Borgfirðingabók - 01.12.2010, Qupperneq 100

100 Borgfirðingabók 2010
búinu hefði hann haldið lífi og heilsu. Lát hans var foreldrum hans
og fjölskyldu þungt áfall og þegar hann var jarðsettur 24. júní fékk
móðir hans heilablóðfall og náði sér aldrei eftir það. Rétt rúmu ári
síðar andaðist hún. Eftir lát Andrésar tók Sigríður systir hans við
bústjórn á Gilsbakka.
Þekking og fræðsla
Á Gilsbakka var mikil áhersla lögð á miðlun þekkingar, ekki síst fyrir
tilstilli séra Magnúsar sem var mikill hugsjónamaður á því sviði.
Sigríður stundaði því fyrst nám heima undir handleiðslu föður síns
og kennara sem ráðnir voru þangað til heimilisfræðslu. Séra Magnús
þótti afar góður uppfræðari. Hann hafði orðið stúdent frá Lærða
skólanum 1875 og tekið guðfræðipróf frá Prestaskólanum 1877.
Hann hóf snemma kennslu, þegar hann starfaði sem biskupsskrifari
í Reykjavík árin 1877-1881. Þessu áhugasviði sinnti hann síðan alla
prestskapar tíð sína á Gilsbakka. Hafa ber í huga að á þessum árum
var ekki um sérstaka barnaskóla að ræða í strjálbýli og ekki fyrir
hendi skipuleg farkennsla fyrr en eftir 1907 þegar ný lög voru sett
um menntun barna.
Séra Magnús var kennari af ástríðu og notaði t.d. oft á tíðum
lausar stundir síðla dags til uppfræðslu heimilisfólksins þótt ekki
kall aðist það formleg kennsla. Þá gekk hann um gólf í baðstofunni
og fór með fróðleik fyrir munni sér sem nærstaddir nutu góðs af.
Hann hélt jafnan uppi kennslu á heimili sínu og kenndi fjölda pilta til
undirbúnings fyrir latínuskólann. Meðal þeirra sem nutu mennt unar
hjá séra Magnúsi var Árni Þórarinsson frændi hans2, síðar prest ur og
Guðmundur Böðvarsson skáld á Kirkjubóli, þótt ekki ætti sá síðar-
nefndi kost á langskólamenntun í framhaldinu. Guðmundur kom
fyrst að Gilsbakka á unglingsárum í vinnumennsku. Skömmu áður
hafði hann meitt sig á hendi og var því illa vinnufær. Séra Magnús
var þá aldraður orðinn og nokkuð sjóndapur. Hann fékk Guðmund
til að lesa fyrir sig ýmsar bækur á meðan handarmeinið var að jafna
sig. Síðar hélt Guðmundur áfram að lesa fyrir hann og lærði mikið
af því sjálfur. Texta í bókum á Norðurlandamálunum þýddu þeir í
sameiningu jafnóðum og þannig varð Guðmundur vel heima í þessum
tungumálum.
2 Þeir séra Magnús voru systkinasynir.