Borgfirðingabók - 01.12.2010, Qupperneq 42

42 Borgfirðingabók 2010
Högnastöðum og mun þá eitthvað hafa stundað vegavinnu. Árið
1919 fór Jón að Norðtungu og var þar ekki tjaldað til einnar nætur
því þar var hann heimilismaður í 28 ár. Þegar Jón kom að Norðtungu
bjó þar sunnlenskur maður, Runólfur Runólfsson, ásamt Ingibjörgu
Skúladóttur konu sinni. Þótti hann mikill dugnaðar bóndi og fram fara-
maður og var heimilið í Norðtungu jafnan mannmargt og umsvifa-
mikið. Þar var símstöð sveitarinnar og starfrækt hótel þar sem tekið
var á móti sumargestum. Ingibjörg húsfreyja andaðist í september
1927. Kvæntist Runólfur ári síðar Guðrúnu Sigurðardóttur. Runólfur
dó 1935 og bjó Guðrún áfram í Norðtungu eftir lát hans, síðustu
árin með seinni manni sínum, Einari Halldórssyni. Jón hafði því af
mörgum húsbændum að segja þau ár sem hann var í Norðtungu og
þjónaði þeim öllum af trúmennsku. Fékk hann árið 1944 svokölluð
vinnuhjúaverðlaun frá Búnaðarfélagi Íslands, en þá voru liðin 25 frá
því hann kom í vistina. Guðrún og Einar hættu búskap árið 1947.
Þá flutti Jón að Lundi til foreldra minna, Sigríðar Ingólfsdóttur og
Þorvaldar Þorkelssonar, og var þá aftur kominn á æskuslóðir, en
landamerki Lundar og Hermundarstaða liggja saman. Á Lundi átti
hann heima til ársins 1966 og var síðustu árin hjá Valborgu Þorvalds-
dóttur og Herði Óskarssyni. Frá Lundi flutti hann á Akranes til for-
eldra minna. Var hann á heimili i þeirra stuttan tíma en dvaldi síð ustu
æviárin á elliheimilinu Bjargi. Jón andaðist á Akranesi 7. júní 1973.
Hann var jarðsunginn frá Norðtungukirkju og ber leiði hans sam-
kvæmt legstaðaskrá númerið 100.
Frá vegavinnuárunum. Eigandi myndar: Valborg Þorvaldsdóttir.