Borgfirðingabók - 01.12.2010, Side 117

117Borgfirðingabók 2010
ið að verja 400 kr. úr hreppssjóði til landakaupa undir skrúðgarð í
Skalla grímsdal.4 Til stofnunar garðsins lagði því hreppurinn til 400
krónur og ungmennafélagið og kvenfélagið sínar 250 krónurnar hvort
og svo voru 400 krónur fengnar að láni. Kaupverð Skallagrímsgarðs
var 1328.25 kr.5
Á sumardaginn fyrsta árið 1931 stóðu félögin sameiginlega að
skemmtun til ágóða fyrir skrúðgarðinn. Framkvæmdir hófust, landið
var ræst fram og settar niður trjáplöntur. Fyrstu plönturnar sem voru
gróðursettar voru 38 silfurreynar, 25 reyniviðir, 69 ilmbjarkir, tvö
blóðrifs, 4 fjallarifs og 3 strandfurur og höfðu allar þessar plöntur
verið gefnar. Einnig voru sóttar 80 birkiplöntur upp í Hreðavatnsskóg.
útveguð var ókeypis girðing utan um garðinn með styrk frá Kofoed
Hansen skógræktarstjóra og árið eftir var garðinum lokað með
myndar legu hliði sem Eyjólfur Jóhannsson framkvæmdastjóri í
Reykja vík gaf.6 Árið 1957 var síðan sett nýtt hlið á garðinn, en það
var gjöf frá Borgfirðingafélaginu í Reykjavík í tilefni 30 ára afmælis
kven félagsins.
Kvenfélagið og ungmennafélagið störfuðu bæði að velferð garðs-
ins til ársins 1938, en strax árið 1934 fór kvenfélagið að sýna því
áhuga að eignast allan garðinn. Ungmennafélagið samþykkti með
eftirsjá að selja sinn hluta, meðal annars sökum fjárhagsvanda vegna
hús bygg ingar. Var málið síðan í biðstöðu til ársins 1938. Þá sendir
kven félagið ungmennafélaginu annað bréf þar sem það ítrekar ósk
sína. Í fundargerð ungmennafélagsins frá 27. febrúar 1938 segir
að málið hafi verið töluvert rætt í félaginu og virtust flestir vera
sammála um það að garðurinn yrði betur starfræktur ef eitt félag ætti
hann þótt leitt væri til þess að vita að félögin skyldu ekki geta staðið
sameiginlega að heill þessa óskabarns síns.7 Þann 17. mars 1938 voru
kaupin frágengin að fullu og varð kvenfélagið þar með eitt eigandi að
garðinum og sá alfarið um rekstur hans næstu fimm áratugina.
Sérstök garðnefnd starfaði innan kvenfélagsins. Var skipað í hana á
hverju ári. Formaður þeirrar nefndar var lengst af Geirlaug Jónsdóttir
4 Héraðsskjalasafn Borgarfjarðar. Skjalasafn Borgarneshrepps. Sveitabók 1913-1927.
5 Héraðsskjalasafn Borgarfjarðar. Skjalasafn Kvenfélags Borgarness. Reikningabók Skalla-
gríms garðs 1930-1963.
6 Sama heimild.
7 Héraðsskjalasafn Borgarfjarðar. Skjalasafn Ungmennafélagsins Skallagríms. Fundar gerða-
bók 1928-1941.