Borgfirðingabók - 01.12.2010, Page 119

119Borgfirðingabók 2010
var 2336,25 sem rennur til garðsins. Ágóði af kaffi og íssölu 610,00
fer til kvenfélagsins.“8
Í garðinum var lengi vel gróðurhús þar sem ræktuð voru blóm
til nota fyrir garðinn, en einnig gat almenningur keypt þar blóm.
Árið 1977 keypti kvenfélagið hús og lóð að Skallagrímsgötu 6. Áttu
félags konur sér þann draum að endurnýja það eða byggja nýtt hús,
en ekki varð neitt úr því. Húsið var ónýtt og að lokum var það brennt
í maí 1981 og síðan jafnað um rústirnar og flutt burtu það sem ekki
brann.
Af lestri fundargerða kvenfélagsins má vel gera sér ljós hversu
mikið starf það var fyrir lítið félag að annast garðinn. Því verður
það árið 1989 að kvenfélagið afhendir sveitarfélaginu Borgarnes-
kaupstað Skallagrímgarð til eignar og umhirðu. Fellur hann nú undir
framkvæmdasvið bæjarins. Umsjónarmaður garðsins síðustu ár er
Steinunn Pálsdóttir og hefur hún haft veg og vanda af umhirðu garðs-
ins.
Listaverk og minnismerki í garðinum
Nafn sitt dregur garðurinn af Skallagrími Kveldúlfssyni, landnáms-
manni á Borg. Í Egils sögu segir frá því að þegar Skallagrímur dó
lét Egill sonur hans gera haug á framanverðu Digranesi. Haugurinn
er til vinstri þegar gengið er inn í garðinn frá Borgarbraut. Þar segir
sagan að Skallagrímur væri heygður ásamt hesti sínum, vopnum og
smíðatólum. Egill átti son, Böðvar að nafni, hann drukknaði ungur
í firðinum og sýnir lágmynd úr eir eftir dönsku listakonuna Anne
Marie Carl-Nielsen Egil reiða lík hans til að leggja það í hauginn hjá
Skallagrími. Hafði Egill stuttu áður misst annan ungan son, Gunnar
að nafni. Var Egill mjög harmi þrunginn við lát sona sinna og orti þá
hið þekkta kvæði Sonatorrek.
Dætur Anne Marie Carl-Nielsen, þær Anne Marie Telmanyi list-
mál ari og Irmelin Eggert og eiginmaður hennar dr. med. Eggert
Möller prófessor gáfu íslenska ríkinu eirmyndina árið 1963. Þótti vel
til fundið að myndinni væri komið fyrir í Borgarnesi og eignaðist
hrepps nefnd Borgarness hana 13. september 1968. Var henni síðan
komið fyrir þarna í næsta nágrenni við Skallagrímshaug þar sem hún
á vel heima.
8 Héraðsskjalasafn Borgarfjarðar. Skjalasafn Kvenfélags Borgarness. Fundargerðabók 1950-
1981.