Borgfirðingabók - 01.12.2010, Side 106

106 Borgfirðingabók 2010
sumrin veitti hún ásamt Vigdísi barnaheimili á Silungapolli forstöðu
og gættu þær þar sumarið 1934 alls sextíu og fjögurra barna eins og
fram kemur í afar jákvæðri umsögn um heimilið í Morgunblaðinu
í september það ár. Sigríður var einnig stundakennari við
Blindraskólann á árunum 1935-1938. Í kennslustörfum sínum bjó hún
yfir mikilli þolinmæði og þrautseigju. Ásgeir Pétursson bróðursonur
hennar segir svo frá að hún hafi ekki síst getað kennt þeim sem áttu
við einhver bágindi að stríða. Þannig hafi hún t.d. getað kennt dreng
að lesa sem átti við erfiðleika að etja vegna heilaskemmda og hefði
það ekki verið mörgum fært.
Systurnar á Hringbrautinni
Sigríður bjó lengst af í sambýli við Sigrúnu systur sína, sem hafði
menntast í Danmörku og var einn brautryðjenda í málefnum
hjúkrunar kvenna á Íslandi. Þær systur bjuggu fyrst hjá Pétri bróður
sínum á Hólavöllum í Reykjavík, en síðar í íbúð sem þær áttu við
Hávallagötu. Þær keyptu svo saman hús að Hringbraut 81, þar sem
þær bjuggu síðan. Katrín systir þeirra flutti til þeirra 1936 og bjó þar
til dauðadags 1972. Í byrjun áttunda áratugarins flutti Ragnheiður
systir þeirra einnig til þeirra, en hún hafði áður búið á Hvítárbakka.
Að sögn kunnugra var heimili þeirra systra mikið menningarsetur
og á milli þeirra ríkti fallegt systrasamband sem var náið án þess
þó að þær skiptu sér mikið af högum hver annarrar. Þær voru allar
barn góðar og börn löðuðust að þeim. Ásgeir Pétursson segir þær hafa
búið yfir mikilli hlýju og mildi. Hann kveður Sigríði alla tíð hafa
lesið mikið og að hún hafi haft víðtæka þekkingu á bókmenntum.
Hún hafi hins vegar verið einkar hlédræg að eðlisfari og varfærin og
því ekki mikið látið almenn mál til sín taka. Þetta styðja orð Sigríðar
Sigurðardóttur systurdóttur hennar að hún hafi verið orðvör og dul.
Það dylst samt engum að hér var um hæfileikaríka og greinda konu
að ræða. Teikningar hennar bera vott um listfengi og velvirkni, en að
líkum ræktaði Sigríður myndlistina ekki mikið með sér eftir námið
hjá Stefáni og því hefur aðeins fátt af verkum hennar varðveist; lítið
meira en þær tvær teikningar sem hér hafa verið nefndar.
Lokaorð
Sigríður lést í október 1980 þá 95 ára að aldri. Hún var ógift og barn-
laus. Í nóvember 1989 andaðist Sigrún systir hennar, yngst og síðust