Borgfirðingabók - 01.12.2010, Side 103

103Borgfirðingabók 2010
innlendar og erlendar bókmenntir verið lesnar. Hefur hann eftir
frænda þeirra Magnúsi Helgasyni frá Birtingaholti, að Shakespeare
og Ibsen hafi verið hversdagslestur og umræðu efni. Sigríður yngri
nam einnig orgelleik og þegar fram liðu stundir var hún organisti við
guðsþjónustur föður síns í Gilsbakkakirkju.
Þess má nærri geta að bakgrunnur sem þessi hafi styrkt Sigríði
mjög og gefið henni sjálfstraust til góðra verka síðar á ævinni. Strax
á yngri árum tók hún að sér trúnaðarstörf fyrir Brúna, ungmennafélag
sveitar innar. Hún var einnig byrjuð að kenna áður en hún fór úr
föðurhúsum og kenndi m.a. Guðmundi Böðvarssyni frá Kirkjubóli á
átta vikna nám skeiði vorið 1923.
Myndlistarnám
Veturinn 1902-03 bjó Sigríður í nýreistu húsi að Grjótagötu 4 í
Reykja vík hjá afasystur sinni Steinunni Thorarensen.5 Þá lærði hún
teikn ingu hjá Stefáni Eiríkssyni myndskera, sem bjó á neðri hæðinni
í sama húsi og rak þar einnig myndlistarskóla. Telja má líklegt að
á þessum tíma hafi hún teiknað myndirnar tvær sem getið er hér í
upphafi. Stefán var fæddur í Fremraseli í Hróarstungu 1862 og hafði
numið myndskurð í Kaupmannahöfn í sex ár og eitt ár í Þýskalandi.
Auk þess hafði hann á náms árunum farið til Austurríkis og Sviss til
að kynna sér þessi mál. Frá árinu 1898 var hann búsettur í Reykjavík
en hafði þá verið á Austurlandi og Norðurlandi um skeið eftir að
hann kom að utan. Hann kenndi mikið eftir að hann kom heim og
má sem dæmi nefna að um tíma stunduðu 60-70 nemendur nám hjá
honum í kvöldskóla. Stefán hafði á árunum í Kaup mannahöfn m.a.
orðið allvel kunnugur Sinding myndhöggvara (1846-1922) og fleiri
kunnum listamönnum á þessu sviði. Líklegt er að hann hafi verið
þess vel umkominn að miðla myndlistarstraumum Evrópu á þessum
tíma til nemenda sinna hér heima.
Líf og starf
Sigríður vann við kennslu í Hvítársíðu 1910-1912 og var heimiliskenn-
ari þar 1912-1913. Þá kenndi hún í Ferjukoti í Borgarhreppi 1914-
1916 eftir að hafa tekið próf úr hússtjórnardeild Kvennaskólans í
5 Steinunn hét Steinunn Járngerður (1836-1915). Hún var dóttir Sigurðar Sívertsen
(föðurbróður Sigríðar Pétursdóttur á Gilsbakka) og seinni kona séra Stefáns Thorarensen.