Borgfirðingabók - 01.12.2010, Qupperneq 29

29Borgfirðingabók 2010
stað an var metin þannig að sveitarstjórn væri í þann veginn að fara af
stað með almenningssamgöngur og til mikils að vinna að veita íbúum
Borg ar byggðar góða þjónustu.
Þegar haustönnin 2008 hófst hafði nemendum fjölgað mikið í MB
og nú komu 21 nemandi úr dreifbýli Borgarbyggðar. Þetta kallaði á
mikla skipulagningu og samninga við skólabílstjóra grunnskólanna,
sem voru allir af vilja gerðir til að koma mætti nemendum MB til
og frá skóla. Kostnaðurinn varð hins vegar gríðarlegur og eftir að
nemendur hefðu greitt akstursstyrkinn frá LÍN til MB stefndi í að
útlagður kostnaður skólans yrði um 4 milljónir króna. Öllum var ljóst
að slíkt var óyfirstíganlegt fyrir skólann að bera einan og sér og var nú
hart sótt að sveitarfélaginu að bregða skjótt við. Sendi skólameistari
ítarlega skýrslu í byrjun september 2008 um stöðu mála, en allt kom
fyrir ekki. Sveitarfélagið hafði þá nýlega tapað Sparisjóði Mýrasýslu
og sveitarstjórnarfulltrúar ráðvilltir. Í byrjun október 2008 hrundi svo
íslenska fjármálakerfið og ljóst að ríkissjóður og sveitarfélög færu
illa út úr þeim hildarleik. Þann 23. október 2008 sendi skólameistari
bréf til allra foreldra barna í skólaakstri og tilkynnti um að akstrinum
yrði hætt frá og með 1. nóvember 2008 enda allar forsendur brostnar
fyrir slíkri þjónustu. Skólinn fékk á sig töluverðar ávirðingar vegna
þessara málalykta, en einnig voru þeir sem þökkuðu stjórnendum fyrir
að reyna sitt ítrasta til að bæta þjónustuna við íbúana í dreifbýli. Þarna
hafði skólinn farið út fyrir verksvið sitt í trausti þess að sveitarstjórn
stæði við úttal sitt um uppbyggingu almenningssamgangna í sveitar-
félaginu.
Merki skólans
Stjórn skólans fól Torfa Jóhannessyni, formanni stjórnar, Magnúsi
Árna Magnússyni í byggingarnefnd og Ársæli Guðmundssyni, skóla-
meist ara að ræða við hönnuðina Hildigunni Gunnarsdóttur og Snæ-
fríði Þorsteins um hönnun á merki fyrir hinn nýja menntaskóla. Þeir
skoðuðu nokkrar tillögur hönnuðanna og lögðu til eina úrfærslu sem