt, hvort sem það
var til að pakka niður eða passa
börn. Hún var alltaf til staðar!
Í vor kom Haddý í sauðburð
upp í Tungu og Árni fékk að
fara með henni. Eftir að hún
var farin lýsti hann henni svo
vel. „Mamma: Haddý er svo
góðhjörtuð og hjálpsöm. Hún
er alltaf að hjálpa til og á fullu
en segist svo ekki hafa gert
neitt. Mamma, ef ég væri
Haddý væri ég stoltur af sjálf-
um mér.“ Þarna var kjarni
málsins. Haddý má vera stolt
af sínu ævistarfi. Hún á sér-
stakan stað í mörgum hjörtum,
ungum sem öldnum, og var
mikil fyrirmynd.
Ein af þeim sem nutu að-
stoðar hennar var móðir mín.
Haddý var hennar stoð og
stytta í svo mörgu. Ég veit ekki
hversu oft maður heyrði
mömmu segja „ég fæ hana
Haddý með mér í þetta“ og
alltaf var Haddý mætt. Við fjöl-
skyldan höfum svo sannarlega
notið góðs af henni Haddý.
Andrés Þórólfur kallaði hana
nú lengi vel ömmu Ásdísi eftir
andlát hennar. Daginn eftir
andlátið lét hún Elísabetu og
Árna fá símanúmerið sitt og til-
kynnti þeim að þau mættu allt-
af hringja í hana og koma til
sín, sama hvað.
Haddý vílaði ekki fyrir sér
að standa í markinu og láta fót-
boltann dynja á sér, setjast á
snjóþotuna og renna sér niður
brekkurnar með þeim, kasta á
milli bolta á flugvellinum í
Finnlandi, kenna þeim að keyra
bíl, syngja og dansa með þeim
og passa þau ef þess þurfti og
oft að hennar frumkvæði því
hún vissi að okkur vantaði
pössun. Ég verð Haddý ævin-
lega þakklát fyrir stuðninginn
og aðstoðina í gegnum árin.
Henni var umhugað um að
öllum liði vel og að gera lífið
betra. Hún bar oft áhyggjur
annarra á herðum sér því hún
mátti ekkert aumt sjá eða
heyra og reyndi að finna lausn-
ir. Haddý var röggsöm og hafði
einnig mikinn húmor, bæði fyr-
ir sjálfri sér og öðrum. Smit-
andi hlátur hennar hreif aðra
með sér og hún brosti með öllu
andlitinu.
Haddý var stolt móðir og tal-
aði mikið um börnin sín, Mar-
gréti, Guðmund, Önnu Katrínu
og Daða og ekki síst ömmu-
stelpurnar sínar, Freyju og
Hafdísi Önnu. Ég vil trúa því
að nú faðmir þú yndislega Guð-
mund þinn, sem fór alltof
snemma, og syngir og spjallir
við mömmu, ömmu Margréti og
afa Munda um pólitík og helstu
réttlætismál.
Við kveðjum Haddý með
þakklæti og virðingu. Geir,
Margrét Bára, Anna Katrín,
Daði, Hanna Bára og fjölskyld-
ur, ykkar missir er mikill. Við
fjölskyldan sendum ykkur öll-
um innilegustu samúðarkveðj-
ur.
Elísabet Rán
Andrésdóttir.
Elsku Haddý.
Nú er komið að kveðjustund,
einungis á þínu 61. aldursári.
Minningarnar streyma um hug-
ann um einstaka konu. Þegar
maður lítur til baka verður
manni sérstaklega hugsað til
ýmissa ferðalaga og lengri sam-
verustunda, t.d. ferðar ykkar
systra til London og ferðarinn-
ar til Finnlands. Eftir þessar
ferðir og samverustundir fann
maður sig knúinn til þess að
segja öðrum frá þér, enda hafð-
ir þú öfundsverða mannkosti og
varst engri lík. Þú vildir gera
allt fyrir alla og ávallt án þess
að þiggja nokkuð í staðinn.
Öðrum eins náungakærleik og
hjálpfýsi hef ég aldrei kynnst.
Fráfall þitt er eins ósanngjarnt
og hugsast getur. Hugurinn
reikar til Finnlands þegar við
vorum í gönguferð árla morg-
uns í höfuðborginni og þú
fannst þig knúna til þess að
taka upp rusl hér og þar. Ég er
þér ævinlega þakklátur fyrir þá
góðvild og kærleik sem þú
sýndir börnunum okkar. Þau
sakna þín mikið.
Kæru Geir, Margrét, Anna
Katrín og Daði, mínar dýpstu
samúðarkveðjur. Ykkar missir
er mikill.
Það var mikill heiður að fá
að vera samferða þér í gegnum
lífið síðustu tvo áratugina. Hvíl
í friði, elsku Haddý.
Benedikt Egill
Árnason.
Hafdís Halla
Ásgeirsdóttir
- Fleiri minningargreinar
um Ásdísi Höllu Ásgeirsdótt-
urs bíða birtingar og munu
birtast í blaðinu næstu daga.
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Stapahrauni 5, Hafnarfirði
Sími: 565 9775
www.uth.is - uth@uth.is
Frímann
897 2468
Hálfdán
898 5765
Ólöf
898 3075
Kristín
699 0512